katmaki

我同我男朋友開始拍拖係2月份，我對佢可以算係一見鍾情，
佢係我第一個男朋友，係我既初戀，我對佢既感情都好認真，
我地係工作認識既，初頭同佢唔係好熟，我對佢既印象係佢係女人都撩,成日
口花花,,講野冇句真，我同佢一齊係因為同佢相處落，發覺到佢對人幾細心，
肯幫人又唔怕蝕底，好欣賞佢，
one day，我上去佢屋企，佢去左沖涼，見到個msn開左，好奇心推使下，
想望下平時佢d交友類型，view左一view，大部份都係女仔，全部都唔識既，
咁岩click到check埋平時佢地既通話紀錄，有幾個見到佢係傾得幾密，
就睇個幾個
，內容大致上係亙相'miss you'，'love you'，交換左電話
直至我見到有一個佢傾得比較親密既，
內容係最令我心痛，佢同佢由上年開始msn，
佢將佢既心事同佢分享，熟落到將自己響邊度工作都話俾對方知，叫對方找佢，
仲問對方個女仔點解唔打電話俾佢，句句都說出好掛住人，
對方女仔問點解要係佢，同佢講叫佢搵第二個，唔好揀佢，佢afford唔起，
但我男友話只需要佢，將佢放響第一位，我只.係佢既水泡，響佢心目中佢係第一位，我係第二位，
個一刻我真係好心痛........好心痛
原本以 為佢會係我既唯一..........................
點知我遇錯人............佢既花心我承受不住
heart break down
我未同佢講過,佢未知,但我心度有條刺,
響佢面前我仲0扮緊冇野
不過我發覺我真係好難再響佢面前做雙面人
我應唔應該放棄
再搵第二個真係岩我既mr.right

nmt

u are totally deceived la...

kelvin299

長痛不如短痛

boyz1

樓主唔洗諗la
搵個個la
佢搵第一個..就會搵第二個
妳忍得幾多個:smile_39:

bcm

咁0既情況你仲唔走,想比佢hurt到咩地步至走呢??
人有底線架,幾鐘意都好,何必攪到自己遍體鱗傷,搖尾乞憐??
佢既然講得出當你水泡,又話掛住第2個女仔,
好明顯你係佢心中根本無位置,算吧啦,保持著你自己0既尊嚴,
冷靜d壯士斷臂...呢個世界上好男人多的是......
祝福你好快搵到第2個比佢好10倍的!!!!!!