打印

割包皮經驗分享

收藏 | 訂閱

3 1.7k

mithowavy

等待驗證會員

mithowavy

1^# 大中小簡繁發表於 2009-3-1 只看該作者

割包皮經驗分享

本來打算好番晒才把整個過程分享，但主觀願望與現實原來相距頗遠，相信還要相當時日才可以完全康復。

請注意：每個人情況不同，以下只是個人經驗的分享，不一定是大多數人的典型經歴，寫出來只是希望提供一個參考。

我四十多歲，結左婚都差不多有廿年，也記不起何時知道自己包皮的問題。我是屬於包皮過緊，即勃起時包皮太緊不能露出龜頭，軟的時候預先反起包皮，到勃起時便會緊箍著陰莖好痛，唔戴套性交亦會痛。

這幾年已經習慣了每天洗澡時反開包皮來清潔，所以衛生問題不大，但我好懷疑經常反包皮便可以使包皮不再過緊的講法，有冇師兄可以分享成功的經驗？

上個月忽然有幾天假，所以便上 discuss 攞料，最後決定還是引刀求一快。早上打電話預約，當日下午有期，便去藥房買定紗布及消毒葯肓。

去到醫務所醫生先替我檢查，醫生叫我反給他看，然後（冇戴手套）掂左我幾下。醫生話我的情況輕微，唔割都得。但心想唔係時時有假，今次的起心肝去睇醫生，所以都係照做啦。醫生先替我打兩枝麻醉針（在根部，左一枝右一枝），然後叫我出去等，打針有少少痛，打的始終係敏感部份，比一般針拮痛。

幾分鐘後再入醫生房，醫生叫我瞓低然後用針輕拮，問我痛唔痛。有師兄話完全冇感覺，我雖然表皮唔痛，但 JJ 內部卻有感覺。醫生話只要唔痛就OK，我就信醫生話，點知手術時超級痛（比打麻醉針痛多兩級左右），可以忍到的，但若果怕痛的人可以考慮叫醫生加麻醉葯，因為每個人對麻醉葯的反應都不同，醫生當然話打得多麻醉葯對身體冇益，但要記往麻醉葯要一段時間才生效，開始左割再打就已太遲，自己衡量一下。

醫生先用較剪剪去多餘的包皮，然後再用電焯止血，聞到少少燒焦的氣味，大腿內側亦感到有很熱的物件靠近。

之後輪到最痛的部份：縫針。縫 JJ 的上面是沒有感覺的，但由於麻醉葯力不足，所以縫下面近正中的時候，可以感覺到針拮入去拉線的動作，總之好痛，剪包皮時都已經覺得有少少痛，但遠不及縫針時的痛楚。

之後包紮，完成後看看手錶，一小時有多。

待續...