上得山多終遇虎, 話聲D兄弟知而家搵食艱難, 好易中㐲, 前日我約左一件QQ深圳見面, 佢約o係上海賓館見面, 但到約定時間都鬼鬼鼠鼠咁無出現, 後來打個電話比我問我係唔係企o係度果個, 我就問佢o係邊, 原來佢企左o係酒店則邊一間好似Bar既鋪頭門口, 果時我都有D協協地, 因為果度都幾暗, 我行左埋去之後就同佢講, 不如搵個地方食飯先, 點知佢就話唔好行咁遠, 不如就入去間Bar食D野, 我望一望入面, 打量過環境, 坐近D門口有事應該以我既新手可以全身而退, 於是就同佢入左去, 入到去我就同佢傾下計, 但係佢就唔理我, 淨係叫野飯同叫野食, 咁我都無野佢, 以為我講野悶親佢, 點知轉仕應攞野埋黎, 話要找數先, 我一睇, 佢叫左杯茶, 一牒水果, 我就叫左一支啤酒, 埋單要260人仔, 咁請況無計, 先比錢, 再同佢傾下等陣點, 點知佢又係唔採我, 轉頭又叫野, 今次仲點3-4樣, 我諗都唔諗就叫停個仕應話唔要, 叫佢行開, o尼個時候條QQ就發圍, 問我做乜唔比佢叫野, 我聽完乜都無講就拿拿聲沖出大門, 出到去仲要急急腳咁走去地鐵站,望番轉頭好彩無人追黎。
估唔到以前用o係卡拉OK既橋會比人咁樣用番, 大陸人真係好野!
