北上的港燦

我呢Ｄ典型香港人，平時返工做生做死做奴隸，又樣衰又溝唔到女，放工返屋企例牌上下夜遊版搵人寸下，舉報下，出下氣，對住個電腦唔駛見到面唔驚比人打，就梗係威係勢啦！咁難得又捱到周未，就梗係北上做大爺啦！雖然廿幾歲既我已經冇咩頭髮，不過我都係要ＳＥＴ番個靚頭先，然後再著件”飲衫”（９９蚊特價時買），再加對陳年ＡＤＩＤＡＳ鞋玩復古ＦＥＥＬ，咁先夠威架嘛！上到去搵個場搥骨，先洗腳啦，個洗腳妹真係靚女，猛咁聊我傾計，可能係見我係香港人掛，我每次返到上去都會好自豪同好自信，一改常態，廷直條腰，舉高個頭，行步路都八字腳大大步！因為我係香港人，所以梗係巴幣Ｄ啦！洗腳妹話我好靚仔，然後佢仲話第一次咁樣讚人，我聽到梗係好開心啦！係香港從來都無女人會話我靚仔，所以話香港Ｄ女人幾冇眼光！我估呢個洗腳妹肯定係對我一見鐘情，短短幾分鐘就話我靚仔！後來佢又問我做咩工，有冇車，有冇樓，睇來佢真係好關心我！我感到愛情既火花就係短短既一個小時裡面產生左！後來傾下傾下，佢話叫我等佢放工，想約我出街！睇來佢真係好鐘意我！香港女人個個都係盲，唔識欣賞我！我咁型仔，有羅家英既髮型，鄭則士既身材，所以証明好野自然會有人欣賞！後來係外面等個洗腳妹放工，同佢去食野，食左１００蚊，之後同佢去行街買衫，仲叫我買隻金戒指比佢，睇來佢真係愛上左我！如果唔係唔會咁做！雖然同佢短短既一日相處，但係佢既說話，令我覺得佢真係好鐘意我，佢不斷咁話我靚仔，話我有型，話我高大威猛，証明佢愛上左我啦！所以我覺得好感動，豪宅３０００蚊買左二隻情侶金戒指，本來打算一人一隻，不過佢話果二隻戒指係一對既，唔可以分開，所以佢二隻要晒！一隻幫我保管！我知道佢咁做係出於愛我既表現，佢唔捨得同我分開，但我又一定要走，所以先要留住我既戒指，令到佢可以係我走左之後好好咁想念我，睹物思人！佢成２５歲啦，佢話佢都仲未拍過拖，估唔到我即將可以得到佢既初戀，我真係感動得唔知講咩好！同佢道別後，返到香港返到公司老細又將我省獲甘，不過唔緊要，我知道大陸有一個暗戀我既女人在背後支持我，咁就夠了

william231

努力啊~~
師兄!
你終於找到真愛啦!

wingho92

謝謝您的報告，我終於找到看討論區的樂趣了，希望您繼續出文章，娛樂大家，衷心感謝！

盤古

無聊~~~:smile_45:

ch_latour

支持本地原創作品！:smile_38: :smile_38:

cdleung

笑到我肚痛..哈哈哈:smile_30: :smile_30: :smile_30: :smile_30: :smile_30:

樓主將d香港人ge遭遇寫曬出黎,雖然係人都知,不過好搞笑~:smile_30:

亂我心者多煩憂

燦哥日記!:smile_38:

calvinlhk

祝c hing找到真愛, 錢途似咁:smile_42:

暗修羅

呢位師兄可以係上邊搵到佢既真愛,
真係恭喜晒, 希望你繼續落去啦~~~!

louis168

公喜公喜