|
等待驗證會員
|
1#
大 中
小
簡
繁
發表於 2008-8-21 只看該作者
@@ 深圳火車站對換店換啲人民幣是假的 @@
間嘢就在一出大陸關卡就望到那間,往的士站的方向行幾步,唔使上樓上,就係地庫那裏只得一間係換錢,好大間,啲女職員著晒制服,有大約四五部銀紙機放在櫃面那間,我當晚約11:30pm去到間嘢,我比左$600港幣佢,佢就比反511元人仔我,共5張一百元,1張十元,1張一元,我只是點點啲張數有無少,我點左啲張數啱,但我發覺有4張一百元好似特別滑身,望落去同另一張特別唔同,我當時以為係啲新銀紙,我當時無好認真去研究啲人仔是真定假,因我以前都在那間嘢對過好多次錢都無事,同埋我心想間嘢甘大間應該唔會比假嘢我掛,何況只是幾百元人仔,跟住我就行去前面搭的士,我上左的車,跟住到站落車比錢,我比其中一張一百元人仔司機,佢睇左一陣,佢話係假,跟住唔收比反我,我跟住再比第二張佢,佢睇完都話係假又比反我,我再比第三張,佢睇完又比反我,我當無再比第四張佢,因我知應該都係假,我就比左我另外啲人仔佢跟住落車,我跟住去左一間好大間既正場揼骨,我走時埋單一百九十元人仔,我就試下比那些假人仔佢,睇下佢收唔收啦,跟住個收銀睇完比反我話係假的唔收,我跟住比晒那5張一百元人仔佢睇問佢是否都是假,佢答我得一張是真,其它四張是假,就係滑身那幾張,我無奈地比左我另外啲人仔佢埋單走人...
我跟住走反去間黑店想住試下叫佢換反啲人仔,我去到在櫃面同佢啲職員講佢地啲人仔係假,個職員叫我等一陣話叫個負責人來同我講,我等左一陣,有個廿幾歲度既女仔走左來同我講話佢係負責人,問我乜事,我就話妳間嘢換左啲假人仔比我,佢就話無可能,我地甘大間嘢唔會比啲假嘢人,佢話我啲錢係比其它人換左,話可能比的士佬換左,我心想無可能,第一我比錢時我睇住個的士佬,第二如果係的士佬換點會有4張係假,因我只比過3張一百元的士佬,所以無可能,呢啲只係間黑店既值口,跟住個負責人又叫我試下放啲假人仔落部機度睇下啲錢是否假,話銀行都找佢地啲機試銀紙,是真是假一試就知,我跟住放左那4張落去試試,點知有1張過到機,有3張過唔到機,但過到機那張其實都是假的,個負責人即時無嘢講,我問佢而家總之換唔換反比我先,?佢話都係唔換.
我跟住同隔離更亭個公安講要報案,個公安跟住叫左個公安落來帯左我地去報室落案,間報案室要行過條天橋,在另一個的士站隔離,其實我都知報安無用,大家都知啦,不過都做埋最後一步啦,跟住我地三個去到,去到有個公安認得個女仔跟住同個女仔講:乜又係妳呀,跟住去到裏面有間房有另一個公安叫我入去,黑店個女仔在門口等,我落完口供後,個公安叫我留底那4張假人仔做証物,我問唔留底得唔得,佢話唔留底就唔落案,甘我話唔落案,我跟住攞反啲假人仔走,假都好過無啦,何況啲公安都一定唔好比反啲真我,我跟住行出房門,開門時個公安好惡甘叫個女仔入去,個黑店個女仔個樣笑笑口好似好唔好意思甘入左去,甘即時係話個黑店女仔成日去報案室比人問話啦,呢啲嘢在心中啦...跟住我就反香港,成件事就係甘啦!
我在這裏同大家講千萬唔好去那間黑店換錢,我見意大家最好在香港啲對換店換,其實在羅湖火車站落左車未入閘前都有一間對換店,雖然可能差幾元,但下次我一定會在香港換,錢是少,但條氣谷住谷住,請各師兄得閑入來同我推反個帖上去,等其它人睇到,唔該...
[ 本帖最後由 深圳黑店 於 2008-8-24 07:00 PM 編輯 ]
|
