manman215215

如題。或者講多少少。之前都有係到出post，但.............有識到一兩個單身傾下計，我諗真係我問題比較大，同佢地溝通上總有問題，真係好嬲自己，所以我有反省諗過，希望之後唔會再咁樣。個個都話想係呢到揾另一半，本身已好有問題，哈哈，唔緊要啦，咪當識多個朋友，我又不是青春少艾，係無乜競爭力，但我唔會放棄，浪費左你既時間入黎，唔好意思。

yeungho73

師姐加油💪吖🥳🥳🥳🥳

花郎

希望你緣份早d來臨

manman215215

多謝你呀。希望有機會

manman215215

有時其實覺得有無緣份呢樣嘢？anyway, 多謝你。

花郎

引用:

原帖由 manman215215 於 2020-9-16 00:13 發表
有時其實覺得有無緣份呢樣嘢？anyway, 多謝你。

緣份包括兩個部分，一是緣，二是份。緣是一剎那的感覺就是兩個有著共同希望的人在最適當的時間和情景相遇相識，彼此都有一種相識恨晚、上輩子就認識的感覺；份是指真正屬於自己的時間長度，人生錯綜複雜，變幻難料，有些緣是曇花一現，過眼雲煙；有些緣是天長地久，相伴一生；有些緣是半路浮萍，曲終人散。份就是你能把握、享受、快樂的緣。所以有的人無緣無份，有的人有緣無份，真正有緣有份的太少了，此事古難全。
平常心,活在當下.唔好守株待兔,但緣份未到時你都要增值自己,唔係等運到.哩個世界越努力先越幸運.等運到會令你慢慢失去價值,唯有不斷增值自己先可以擁有更多.身才靠運動,氣質靠讀書,財富靠打劫.
加油!

花郎

引用:

原帖由 manman215215 於 2020-9-16 00:13 發表
有時其實覺得有無緣份呢樣嘢？anyway, 多謝你。

............................

manman215215

多謝你咁詳細回答我。年紀愈大，就係只能依靠平常心，特別係我呢種無身材無樣貌的中女，氣質唔敢講，但都唔會係粗鄙既人，我估，哈哈。

呂不韋

見你講到好灰。
不過都加油。。。

manman215215

多謝你！
灰呀？都算既，你睇，好多有另一半，再出去識多個另一半，真正單身如我，就半個都欠，其實都堅灰架，你睇要係呢到出post 就知啦。不過都接受左果種心態，將灰加番d 色落去，希望有曙光啦。