本帖内容會不定時更新，多謝各位收睇，thx
歐洲頂級名駒(好戰王)
(好戰王)係我本身好鍾意嘅歐洲頂級戰駒，牠勝出法國打吡一役，當時係擊敗蘇銘倫嘅(實穩金)及跑入季軍嘅即將來港跑女皇盃嘅(民間智慧)，牠嘅強勁加速力，簡直就好似一架跑車一樣，而且牠贏完法國打吡之後，再贏埋英國及愛爾蘭冠軍錦標，牠贏英國冠軍錦標一役，係令我非常驚喜(因為牠係第一次同艷跡可尋交手，都竟然可以力挫艷跡可尋成為大熱門)，因為牠當時擊敗眾多強敵，尤其係以兩個馬位之先擊敗應屆凱旋門大賽冠軍(艷迹可尋∼亞軍)及(木球能手∼季軍)，確實係好吾簡單，更有機會榮膺歐洲馬王寶座！
忠心好馬∼(小子威威)已退役
小子威威係小弟非常鍾意嘅馬匹(由第四班最低嘅41分起步，一路扶搖直上去到120分晉身第一班)，内在鬥心非常強橫，我記得有一場馬，小子威威係2.3倍嘅大熱門(當時第四班)，又係入到最後二百，李格力催策小子威威，馬匹立即交出強烈反應，以風捲殘雲嘅姿勢拼命追前，只可惜以鼻位之微輸比當時由法國頂級高手柏兆雷策騎嘅(揸弗)，無話可說最令我驚喜嘅就係，小子威威喺參戰1997年四歲馬系列(香港打吡預賽∼史卓楝策騎∼當時評分上升到82分)賠率冷到24倍，喺外界一致睇淡此駒嘅環境之下，入到最後直路，小子威威有些少内閃，一修正之後，移出内叠，以勁勢撲上，最後以四份一馬位擊敗第二名(威驊)及第三名大熱門(勝利雄風∼靳能策騎)，爆出24倍冷門成為1997年香港打吡預賽冠軍！
事隔一個月，嚟到戲肉(香港打吡大賽1800米)，我當時好鍾意捧王兆旦馬房，真心希望小子威威能夠勝出打吡，但可惜遇上當時(星洲巨人)愛倫馬房嘅奔騰，最後只能與勝利雄風及原居民一齊影相分二三四(最後小子威威影相跑第四)，只係輸比頭馬奔騰一又四分一馬位，呢場打吡嘅水準含金量極高，其後奔騰及原居民更相繼榮膺香港馬王，可見小子威威級數非凡
第二隻一定要講嘅好馬就係信利多(屬鄭俊偉馬房)，信利多雖然得九百幾磅馬仔細細，但係本身質素相當之高，而且性馴易騎，每場都好有追勁(非常忠心)，可惜經常被人低估實力，佢跑打吡嗰場(上圖∼紅袖紫衫)，能夠力迫頭二名(威爾頓)及(步步友)，前兩者更先後榮膺香港馬王，可見信利多的確係吾簡單！只係輸比頭馬一又四分一馬位，但係已經完全擲甩第四名嘅好靚仔有6個馬位之多，信利多馬主黃志祥先生係大馬主，之前擁有身價過千萬嘅應屆香港瓶冠軍(大利多)，可惜完全吾適應香港環境，之後更退役，黃生始終冇辦法憑名下嘅信利多圓打吡夢，實屬可惜…
經典馬女(勝威旺)
勝威旺係一隻不可多得嘅忠心馬女，質素上乘，嚟到香港第一季就一鳴驚人，一出即勝極度嫌短嘅1400米爆出38倍大冷門，當時係大鼻巫策騎，勝威旺全程用無比鬥心壓過高雅志策騎嘅(豪奪)，以一個鼻位險勝，相當精彩！之後更勝出2003年香港打吡大賽(見上圖)，更成為香港二十幾年嚟第一匹勝出香港打吡大賽嘅馬女，其係在香港盃跑入第三名，只係輸比當時頭二名兩匹歐洲馬王級惡馬(飛霸)及(發達蹄)，雖敗猶榮
(有得威 ∼姚本輝)演出相當準，鬥心甚強，好少大敗，兼且係一隻真真正正由52分一直贏到上123嘅高分，相當難得(但而家香港已經好少有呢類馬)，同時(有得威)有遇強越強嘅能力，經常出現好多次力拒來犯嘅鏡頭，上年(有得威)跑打吡嗰陣時，我其實一早就知道佢本身係冇2000米嘅長力，所以最後大敗12個幾馬位絕對合理，但係當時賠率只得10倍(證明好多馬迷都認同有得威嘅質素)，小弟希望(有得威)可以持續進步兼吾好跑得太密，養精蓄銳同紅衣醒神再决雌雄啦
(必全勝)並吾係馬王，但偏偏就係有擊敗馬王嘅本事(呢類馬其實比馬王更可愛)！(必全勝)令我最驚喜嘅就係有一場跑董事盃1600米(上圖)，(必全勝)喺直路最後200米曾經3度轉腳，但仍然能夠展現出頑強鬥志一直力拒來犯，以鼻位險勝爆出16倍冷門，同時分别擊敗告魯夫，奔騰及原居民3匹馬王級分子，必全勝同高雅志呢場人馬演出真係相當精彩，由原先51分起步一直贏到上136分，認真厲害！其後愛倫退休，轉去吳定強馬房之後，演出都相當穩定，非常難得嘅一級好馬！
美麗大師(上圖)勝出者，又係一匹演出非常稱定嘅忠心好馬，絕少大敗，鬥心甚強，美麗大師上一場主席錦標其實比咗佳龍駒好大壓力，告仔係大摩最大勁敵，只要告仔吾好將馬王級嘅分子配蔡明紹就ok，睇番美麗大師嘅走勢，相信跑1800∼2000米應該可以反勝(佳龍駒)，同時∼亦指要講一講隻巴基之星，配上蘇兆輝並吾係現想人選，而且巴基之星本身跑法太被動，又要留到最後，呢種跑法其實真係好蝕底，相信巴基之星以後可以反勝佳龍駒嘅機會並吾樂觀
唉…而家睇番全港廿幾個倉口，睇嚟睇去都只係覺得告東尼會對大摩有少少威脅，基本上大摩可以講係雄霸一方，其他馬房大部份都係似是而非，方仔除咗曾經擁有星運爵士同天久呢類大賽份子之外，最近呢幾年都再冇大賽棋子加盟，要贏大賽實在受到嚴重阻力…
喺度想講一講今個月30號嗰場女皇盃嘅形勢，呢場係全球焦點所在
睇番今屆女皇盃正選陣容，外隊馬實力極強，日本代表(新寫實派)上年已到港參戰國際賽，可惜無功而回…
其後新寫實派返回日本參戰札幌紀念賽(路程2000米)二級賽，結果以兩個馬位擊敗同馬房嘅日本馬王(滿樂時)奪得冠軍，今屆女皇盃新寫實派將會配上莫雷拉執韁，(新寫實派)嘅練馬師堀宣行上季香港國際賽事同日勝出兩項國際一級賽，睇番當時堀宣行所勝出嘅兩場國際一級賽嘅水準，相比起大摩喺同一日裡面，只係贏兩場剩係得香港馬嘅國際一級賽嚟得更加有說服力！
南非大賽之王郭克係香港嘅常客，曾經派出(幻彩光華)勇奪2006年女皇盃，及後在2008年派出(飛鷹山)勝出香港盃及同年派出(雕塑家)勝出愛彼錶女皇盃，直到2014年，郭克再派出佢一手訓練嘅南非馬王(繽紛會)嚟香港參戰冠軍一哩賽，結果以4個馬位大勝當時一面倒嘅大熱門香港馬王(步步友)奪得冠軍！令到大摩當時無地置容(步步友恥辱性慘敗)，馬王步步友同外隊馬交手多次，基本上係完全處於下風，喺香港一哩錦標(國際一級賽)以半個馬位輸比日本馬王(滿樂時)，2014年冠軍一哩賽(國際一級賽)以4個馬位大敗比南非馬王(繽紛會)，喺英國嘅女皇安妮錦標(國際一級賽)以八又四份三馬位大敗比當時一面倒嘅大熱門(經濟學家)，所以步步友成為香港馬王，實在有d諷刺(贏嚟贏去都係嗰幾隻馬)，喺e+嘅香港，根本就冇一隻係名符其實嘅馬王，今次大賽之王郭克派嚟嘅(莫他脅)，質素極高，曾在2016年杜拜世界盃只輸比當時如日中天嘅美國馬王(閃亮加州)4個馬位屈居亞軍，及後在2017年再喺杜拜世界盃輸比當時嘅世界馬王(霸道駒)得第四，以其實績水準推算，(莫他脅)在女皇盃已經有足夠能力同任何對手周旋
至於其餘兩匹外隊馬(美國聯邦)同(民間傳奇)，前者曾勝2000米一級賽，後者更曾經分别只輸比兩匹歐洲頂級名駒(啹喀兵)及(好戰王)，跑獲第三名
至於港隊代表方面，明月千里曾有傷患，上場香港金盃布文打到鞭斷先僅僅以鼻位險勝將男，論狀態肯定不及上屆贏女皇盃時咁好，將男銳氣而過，今場對手更強，更難贏，天才∼上屆香港盃只以3個馬位輸比日本馬王滿樂時，長途實力雄厚，但可惜再出走樣，過氣馬王威爾頓仲有一定嘅水準，吾好忽視，最後∼星球馬巴基之星，我就覺得佢上場打吡追足一條直路都過吾到佳龍駒咁計，要喺今場女皇盃贏馬，機會真係一d都吾樂觀，除非隻馬要有好大進步先至夠贏
海都之星
海都之星∼係一匹威震歐洲馬壇嘅頂級馬王！
海都之星(上圖黃衫)嘅馬主係香港人(崔嘉亮)所自行培育嘅純種馬匹(另同主嘅海都巨星則養在本港呂健威馬房)，出道以嚟9戰8勝，更成為賽馬史上第一匹勝出二千堅尼錦標/葉森打吡及凱旋門大賽嘅馬匹，而且更連勝6場一級賽(二千堅尼錦標/葉森打吡大賽/日蝕大賽/國際錦標/愛爾蘭冠軍錦標/凱旋門大賽)，其後此駒嘅練馬師岳斯向外界宣布海都之星將會退役轉作種馬
究竟喺現役咁多騎師裡面，撇開雷神吾講(因為太悶，一人馬場，冇錯∼雷神係好，但並吾係個個馬迷都一定鍾意佢，其實近呢幾個月嘅戰果已經好單調及沉悶，有好多好嘅騎師都因為吾夠坐騎或坐騎欠缺足夠實力，所以搞到其他騎師根本冇辦法同雷神抗衡，形成一面倒局面，再加上大摩又壟斷哂所有大賽其他練馬師又似是而非，搞到個馬圈根本毫無競爭性，變成強者越強，弱者越弱，咁樣落去個馬圈真係好吾健康)，如果女皇盃都比雷神贏埋，咁就真係痾拔甩喇…咁以後香港其他嘅騎師就真係好難有機會喺大賽揚威，因為極大機會贏大賽冠軍嘅馬都已經盡入雷神手中(全部有事實根據)佳龍駒贏4歲三冠王及主席錦標(全部雷神主策)，步步友所有贏嘅G1(全部又係雷神經手)，日本馬王滿樂時贏冠軍一哩賽又係雷神，上屆香港瓶盟主(里見皇冠)又係雷神，及後雷神更加一日八捷，雷神壟斷局面一早呈現
好跑得∼係小弟一直都好鍾意嘅經典一哩馬王！
當年好跑得挾南非打吡冠軍之名來港，喺1999年10月份嘅一場一二班混合賽1400米一出即勝(排13檔∼負131磅)，全程包尾，入到直路馬佳善抽出外檔全力推騎，馬匹优如天馬行空一樣，直奔終點，以四分三馬位奪得冠軍！
之後事隔兩個月，好跑得在一場3級賽以3個半馬位奪得冠軍(評分亦上升到去139分)！
好跑得其後喺1999年嘅香港打吡大賽(1800米)被捧成1.4倍一面倒嘅大熱門，結果落敗而回，却由愛倫馬房嘅(聖利∼夏力信策騎)以3個半馬位之先爆出驚人嘅99倍大冷門奪得該屆打吡大賽冠軍！
好跑得喺2000年嘅3冠馬王大賽頭關(見上圖)嘅(董事盃∼1600米)以1又1/4馬位擊敗愛倫馬房大熱門掌門奪得冠軍！蹄下敗將有奔騰/實業家及肯定叻，可見當時好跑得嘅一哩能力係幾咁強勁！
[
本帖最後由 得意肥邦 於 2017-8-17 04:39 PM 編輯 ]
