小弟初次分享心水 ; 望各位師兄多多指教 今次賽事提供兩隻晨課勇馬同一隻半冷WP。
第5場 3班1200 (60-80) 香港交易所盃
呢場狀態突出既馬係「8.心慷慨」同「12.同鼎高峰」; 其次「1.真先生」「2.魔連奴」「4.快樂生活」「6.華飛」。
馬膽揀左
「8.心慷慨」- 前仗跑田草千四強組都走得好 ;已適應三班步速 , 估唔到上場跑谷草都可以跟咁前。雖然隔十四日再跑,但二十號有出黎跳兩段,感覺隻馬情緒都淡定。繼續執到內檔好位,負磅有利;希望捧唔到警察盃捧返呢隻香港交易所盃兼開齋啦。
(希望田先生生性,唔好再黎「飛馬再威」大讓賽。
「12.問鼎高峰」- 改跑法後贏兩場, 雖然贏得唔算輕鬆,但係低潮馬房而取得連捷都唔簡單。知道要升班跑都唔心急出,隔四十二日再出。最近試閘同「西方快車」同「巴基之星」近。復課更見淡定,但升班排大外檔雖有雷神幫手,始終有一定難度,所以作配較合。
「1.真先生」- 最近係二班落班邊緣; 所以都無需理會近仗成績 , 求分成功落班強配 , 呢個路程始終最好,或賺多少班利下兼配合近期馬房攻勢可拖住。
(如果講陰毛論 ; 8 同 12 都同呢匹馬息息相關)
「2.魔連奴」- 呢匹摩佬上場早段都比「萬事欣」同「明月春風」搞搞震。返黎後兩駒斷得好快,而佢就頂到最後一百。始終季初都同。「海翡翠」「騰龍超影」近,今場快馬唔算多, 1檔係度都應該好跑。好似成日無乜贏面,但配腳可爭。
「6.華飛」- 有啲台型既馬匹。早早已係黎谷草試過閘,雖然左右隔離啲馬較水,但都走勢以當時狀態黎計都算收貨。今次變數係抖左130日;同父馬都合跑谷草; 大冷博呢匹。
第7場 1班1800 (85+) 跑馬地銀瓶
呢場狀態較突出係「1.馬上發財」「4.精氣神」同「9.萬馬飛騰」; 其次「2.縱橫大地」「5.超有利」「7.包裝騎士」「8.金匯龍華」「11.勁趣」狀態都唔錯。係一組有較多好狀態參戰馬既場次黎。
馬膽揀
「9.萬馬飛騰」- 而家呢個分去田草,一定會再撞返啲新晉精英;而佢噸位又唔算重,跑田草始終吃虧多少。心無旁鶩抖夠等谷草適合賽事上陣。功夫都積極,有試大閘,復課馬身輕唔瘦。雖然初跑千八,但相信步速都唔會太快,睇佢最近贏果兩場直路短程加速爆發,短直路好岩佢發揮,所以都繼續侶佢。
「4.精氣神」- 一月四晚谷草錯失機會。二月五轉翰路彎焗住等位比「超有利」走甩,無神神G1跑近加五分,都十分黑仔。上場得佢133當然唔會浪費體力。埋門祈普敦同佢單跳果課反手鞭醒醒佢都幾好反應;盃王馬跑盃賽兼未交代.相信會好似「飛來猛」咁肉緊。
「2.縱橫大地」- 同隻九號一樣,現階段跑田草對手強,兼佢仲要重磅。所以都係專心等谷草,抖三十五日休息假都夠,正路配腳。
「7.包裝騎士」- 係擔心季初開始硬拚都季中。但睇幕後似乎想一季榨盡,仍然輕勁兼路程未甩三甲,拖住一票。
「8.金匯龍華」- 上場跑泥完全唔願展步,可當無用力,雖然東哥初谷,但呢匹馬都算易跑,內檔輕磅跟前,博冷腳。
半冷門WP -
第4場「7.風采」
自己睇晨課狀態係前一場已嘜住有返起色但尺寸馬唔易跑,所以前四仗用見習生跑我覺得唔合發揮。上仗泥地往績計三比零唔作準。但直路上都肯追下。今場突換上洋將,比季內贏馬時但六分;會唔會配合馬房「心慷慨」而來呢?
| 第1場 | 6.皇帝誥令 | 8.非凡者 | 2.強中堅 | 4.五星特工 | 5.通勝 |
| 第2場 | 1.綫路神駒 | 4.兄弟熊 | 6.霽月高風 | 11.葵涌老友 | 9.金磚五國 |
| 第3場 | 2.得意繽紛 | 7.蓋世之寶 | 1.勇冠多 | 9.光輝之星 | 12.紅褲精神 |
| 第4場 | 7.風采 | 1.招多福 | 5.寶正寶 | 6.實在威 | 8.沙角威龍 |
| 第5場 | 8.心慷慨 | 12.問鼎高峰 | 2.魔連奴 | 1.真先生 | 6.華飛 |
| 第6場 | 3.好益善 | 6.美妙星 | 4.四千金 | 10.麯院風荷 | 12.野孩子 |
| 第7場 | 9.萬馬飛騰 | 4.精氣神 | 2.縱橫大地 | 7.包裝騎士 | 8.金匯龍華 |
| 第8場 | 12.主力艦 | 3.好加加 | 6.琪麟穎 | 2.小龍兒 | 5.爪皇烈焰 |
[
本帖最後由 balljai923 於 2017-4-4 07:03 PM 編輯 ]
