yoyoyayaya

好就係咁既,
我同我呢個初戀男朋友一齊左一個月都唔夠
但係十幾日既時候佢已經摸同鍚過我個胸
我自問唔算係好保守既人, 但都一定唔係隨便
因為真係好鐘意佢所以有時候就唔想掃佢興, 會由得佢繼續
但係第一次咁樣摸佢已經要求要同我搞,
我講左好多次唔肯, 佢當時問左好多次之後都無迫我

我後來諗返覺得實在太快, 亦都有同佢講
因為我好怕佢係為左搞先同我一齊
佢當時就講晒對唔住又話好抱歉令我受傷害
又話唔會有下次唔會再手多之類
結果到下一次佢一樣咁樣再要求我同佢做同埋幫佢含

我知自己好鐘意佢, 所以會有一刻因為唔想佢失望或者唔開心而有諗過比佢搞
但係我真係覺得一齊左一個月都冇就咁樣真係太快..........
我講過比佢聽話我地太快啦, 但結果佢就會話唔怕啦以前果個都係咁同埋唔算快之類

我應該點做好?有冇人可以教下我?
件事我唔敢同朋友屋企人講........
我好想同佢繼續一齊,
佢比我既感覺係平時同佢講就好清醒,
但一到摸緊既時候就會無左理智, 佢爭左未禁住黎除我條褲........
我應該點好?有冇人有咁既經驗可以教下我點做先岩?

odmen

引用:

原帖由 yoyoyayaya 於 2009-7-21 07:28 PM 發表 [url=https://www.188channel.com/images/common/back.gif]https://www.188channel.com/images/common/back.gif[/url]
好就係咁既,
我同我呢個初戀男朋友一齊左一個月都唔夠
但係十幾日既時候佢已經摸同鍚過我個胸
我自問唔算係好保守既人, 但都一定唔係隨便
因為真係好鐘意佢所以有時候就唔想掃佢興, 會由得佢繼續
但係第一次咁樣 ...

一個月唔算快啦
如果佢一定要既話你係咪會同佢分手?

markyamazaki

我覺得佢係想同妳上床先至溝妳囉:034: (個人感想)

推介者

梗係唔好啦, 我係仔都咁話, 比多一個月你去了解下佢先啦, 咁樣我都覺得佢係為左搞野先同你一齊囉

yoyoyayaya

引用:

原帖由 odmen 於 2009-7-21 10:19 PM 發表 [url=https://www.188channel.com/images/common/back.gif]https://www.188channel.com/images/common/back.gif[/url]

一個月唔算快啦
如果佢一定要既話你係咪會同佢分手?

其實我唔捨得
咁我係咪應該避忌下唔好去佢度或者唔好比佢去我度?
因為我覺得就算點講佢都係果下就乜都得訓O係度又無左理性-.-

零雞包

我係仔都係咁話
如果你係唔想而佢又要夾硬黎
咁佢愛極你都有限
唔好用愛作為一個手段或理由說服自己呀!

fortresscat

一句講哂，我覺得條友係為左同你上床多過真係愛你/好鍾意你，而且貪對方容易成功哄上床先去溝的賤男大有人在(何況我覺得佢可能早就看穿你頗為鍾意佢，所以能上床幾會大增)，如果佢真係愛你，你就算唔同佢做，佢都一樣愛你，仲有就係呢種咁心急上床既人一般冇乜耐性，好快完形畢露，如果佢冇耐就唔多理你、對你冇咁好，或去左追第二個女仔的話，咁我Congratulations to you!!!!! 溫神現形記上映啦！(即係話證實左條友真係想上床多於喜歡你，或喜歡你只因有較多機會上床而已，你看，佢仲一直哄你話之前果個都好快就上床勒，都冇咩大不了咁意思，就係想哄你叫你唔洗咁緊張，呢D野好閒之嘛咁意思，當然啦！佢想同你上床就乜春癈話大話冇良心話都up得出！我直情覺得佢講呢堆野真係好低能/唔成熟，自己低能就好啦，仲要以為女方都咁低能先好笑 =.="" 唔好意思，老娘我說話就係咁直接，但全都係出自我心底全部對得你住)同埋你如果同佢上埋床，有左性關係就更難分的出自己同佢既關係係點，情況只係會更混亂，更難知道佢係唔真愛你還是只為了上床，呢點好重要！

而且你要知道，一個女仔就算幾鍾意某男都好，仲係要觀察清楚為人品格同心性先真係放個心去"愛"對方，不然受傷只係自己，何況佢你同佢係初戀，佢知你第一次拍拖同時即係等於知你係"處女"，就更想張你抱上床搞先吃為快(好多男生都有處女情意結，覺得自己佔有左個女仔既第一次就好開心、好有心理上滿足感) =.=

老娘想說的是，小妹妹，第一次拍拖就拖到結婚的實際上真係十分十分少，你現在因為情痘初開，又未曾同較多男生相處、未拍過拖、未會選擇，你先至認為自己好鍾意佢或以為佢對你都一樣重視(因為係你初戀)，我只能說如果你覺的你的"處女"沒什麼大不了或不算很重要我就會說up to you(隨便你)事實上你同唔同佢上床關我鬼事？不然就唔該你唔好立亂同呢個橫看掂看都似為左上床先同你一起的男仔搞野，呢個人我覺得佢同你一起的目的好有可疑，你仲係諗清楚先好勒 =.=""

[ 本帖最後由 fortresscat 於 2009-7-22 02:42 AM 編輯 ]

L~M~C

我想問樓主男朋友係唔係跟你一樣都係初戀?
我個人認為你男友可能係性衝動, 話哂大家都係啱啱談戀愛經驗唔夠...一時間只可以用性來向對方示愛. 或者係你男友睇AV睇到上腦然後想真正試下.
其實呢一種衝動一定會有, 尤其是係男仔. 一個男仔會對於佢他未做過嘅事都會產生好奇, 只係睇下佢他有冇膽去做. 宜家有埋個名正言順嘅女朋友佢就一定要試.

我覺得你男友應該都好愛你. 只不過有時做事就會覺得想做就做而不顧後果. 尢其係得你地兩個人係一間房就會變得更加忘我. 樓主不妨同男友解釋自已處境, 等佢知道將來一定會有機會. 同埋叫佢唔好咁多性幻想, 非常唔健康. 男人得閒掛住學業/事業好過啦.

[ 本帖最後由 L~M~C 於 2009-7-22 04:02 AM 編輯 ]

yoyoyayaya

其實我後來諗返都唔知佢同我講佢前女友D床事做乜
但佢又真係乜都唔怕講咁
我唔係佢初戀啦如果係都應該唔會咁大膽掛@@
佢都有同以前其中一個有做過
其實我自己唔想咁快就係因為我好怕佢會玩完就算
所以而家我就好驚唔知應該點好
就算佢無我咁鐘意佢都唔緊要, 但係我介意佢只係想搵我黎發洩
或者係啦我因為鐘意所以佢講乜只要唔過份我都由得佢
佢可能覺得我好易TUM或者對佢黎講我根本好cheap

hatamilo

樓主你同男友幾多歲ar?

我覺得你男友似想上床多個愛你