gracelove

幾個月內去左三次Ignite，三次都係book左vip房，因為貪佢有獨立toilet。

第一次去都ok，$1900三支black label，因為生日所以送左乳豬添。

第二次去到個獨立toilet壞左。但上去之前同佢地通電話時佢地都無話比我地知。仲有佢地應承送既乳豬都唔見左，無送到。有d唔開心囉！

第三次，剛剛個個星期六(26/1)。好差！其實我本來都唔想book個度，因為第二次唔係咁開心，但朋友話幾鐘意佢間房，咁算啦！我book房個陣問左係咪$1900三支black label，Ignite亦都confirm左係，加上www.up4food.com個website都係咁寫架(我今日(28/1)又再check過都係$1900)！我要求Ignite送乳豬，開頭佢地唔肯，後尾我話佢地上次話送最後無送到，toilet又壞左，咁佢話記得我地，所以今次送返隻乳豬比我地補數！
星期六個晚我d朋友上去先既，後尾我先知原來佢地同我d朋友話$2100三支，我d朋友唔知價錢架嘛，咪”哦”囉 (點估到佢地無啦啦改價錢)。到差唔多要埋單時我check先發現點解變左$2100三支既，咁我咪同佢地講話book既時候唔係咁架wor，點解無啦啦加左價既，佢地就話不嬲都係$2100架，$1900唔係black label，我話我地之前都係$1900係black label黎架wor (up4food 上面都咁寫架，同埋我地只係飲black label唔會飲其他酒既，咁我地之前黎個兩次既$1900 black label邊度黎架先? 真好笑！) 跟住佢話“就算係咁，我都可以加價架！”(態度好差，好寸) 但我都知無得講，因為我個朋友係不知情下“哦”左，變左已經deal左呢個價錢！咁就比佢地成功左混水摸魚啦！唉~

但我真係好嬲囉，覺得比人屈咁，明明係$1900，知我d朋友唔知價就坐地起價，好唔老實囉！$400對我地黎講唔係多錢，但用咁既手法就真係唔抵囉！最後我諗到佢地根本係想將隻乳豬既價錢加返上去喳嘛！因為我地要左兩個package，咁total貴左$400，咁咪一隻乳豬既價錢囉。咁一早就唔好應承送啦，話送又用埋呢d招數！算，我地都black list左呢間bar加話晒比d朋友知架啦！

其實做bar同做餐廳一樣，都需要靠口脾架~~~ 唉~~~ 雖然我地唔係大客，但一傳十，十傳百~~~

Anyway，如果你地第時真係有機會要去既，就記得去到要double confirm個價錢先啦。就算去過幾次每次都要問ㄚ，費事比人有機可成！