歐聯推介~
國米win~
華倫win~
車仔win~
利記win~
巴塞大~混合5串1~
國米~~~由於第一場分組賽全失3分~令國米陷入出線危機~
如果今場都嬴唔到~形勢會變成被動~隨時比拜仁士砵亭拖手仔出線~
狀態方面~國米岩岩場聯賽嬴4比3~嬴得無說服力~而拜仁聯賽岩岩嬴左2比1~
同樣地都係無說服力~而拜仁作客近2場分別和左聖保利同輸左比 比勒費爾德~
2場同樣有失球~係人都知拜仁出到歐洲賽未算係一線隊~唔係幾入流~
以國米既攻擊力~要嬴波應該唔難~實力主場加鬥心之下~有1.9倍叫做博得過~
華倫~~~2隊近期狀態都處於巔峰~但有一個分別就係~羅馬歐洲賽經驗比華倫少~
亦係一個重要既因素~加上以華倫今季既陣容同表現~的確係向羅馬之上~
加埋有主場之利~嬴波應該無問題~
車仔~~~唔好睇車仔聯賽5連勝~其實場場都係麻麻~作客富咸攻唔入~
靠對手訓左係度唔小心用隻手整到個波既12碼入波~之後林伯既撞射亦唔見得有好好既組織~
利物浦個場只係靠個人質素射入金球~其他都係無乜組織~到下半場重要比利記禁住黎砌~
主場對雲達個場(我無睇)~對查仔果場只係對手太弱~而自己發揮正常既水準先嬴~
明顯地莫連奴放林伯同波仔係中場~係失敗之作~賣左杜夫~洛賓岩岩傷完未知有無狀態~
菲臘斯傳中質素麻麻~更加難變陣~但有二樣因素~賽前有消息話利夫斯基會同車仔鬥攻~
第二就係利夫斯基明顯無歐聯經驗~對巴塞個場睇得出佢地無還擊之力同怯場~
今日主場唔多唔少會踢高少少~但對住防守ok而經驗豐富既車仔~應該守唔住~
要單win黎炒下倍率~
利記~~~利記狀態同實力唔駛講~組織流暢到不得了而且下下到肉~有睇佢近幾場比賽已經知道~
而且經驗豐富~而對手近況唔太好~土耳其既班霸而家聯賽只係掛第六~已經見佢有些少甩色~
加上今場作客~都係等炒架啦~但我只係要左單w~因為利記加埋今日已經係18日內第六場波~
姐係2個星期多d就踢左6場~已且近2場都差唔多以同樣陣容出擊~有可能會有疲態又或者領先之後收僵~
唔貪心要單w~
最後就係巴塞~巴塞既進攻能力~唔駛我多講~剩係睇佢同華倫個場~雖然得2個入球~
不過有好多餐士都比華倫既守衛同龍門救出~而近幾場佢地都入3粒以上~
而雲達方面~佢地既入球能力都強~不過近況麻麻~尤其係防守上既問題~
場場有失波~咁屎既防線點頂得住巴塞~而且有高路斯復出~打法上應該唔會太保守~
因為雲達跟本係支唔識守既球隊~平時係國內聯賽都係以攻代守~今日對住巴塞~
要一隊唔識守既波打穩守突擊~不如博一博同巴塞攻~加上巴塞控制能力咁強~
我唔係教練都知~縮係半場比巴塞禁跟本係等死~最後就係~巴塞攻力咁強~
應該係早段時間入到波~到時唔到雲達唔攻~一進攻後防就空~重易輸多幾粒~
雲達攻力都唔差~有機會入到巴塞波~到時重易開大~
雖然倍率熱d~都有10倍~同埋都係一d熱門~大家都識買~
不過我都係分析下各隊形勢~希望幫到各位巴打嬴錢~
[ 本帖最後由 心水心水 於 2006-9-27 11:59 PM 編輯 ]
