hongkongboy2046

幫師兄出既post。

Cherry: Why not?

        以下呢段，係我等左好耐想打，但一直都無機會打既對白。我同Cherry，最初只係朋友傾，無諗其他野，無諗住有機會，完全只係朋友為出發點，試問又點會知，係佢身上，令我學到咁多野呢……….

*************************************************************************************

        同Cherry傾計，其實每日只係佔我好少時間，因為當年我地仲係用pm同email而已。而當時白痴講句，工作可以帶俾我好大滿足感，所以我算是非常投入工作，時間上也頗緊張同忙，所以公司唔夠人用情況下，我要求多一位幫手。
        好快，公司就請到了一位新人俾我，好記得新人黎時，男同事都在討論，到我助手入我房來介紹時，

Amanda: Dragon，佢係Bella。
Bella: 你好，早晨………. ( Bella有點戰戰兢兢。 )
我: 妳唔使太緊張喎，輕鬆D，Amanda同妳講左妳要做既野未?
Amanda: 仲未，介紹埋Bella俾其他同事識之後，就開始。
我: OK，黎緊有個展覽，跟住落黎因為要趕份Catalogue，同時個新design要放埋落去但又未完成，都幾多野整，醒目D，唔明就問Amanda啦……
Bella: 係，知道，我會努力既。 ( 講完，Amanda示意Bella係門外等她，Bella就行返出去，Amanda就關好門坐下。 )
我: 妳覺得新人點?
Amanda: 我覺得OK既，講野爽朗，人都好快反應同細心。 ( Amanda係我好幫手，佢有種能力就係，可以好短時間摸清對方個性8,9既能力，而且仲幾準。 )
我: 哦?咁高評價?
Amanda: 你覺得呢?
我: 我只睇到佢靚喳，希望真係幫到手啦，妳知啦，佢要頂到妳返黎喎，預產期係2個月後? ( Amanda同我拍住上已2年，佢有左BB，2個月後放產假，令工作量百上加斤既情況下，我不得不請人。 )
Amanda: 係啊，放心啦，我會係請假前教晒Bella野，再唔係叫埋另一部門Mani黎幫手跟都仲得。
我: 都OK既，仲有時間，我都唔係太緊張。
Amanda: HAHA…….時間既野從來都係我同你緊張左你唔知遮。 ( Amanda說完笑笑口就走了，她再帶Bella介紹俾其他人識，而我都忙工作了。 )

        工作是繁忙的，黎緊因為公司有展覽，設計部的同事要忙為公司產品影相作新Catalogue用之餘，同時亦要盡快完成新產品，好讓展覽期間作主打招徠。設計部門連埋我都是男性為主，我不在時，過往都是靠Amanda的老練食住班同事，雖然設計的人不是有點宅，就是有點脾氣，但對手是Amanda，他們都會客客氣氣。那麼換來的是Bella，又會如何呢?講真，我沒有太理會，始終這是辦公室最基本的生存技巧，要懂求存更要懂自發。
        做我地呢行，晚飯後還要OT，對設計部的人來說早已見怪不怪，以往都是Amanda留下做一些執漏工作的，而我就把守最後一關。今晚我從自己房行出來，望住Catalogue上的核對同時，頭沒抬起就叫。

我: Amanda，妳俾我呢幾份都OK了，無錯，其他呢? ( 此時有人遞上接下來的頁數給我。 )
Bella: Dragon，收住多5張先得嗎?其他既我仲check緊。 ( 哦?係Bella?我心想。 )
我: 點解妳係度既?啊，係喎，呢個星期開始，Amanda OT唔到喎。咁夜仲未收工既妳?
Bella: 其實我OT左成個星期架啦，係你無留意我之嘛。 ( Bella在笑住說，我卻尷尬地心想倒沒發現。 )

做我地呢行，零食係唔少得既，我會私下俾錢Amanda，買返多少軍糧以備OT之用。設計部的同事，都會俾腦袋放空，抖抖氣，就去茶水房度飲下野，食少少當take個break。今晚我都走左去搵野食，係走廊時，就聽到有講有笑既聲音，再入到門口前之際，聽見既係，我設計部2大Cool Man係度笑，要呢兩條友笑，可謂非常之難，唔係佢地要求高，而係佢地好騎呢。

柒男: 妳都學得幾快，唔係人人聽得明我地呢行D術語。 ( 柒男，宅男設計師，非常騎呢，唔鐘意人掂佢D野，更討厭外行人聽唔明佢講野。邊個咁醒俾佢讚呢? )
Lawman: 啱，跟Da姐好，全公司我係服佢同Dragon。 ( Lawman，唔係真係叫Lawman，而係轉數快既設計師，串咀，但做事有要求，超~攞命。Da姐係Amanda，咁邊個同佢咁好傾呢?我好奇。 )
我: 哦，唔怪之得個位唔見你地兩個，原來係晒度。 ( 此時我入到房，見Bella正正遞上零食俾佢地。原來兩大怪人讚既係Bella。)
Bella: Dragon，咁夜真係仲飲咖啡? ( 此時Bella邊問邊取去我手上既杯。 )
我: 係，夜晚我飲咖啡唔會瞓唔著架，放心。 ( Bella見我入黎，識問呢樣，足證佢做過下功夫，Amanda教得好。而Bella可以駕馭到兩大傻佬，亦真係唔錯。 )

當我返自己房時，此時傳來收email既信息，係Cherry send來。大意就係，後天中環某地鐵站出口見。
我的回覆係: OK。

和Cherry見面前知道對方咩樣嗎?唔知，今次係我第一次會約人見面，緊張嗎說不上，但心情是興奮的，因為第一次咁樣既型式見人嘛。我比原先的約會時間早到，這是否禮貌不重要，重點是……我在想，要是我太樣衰，佢見到唔對路，都可以走頭，再事後email我講忽然有事太忙黎唔到。希望唔會咁啦，點知，約會過了約10分鐘後，我真係電話響，是Cherry。

Cherry: 到左?
我: 到左啦，口咬紅玫瑰，白衫白褲，踎左係地鐵站門口等緊妳啊。
Cherry: 如果係咁………..我會走先架喎。
我: HAHA…….唔好，口咬住玫瑰點傾電話遮…….係咪? ( 此時有人從旁出現，快快手拍了我肩膊一下。我望向她時，有點呆一呆。 )
Cherry: 到左好耐?
我: 哦，一陣遮，比妳早少少。
Cherry: 想食甜品?
我: 喂喂，係妳講有好介紹架喎。 ( 大家唔好掉野住，我地第一次見，真係去食甜品架。大家將這星那星收番先啦。 )
Cherry: 好啦，咁出發。 ( 我地講好左，我開車，佢帶路。好快，我地就到左赤柱了。Cherry帶我去了一家甜品店，初次見面，是不是應該有些陌生或尷尬呢?一點也沒有，我地將網上傾既內容，以面談形式再傾一次，生動得多既係，我地今次可以睇住對方的表情，和反應。她的一舉一動，一如預期有趣。此時，她建議埋單行陣海邊，往碼頭方向走去。 )

Cherry: 我真係你第一個約見出黎既人?
我: 係啊。
Cherry: 同你預期既有出入嗎?
我: 有啊，都幾大。
Cherry: 有幾大先?
我: 我以為妳好老，點知唔係，我以為妳會好師奶，點知又無。 ( Cherry聽後在竊笑。 )
Cherry: 咁我無令你失望掛?
我: 哦，妳講笑咩，妳咁靚。但失望係有少少既，甜品妳就食左我架喇，但妳到家陣都未教我應該點做先有吸引力。 ( Cherry先係怔一怔，再報以微笑。 )
Cherry: 你好心急喎。 ( 此時我倆已行到出碼頭旁，說實話，夜晚海霧非常之大，碼頭盡處居然是白濛濛一片。 )
我: 吓，因為我見妳提都無提過嘛。我地見既目的，唔係教我令人點眼前一亮既吸引咩? ( 此時Cherry望向我停頓了半秒，就將咀鍚向我處，我係男人，當然不會避，其實亦不懂避。與此同時我後頸有被拉前的感覺，是Cherry將我拉埋身去深吻，約半分鐘後……….. )
Cherry: 我唔吸引?
我: 吓，唔係呀，點解咁講。
Cherry: 但你條脷…….無反應既?
我: 吓，可能太突然掛，未黎得切啊，可唔可以黎多次? ( Cherry聽後輕笑了一下，就再迎上來吻我，今次我有反應了，但也過不了10秒鐘。 )
Cherry: 你就係咁鍚人架?
我: 吓…….係啊，有問題?
Cherry: 你條脷橫衝直撞喳喎，仲有，點解你唔攬住我既。 ( 當一個人被突襲式kiss時，全身硬崩崩，係可以理解的，只係……呢個解釋講唔出口遮。 )
我: Sorry，我無諗住係身教，我以為用口喳。
Cherry: 而家係用口………… ( 說畢，Cherry再吻過來，我就好似星矢咁，同一招式唔會打敗我兩次，今回，我學懂了反應，更將Cherry一抱入懷。我對手，攬的是腰，但當Kiss超過10秒以後，Cherry卻捉住我雙手，移向別的地方。在哪呢?不知，只知此時有腳步聲，我倆就停下。 )
我: 不如我地行陣碼頭囉。
Cherry: 好。 ( 此時剛聽腳步聲而來的情侶走過了。而我倆就緩慢的向前行。 )
我: 行慢少少………..唔該。
Cherry: 咩事?唔舒服?
我: 有野頂住左……唔好意思。 ( Cherry當然意會出是什麼，所以在笑。那晚我們行出去碼頭盡處，回望是一片迷霧，在這氣氛下，我和Cherry再吻起來，我大膽地一手攬著她的纖腰向我靠攏，另一手，卻是肆無忌憚地伸手往內進擊，Cherry被我吻得呼吸也急促起來，再下一步，就是我下半身往她輕壓，以示我對她的渴望和想進行的侵略……….就係呢個時候。 )
Cherry: 停………
我: 吓?咩事啊，我又做得唔好呀?
Cherry: 唔係，係太好，唔係，係太快遮……… ( Cherry好像沒想到這樣，她在冷靜，又在望向我同時在微笑。 )
我: 原來…….要goodbye class喇? ( 我望望手錶，Cherry說好了的時限快到，為免令她難做，我都冷靜落黎，同佢要快快去車場開車了。 )

        係車上，我播住輕快既音樂。大家沒有絲毫尷尬。
Cherry: 原來你講真架喎?
我: 咩講真架?
Cherry: 你真係咩都唔識囉。
我: HAHA…..真架。好出奇嗎?都無人教?
Cherry: 唔係，只係睇你外表，應該唔係高手都係好有經驗先係，點會好似而家咁，好似同你談緊初戀咁…………
我: 咩啊，我好多都好叻架………. ( Cherry聽後在笑，我知，我是有點死撐。 )

        我不知，我給Cherry的印象如何?我只知，她好像有點像享受著我，而我，是有點享受和她一起的時光。這是有分別的……….. 到她落車時。

我: 我地仲會再見嗎?
Cherry: 唔……你係學得快既，但天才都唔可能一堂學晒所有野架喎。
我: 哦?係架係架。 ( 我意會出。 )
Cherry: 好喇，下次見。 ( Cherry回頭就是走。而我，習慣看著對方我再見不到才離去。Cherry，一個很爽快的女孩，今日說拜拜，令人期待明天的再遇見。 )

****************************************************************
(完)

[ 本帖最後由 hongkongboy2046 於 2019-9-9 03:40 PM 編輯 ]

粉紅寶寶

YEah第一第一第一😌

數字師兄辛苦你啦

hongkongboy2046

引用:

原帖由 粉紅寶寶 於 2019-9-5 01:22 AM 發表
YEah第一第一第一😌

數字師兄辛苦你啦

唔辛苦。只係幫師兄出…

隔壁的怪叔叔

Yeah～
辛苦師兄s了～

hipocat

報到報到！又新post啦！多多少少指教😝😝😝

GiveUpme

引用:

原帖由 hongkongboy2046 於 2019-9-5 01:10 AM 發表
幫師兄出既post。

Cherry: Why not?

        以下呢段，係我等左好耐想打，但一直都無機會打既對白。我同Cherry，最初只係朋友傾，無諗其他野，無諗住有機會，完全只係朋友為出發點，試問又點會知，係佢身上，令我學到咁多野呢……….

*************************************************************** ...

數字師兄，乜咁快就“完”㗎？唔係仲有下一集嘅咩？Anyway ，真係要多謝師兄你將故事post出嚟。

anthonychan

睇完好期待下一集

hongkongboy2046

引用:

原帖由 GiveUpme 於 2019-9-5 06:31 AM 發表


數字師兄，乜咁快就“完”㗎？唔係仲有下一集嘅咩？Anyway ，真係要多謝師兄你將故事post出嚟。

哈哈。我post晒手Dragon師兄俾我既。我諗佢原本諗住分七七四十九集先食甜品，而家一次就食左…