話說依段時間我離開左香港 去做左一個月internship 係依個月入面 老老實實 對於我黎講係超級辛苦 勁攰 因爲工作需要體力 每日體力都幾乎完全消耗曬 所以每晚11點前一定已經上床訓教 有時做做下assignment 8點幾就已經挨唔住 訓著左 跟住第2焦早6點半起身 每日ge生活就係咁不停循環 但攰還攰 真係好開心（對我黎講）
介紹下D男主角先
H先生（日本人）：係我ge直屬上司 正確d講佢直接in charge公司 因爲大老細唔係果度 係另一個國家 所以個個當正H先生係老細咁款 多人時 佢好鬼認真 好cool 唔鍾意笑 但單對單 會feel到佢其實人幾好 會好體貼
S先生（日本人）：係我ge上司 但我唔係直接under佢 而佢都係under H先生 但由於H先生合約完左 今個月返日本 所以S先生將會成為話事人 而S先生人係nice ge 不過有一次令到我勁唔開心 雖然我知佢本意係想我relax 皆因直接under H先生 大家都知會有壓力 唔係咁好受
B先生（臺灣人）：同佢無工作上ge關係 識佢完全係真係機緣巧合 而佢係唯一一個令我想返果度ge人 正確d黎講 佢係我ge救命恩人
R先生（菲律賓人）：係同我一齊被training ge 佢做左好多野 不斷嘗試令我feel到佢有幾鍾意我 係差在果3個字未直接講出口
-----------------------------------------------------------------------------------------------------
我去到果度已經係夜晚 又因爲無直航 要轉機 所以一到步 已經好攰好攰 好彩ge係一落機 個司機已經舉定名牌等緊我（有次去布吉 我等左個司機半個幾鐘 自此有陰影） 但由機場去apartment途中 個司機不停撩我傾計 我只可以講佢好熱情 唔明白轉機ge辛酸
一返到apartment 執完房 飯都無食 洗完白白就訓 正確d係俾航空公司同貴賓室輪流餵飽
第2日 8am去office簽文件同拎左d assignment 大概10點就可以返apartment 諗住再返去訓之際 S先生叫我上佢架車 佢帶我周圍認識下 佢車左我去好多地方 第1站就係電訊局 因爲我完全同唔到外界溝通 我落機果刻 已經進入崩潰狀態 第2站就係移民局 因爲遲d要extend個visa 跟住就係supermarket, clinic, police stat果d..etc...但去到最後我先知 原來帶我周圍去下 依個係H先生落ge order 而唔係S先生
因爲S先生係我去到第3日就要飛去另一個國家training 而我又要習慣新環境 所以都無好好溝通 直至2個禮拜後 S先生返黎 我地ge接觸開始多 日本人一般表面上都好尊重人 對人好有禮貌 平時好拘謹 好内斂 但佢唔係果種典型ge日本人 可能係因爲佢美國成長ge關係（佢係美籍日本人）
佢同其他下屬都玩得好埋ge 有一晚 一個英國女仔要返英國 大家幫佢整左個farewell party 去到大約10pm 都完野 就有人話去唱K 皆因我果日胃痛 就話唔去 諗住早d休息 點知S先生係直接將我好似啞鈴咁抬起 （各位男士 熊抱已經out na!!!） 雖然佢可以show到佢强勁ge臂彎 但其實我係唔鍾意 因爲所有人望住 我條褲係鬆身ge 又短 講真咁樣我會好尷尬 不過好彩夜晚 燈光好暗 真係不幸走光 都望吾到
果晚我一首歌都無唱 借d意去toilet 直接call司機接走我lu 但事實係我唔係第一個走
S先生係第一個走 之後佢同我講返 係因爲佢覺得d菲律賓女仔著得太cheap係度行黎行去
跟住就係不停同我say sorry 話唔好意思將我帶出去（佢應該feel到我好不滿 因爲我直接返黎） 第2日開始做返個比較内斂ge日本人
有時d人知道我香港黎 會蝦我 因爲會聯想到大陸人 就會諗到一定好有錢 但因爲我唔識揸車 又要靠d人車我 所以佢地有時會直接叫我買野 我好難say no 而S先生就係幫我擋依一切ge人 佢話太貴 佢俾錢 每次買完返去 我都會大聲講‘not bought by me, is S先生 bought it’ 跟住d人就會檢點一d 因爲S先生係佢地next boss
一直我都係咁諗 都係以爲係依個原因 直到有日我聽到：''（S先生名），your princess!'' 果一刻 都仲以爲佢地又係玩玩下 講笑 但點知有日公司收工briefing 安排跟住第2日我要做S先生assistant 其他人當住S先生直接講：''（S先生名），your princess works with you tmr, go to buy a ring and propose under sea''（我當時在場） S先生當時面都紅埋 我就扮聽唔明 將個話題轉左 期間一直d人都有講 我就繼續詐傻扮慒 費時S先生咁難堪 直至到我最後果日 要返香港 S先生送我去機場
到左機場 S先生就講：‘‘My princess, u leave. When you come back?’’
我就講：''When (一樣我好想睇ge野 依家無左) back, i back!''
S先生：‘‘ok, they 'll back soon. er.. if u wanna long distance, we can.. yup,, u kn..’’
依個時候 我係真係覺得S先生黎真ge 但又唔想亂咁開始一段relationship 我就伸開隻手同佢goodbye hug 制止佢再講落去
雖然我同S先生無大家想睇ge野 而最大ge接觸就係依個擁抱 不過我吸取左教訓 如果果個男人被我考慮成爲我ge另一半 第1樣要做ge野就係自己唔好先魯莽行事先
------------------------------------------------------------------------------------------------------------------------------------------------------
下次講D會令你地開心d ge。。。B先生
但你地唔好太高期望 因爲我依個月真係乖到唔得再乖
