差唔多成年前既事啦，回憶起往事都不禁回味。
個時自己單身無女朋友，膽粗粗咁上網搵下有無D識人既apps或者活動，搵搵下發現有個叫cxxxxx mxxxxxxx 既公司第二日有個晚飯活動，見到都係350蚊，咪試下囉，睇下識唔識到朋友。
第二日，當然著得使正小小，噴小小香水，好快就到左餐廳，係一間tst幾有格調既上樓餐廳黎。到個時除左我地活動既人外，得兩三枱客人，所以一眼睇哂D樣。一睇之下，哇，不得了，我好懷疑係咪做媒？點解一半以上都咁靚女，係又高又靚女，有個重有小小似高版樂曈。
無幾耐個活動開始左，大家傾下做邊行呀，平時去邊度玩咁，原來好多單身既都係做會計@@，好快就完左個飯局，同左三個好傾既交換左電話。
原來有時候見到既野未必係真既，真既未必會比你見到，返到去同所謂好傾既whatsapp，得到既係單字或者唔回既答覆，算啦，當同朋友食左餐好既。過左幾日，忽然有個陌生既號碼whatsapp 我
陌: hi
我: hi, you are?
陌: Sandy 呀，記唔記得我？
我: 邊個 Sandy??
陌: 哇，原來你有咁多女朋友，上星期飯局個Sandy呀，你已經唔記得左我了: (
我: 啊，好高又靚個個Sandy嘛？我記得呀，咦，你點會有我電話架？
Sandy: 我問主持人架，個日聽你講成日出trip，黎緊去日本玩，想問下你意見？
我: 好呀，我今日off 呀，今晚一齊食飯，到時候帶d資料比你？
Sandy: 好呀，不過我買左餸，不如你上我屋企食？
我: 可以呀，不過會唔會阻住你屋企人？
Sandy: 傻瓜，我一個人住架，阻麥喎。
我: 咁好啦，你比個地址黎，我7點到。
同Sandy傾完，我都重未有任何幻想，只係想幫下人。點知上到去，我相信無咩男人會忍到無任何幻想。
叮噹，叮噹！
待續。。。
