回覆 1# 的帖子
阿師兄，在下見你個問題提出咗一個月都冇人答，心有不忍，口痕痕略舒愚見於下。
我地啲粗人講粗口係家常日用，不過要準確寫出嚟就好困難，原因無他，因為根本冇嗰啲字。
我地嘅廣東粗口＂小、狗、懶、擦、鞋＂，個讀音大家都好清楚，之不過如果要寫出嚟呢吓，就只可以借用其他字，用個諧音頂當。俗寫嘅＂門+小＂、＂門+西＂等等都係一啲冇被公認嘅字，甚至乎連＂約定俗成＂亦未必稱得上。所謂＂寫粗口＂嘅吊詭之處，就係跟本冇字，寫唔出。
經常比人借用嘅字例如＂屌、鳩、撚、柒、西＂，冇一個字係粗口，亦冇理由＂屈＂呢啲字做粗口。如果得，咁＂delay no more＂都係廣東話粗口，＂忽鯨＂係英文粗口啦。
你話呢？
[ 本帖最後由 廣東-蠻子 於 2015-6-11 11:50 PM 編輯 ]
