20 年
好耐冇同大家講故仔,今次我就講呢個跨越20年的故事.
自從喺英國讀完書返香港,偶然會出席D 中學舊同學聚會.今晚比較特別,足足有成6圍,有D 我都唔認得,真係成20 年冇見.當年嘅同學有D女嘅已變成肥師奶男嘅已變地中海,其中一個仲係當年校花.大家寒喧之際,一個明艷然人,上圍豐滿,着住短裙黑絲襪高爭鞋,有D 似楊X娜嘅女子步入.成班男同學睇到眼都凸晒,猛問係邊個?佢哋唔記得?但係我記得喎,佢叫瑩瑩,當年嘅[醜小鴨].係嗰種大熱天時仲着住外套,戴住富眼鏡個様10吓10吓,喺學校係專俾人[恰]俾人[蝦]嗰種同學(我冇份蝦佢架).瑩瑩同D 女同學打咗陣招呼,轉個頭望向我哋呢邊對我哋笑住行個嚟,成班男同學就狗公咁迎上去.(我諗佢哋都未攪清呢個靚女係邊個!)但係瑩瑩就凈係行嚟我度,伸出手對我講:[Hi,X(我個名),好耐冇見啦.]我哋握手打招呼,然後來個深情擁抱.我Feel 到其他男同學嘅詫異同妒忌,佢哋唔恨得咁多,徐咗佢哋當年都有[蝦]過瑩瑩外,仲有件事一直冇人知,其實當年我同瑩瑩拍過3個月拖,而我仲係佢人生中第一個男人,即係佢將第一次俾咗我.
我讀間中學雖然唔係Band 1,但校風唔錯,同學間最曳都係出吓貓整蠱吓人.我喺學校並唔特出,因早已决定過英國,對同學之間同學校嘅事冇乜興趣,我只想快D 走人.我同瑩瑩雖然同班,但幾年嚟只係互相知有呢個人,連計都未傾過.喺我在學校最後半年,有次我行過班房,當時班房冇人,不過就見有舊嘢黐喺Blackboard.原來有人撻咗瑩瑩條M 巾仲寫埋佢個名黐喺Blackboard(呢D 嘢係女人之間先會咁玩),我走去撕咗落嚟掉咗佢然後走人.幾日後瑩瑩買嘢請我飲,我問佢為乜?佢話報答我.我Feel 到係嗰件事,但點解佢會知?嗰次之後我哋開始有計傾,傾傾吓就拍起拖嚟.瑩瑩俾人印像係[醜小鴨],其實只因細個唔識打扮,徐咗眼鏡都幾靚,依家人大咗仲更加添.當時我仲有4個零月就過英國,講真我唔係第1次拍拖,亦早已唔係處男,但瑩瑩唔介意.我同瑩瑩拍拖雙方屋企都唔知,我哋只係拖吓手,錫吓嘴仔.我知自己要走,所冇諗過要同佢上床,但日後發展却令我出乎意料.
暫時打到呢度,下次再續.
