打印

紀錄我與她的一段經歷 #20 #41

收藏 | 訂閱

46 12.1k

mcpu

等待驗證會員

mcpu

1^# 大中小簡繁發表於 2015-2-19 只看該作者

紀錄我與她的一段經歷 #20 #41

大家好...由於放假無野做...所以得閒可以同大家分享自己既事

但係首先想同各位師兄師姐道歉先...因為呢篇野只係想紀錄一段難忘既事...所以唔會每一篇都有大家期待既情節

先講講我自己....我一路都有上黎睇文....不過並無想像過會遇到啲咩好正既師姐....

我平日鍾意做運動...身型都算ok...性格開朗同鍾意同人傾計

咁不如入正題啦....話說有一日上黎睇文.....見到一位師姐出文....內容係關於自己啱啱同男友散左...好唔開心....咁我就pm下佢....點知佢真係應我....其實上黎咁耐佢係第一個會覆我pm既人....

之後大家交換左聯絡資料繼續傾計啦....知道原來佢男友突然間同講分手.....佢地已經拍拖兩年....事前都無話有啲咩事發生...所以佢一時間接受唔到好傷心....

咁我就安慰下佢啦....其實真係無任何目的...因為佢係一個吸引既女仔.....個樣好靚....眼大大....面尖尖....身型又好又高佻.....我自問真係條件普通....所以只係諗住可以同佢傾下計已經好開心....

我地每一日都會傾計....由佢工作...興趣...屋企野到前男友既野都會傾.....但係我地一直都無約出黎....因為我覺得佢唔會肯應約....又費時佢拒絕左之後唔想再搵我....

之後傾左大約半個月....有一晚佢收工之後話諗起ex好唔開心....想我陪佢...咁我咪話陪佢係app度傾囉....點知佢話想我成個人去陪佢.....雖然我果晚有其他野做...不過女神主動約我...我無理由唔理佢....所以就即刻去搵佢....

佢未見之前已經話想我車佢去散下心....咁我就楂車去接佢.....當佢一上車....我果下真係唔相信自己對眼....因為佢比張相更加靚.....不過佢對眼好紅....好似啱啱喊完咁.....

之後我車左佢去一個靜靜地既地方 (係佢要求既)...... 跟住就傾下計....乙水下佢開心.....講下笑話..... 大家一齊望住個天.....個氣氛真係好舒服....... 其實到左果刻你問我有冇諗衰野....我可以答你一定有....但係我地一路都係傾正經野....而且我又覺得一個條件咁好既女仔無可能會睇得上我.....所以都係壓低自己既咸濕思想.....

後來傾左大約一個鐘... 我見到佢開始笑番.....咁我心諗終於都完成任務.....所以咪提出話送佢返屋企.....點知佢話多謝我一路陪佢傾計同開解佢.....雖然仲有唔開心...不過已經比之前好左好多......佢叫我伸個頭過去佢度....我以為佢想係我耳邊講野.....點知.....

佢錫左我個咀一啖.....

打到呢度已經好攰喇.....非常抱歉呢篇野無任何甜野.....如果大家想睇埋落去可以留言支持下我....

多謝大家

[ 本帖最後由 mcpu 於 2015-3-5 12:09 AM 編輯 ]