一段悔不當初的經歷
大家好，想係度分享一段係現實生活中唔想，亦都唔知點同人講既經歷，
各位可以當係一個故事睇都無問題，但當中發生既事，到今日每次諗起都好後悔......
幾年前，有一個由中學開始拍拖既女朋友，可以話係青梅竹馬，
而個個時候都會好單純咁去諗同呢個女仔既將來，婚姻......
但世事往往就係咁天意弄人，正當我對我地既將來充滿憧憬既時候，
我發現佢慢慢咁變，好似有野瞞住我咁，
而我最唔想相信既事，亦都發生左......佢，識左第二個。
我個一刻完成接受唔到！我個一刻係完全空白
我諗唔明點解佢要咁做，我自問對佢無微不至，點解佢可以咁做！
我個一刻無立刻揭穿佢，而佢居然係繼續瞞住我，好似無事發生過
突然間，我覺得係我面前既呢個女仔好可怕
點解曾經最親密既人，可以做到咁⋯⋯
最後，我自己選擇離開，而係我同佢講分開之前，我同佢發生左最後一次關係
我知道呢一次係我最後一次擁有佢既身體，
係過程入面，我個腦海出現左佢同其他男人發生關係既畫面
我忍不住，流左幾滴眼淚，滴左落去塊面同額頭
我好輕輕咁吻左係佢額頭度，抱住佢，同佢講左句：我愛妳⋯⋯
我起身著番衫，就咁就走左。
而佢亦好似知道發生咩事咁，好平靜。
故事去到呢度，完左一開頭既部份
個一刻，我不斷咁諗，我對妳咁好，點解妳可以咁對我！
我有左一個諗法，我決定要報復，而呢一個諗法，就係做成左往後我其中一段悔不當初的經歷
或者個故事黎到呢個好悶，但我只係想去分享係自己心底既感受，所以，係開左個新的ACC去寫
大家如果有興趣想睇落去既話，不彷推薦下！
