今次係第二次開post 如果大家都仲記得小妹的話。小妹兩年幾無拍過拖，中間都係keep住得閒食下就算，好耐無遇過一個男人我好中意。最近係朋友party 上面識左K先生，當時女人嘅直覺話我知，佢一見到我個下就有啲野，至於係感覺上定性慾上我就唔知。
係party 有人飲酒有人打牌，有人賭魚蝦蟹，玩左一陣我就上左天台諗住吹下風，上到去個時咁岩俾佢又係度，於是我地就傾起計上黎。
傾下計得閒又有啲人上黎玩下食下煙，長期就有我同佢傾計同飲酒，去到後期，因為酒精作用，大家就車起上黎，佢間唔時有手多多伸隻手入我件衫到摸黎摸去。
我諗大約一個鐘之後，我地就有共識去開房，於是就走左，個因為個期好多自由行加上放假，我地搵唔到一間酒店有房，時鐘又無，大家屋企都唔方便。於是佢送左我番屋企。
過左兩日，佢約我食飯，食完飯我地去睇戲，睇完戲都十二點幾，當晚我都有心理準備我地會做埋未做嘅野，但點知睇完戲，佢就送我到屋企樓下攬左我一陣，俾個goodbye kiss 我就走左喇。當時我梗係亂諗野，以為自己個日有咩問題，係咪出左咩事，所以佢對我無性趣？但跟住我地又有keep好密嘅 聯絡。
一直都whatsapp直到第三次見面，我地食完野去左佢屋企玩松鼠，我當時諗叫得我上佢屋企應該有啲野，我一直等緊佢出手，但佢又無... 然後佢又係送左我番去，今次無攬無kiss，我地講完byebye就走左。
其實係一路相處嘅過程中，我 係唔經唔覺中意左佢，我知。但我已經太耐無同異性有正常嘅約會，我通常都係一黎就sex然後走。我唔知佢點諗，因為佢無咩實際表示。我有時會向好個方面諗，覺得佢都對我有ffeel，所以想慢慢黎，有時會諗，佢對我無feel 連性慾都無，悶悶地搵人陪下姐。
不過我向唔好個方面諗多，就係大家第一日識已經諗住開房，無男人會想同哩個女人認真架。我講完，舒服左。仲有另一樣最煩就係，我中意左一個人，就唔想同其他男人搞野，搞到我好耐都無喇
仲有咁多師兄，多謝大家願意同小妹做朋友，但我都係選擇係番哩度同大家溝通，其他地方嘅溝通，就唔好搵小妹了，多謝大家。
[
本帖最後由 hkgirlonly 於 2014-2-19 08:28 PM 編輯 ]
