他和她的事情 - 情人未滿 (updated p.2 #27, p.5 #68, p.8 #106, p.9 #121)
講明先，呢個post唔會有相睇，少甜，如果滿足唔到你口味，請按左上角返回上一頁或者右上角close左佢。
-----
第一章 - 越洋電話
「壽頭~ 今晚唔好諗住咁早走呀~」
今日是我的生日，二十有八，距離成為中年男人，還剩兩年。
「電話響呀~ 聽完先同你班友慢慢玩！」
沒有來電號碼，應該沒有人會在凌晨一時打來玩電話吧？
「喂？」
「奸夫凡~ 生日快樂~」
「詩？你唔係同馬克去左honeymoon咩？夜媽媽打長途比我咁好呀？馬克聽到又話我架喇~」
「佢去左沖涼啦，如果唔係點會而家搵你~」
「點幾鐘先沖涼？哦~ 砌到濕晒~ 快d整返個B出黎玩下啦~ 哈哈」
「死啦你！唔同你講喇，電話費貴呀，準備收禮物啦你！」
-----
我叫阿凡，剛才打給我的阿詩是我的好好好友，由高中相識、當過同事，至今相識剛好十年。
聽到她的聲音，我們的過往又再一次在腦海浮現。
-----
如果你只是因為懶惰 如果你不願再想太多...
半夜二時，明天還要上班，究竟是哪個不想活的傢伙打來了。
「喂...」
「凡...」
「邊位...」
之後聽筒傳來的只有哭聲，拿開電話一看，是阿詩。
「詩？咩事呀？唔好嚇我呀喂，做咩事？」
我承認，知道是阿詩的時候，已經感到不妙...睡意全消。
「冇事喇，我唔阻你休息住啦，聽日公司見啦，bye」
被掛斷了...再回電時阿詩已關機，唯有先發個短訊吧。結果，等了個多小時，收到她的短訊，已差不多四時。
結果嘛，上班遲到是必然的，阿詩也遲到了，幸好老闆外出見客。
全日也沒有機會跟她好好談談，雖見她雙眼紅腫，但她跟同事馬克還是和往常一樣有說有笑，應該沒事吧？
晚上老闆請客慶功，晚飯後全組人到酒吧續場，阿詩少有的喝得很兇...
「喂！阿詩，唔好再飲喇，你飲夠喇！阿凡你知唔知佢做咩je？你送佢返去先啦！」
馬克邊說邊扶起阿詩，將她一把推到我身邊。
「阿詩？你點呀？好日都唔跟我地出黎飲野，今日飲得咁狼死。我送你返屋企先啦！」
「嗯...」
還懂得回應，看樣子應該只是半醉，還好。
上了的士，後座的空間令我回想起以前。猶記得當年放學後，我們總會一起坐車回家，車上的相連座位就是我倆的起點，那時我們總是無所不談。
「我同阿藍分左手，佢尋晚同我講，佢有第二個...佢話我成日都冇時間陪佢...」
原來是情傷。坦白說，我不喜歡這個阿藍。
「佢仲話...」
「先生，到喇！」
下車後，我跟阿詩先到她家樓下的公園休息一下，免她父母看到她的醉臉。
「你落車前想講咩？」
「...」
微弱燈光下見到她臉紅了。
「佢話我滿足唔到佢。」
「嗯？滿足唔到？」
「佢又話我身材唔好...乜真係咩？」
阿詩眼泛淚光，邊說邊捉起我手...放到她的胸口上...
（Oh My GOD！點解會咁架~ 大佬~ 出乎意料的一幕囉~ 不過...手感唔錯，一d都唔係細，吸手的，大小剛好。）
「你想我點答你je...我覺得手感唔錯丫~ 幾好揸手~ （邊講邊搓左兩下）」
「咸濕仔！我返上去喇！」
送她到家門口，目送她入屋後就再跳上的士回家去。在路上，收到她的短訊。
「多謝你送我返黎丫咸濕仔！你真係好溫柔，尤其是對手。:p」
看到短訊，仿似手上的觸感仍然停留在剛才那一刻...
-----
第一章完。
-----
呢part少甜得很，下part應該會多d。
[ 本帖最後由 Cherfans 於 2013-5-7 04:09 PM 編輯 ]
