沙王 <第二章:第二節>
沙王 <第二章:第二節>
過住一個沉悶不斷睇自己公司背景, 一打鐘就自己落飯堂食飯, 同囚犯冇咩分別.
仲有一樣野就係, 每位員工都有一件制服. 經理級既係淺藍色, 工人係深藍色,
而香港人一概都係啡色...... 我>><<1.
一日復一日, 如是者過左兩個月, 發覺自己力有不逮, 身心俱疲.
做既野其實同工人冇分別, 不斷重複機械式既工作.
內地工人同0係大陸做野既香港人分別就係佢地出人民幣而我地係出港紙.
在王老吉都變成加多寶既同時, 我亦密謀0係過試用期之前遞辭職信.
我堅信冇人可以動摇我既決定, 就係呢一刻, 我遇到小冰......
佢係一位新來既辦公室同事, 坐正係我斜對面. 罕有地佢係講廣東話,
呢種親切感就好似茶餐廳既凍奶茶多奶一樣咁細滑同充滿奶味.
佢對波0係公司制服既推波助瀾底下顯露無遺.
佢清純既樣子, 高高既鼻子, 加上常常楚楚可憐咁走過來問我問題,
結果第二日我就立即將辭職信放埋一邊. 監於其他不值一提既大陸女同事有所謂既「省市化」,
即係唔同鄉下既人統統視佢地係敵人, 唯獨是我呢個咁有人情味, 在國際大都會成長既我,
及以幫人為己任既我當然當仁不讓, 時常解答佢既疑難, 佢亦慢慢對我產生好感.
佢工作既時候十分勤力同認真.佢主要係負責將經理翻譯好既中文打落部電腦度PRINT出來俾各部門大陸仔睇.
由於經理寫D中文既繁體又小學雞, 所以佢時常走來問我呢度寫咩個度點解.
好多時, 我都非自願地近距離俯瞰內地宏偉既無潛建, 建築面積竟然等同實用面積,
0係香港一定搵唔到既筍盤. 我同佢起左個名做「傍傲峰」.
佢(佢地)被一層薄薄的黑色呢士薄紗輕輕蓋住.
那種眼見就跌就跌既感覺真係想伸出同情之手去將佢地拯救出來.
此時此刻, 我深深體會班香港淫蟲同事所趨之若騖既大陸妹既過人之處.
由個刻開始, 我決定深深實地研究中港文化同女性體格上的差異.
唔知係咪我特別留意佢, 其他女同事總係抱住妒忌同怨恨既態度對佢同成日捉佢D錯處.
仲成日話佢一放工就即刻走.
因為佢同其他人唔同既地方就係佢從來都唔加班, 通常每小時加班費係比平時每小時多0.5倍.
其他人都死磨難磨到夜晚8點跟住返宿舍煮飯.
佢就6點一放工就一支箭走左. 當一個正常男仔想更加了解自己心儀既女仔而又苦無途徑底下,
我就決定學任達華同梁家輝……跟蹤!
