「這些年,那些年」處男初夜始於一夜
Hello,初次見面
大家可以叫我做阿手
我係一個移民過台灣嘅香港人
(其實我爸爸係台灣人,阿媽就香港人)
不過我就係香港出世架
所以同大家講嘅故事都會圍繞住港台兩地
雖然未知寫完故仔之後
會唔會有機會同「向西」兄一樣有機會出書,拍電影,賺大錢
不過呢一刻就真係好想同大家分享返呢十幾年嘅故事
如果寫得唔好,有錯字,語法不順,
還望各位朋友多多原諒
-----------------------------------------------------入正題-------------------------------------------------------
話說響90年代初
當時17歲先中三畢業嘅小弟
英文唔好,中文又唔識多隻,
剩係識得打超任同睇漫畫
仲間唔中跟下d所謂「老友」去下MK扮下劉華
可惜當年毛都未出齊,
又無烈火戰車,
D女仔緊係唔SO我啦
就係咁
一事無成嘅我就被迫跟咗老豆返台灣住
順便學做生意仔啦
(而家諗返真係要多謝老豆..如果唔係..邊有識到咁多女仔)
查實話就話係自己家族生意(阿爺都係果邊)
但都只不過係響夜市擺檔賣米線板條
(久唔久仲有遇到香港遊客,當中都發生過D故仔,遲下再講)
17歲嘅我,莫講話Bo Po Mo Fo都未學識講
就連「波波摸摸」都未試過
不過有時候人嘅際遇就係咁
係香港你只係一條濕九
去到台灣又有邊個會諗到
自己會成為一條「變色」龍(台灣"好色"=咸濕)
其實原因無他嘅
咪就係因為自己帶住D唔咸唔淡嘅廣東口音囉
而係度想第一個同大家分享嘅故事
就係因為自己口音而發生..
而講到故事嘅呢位女主角
我叫住佢「楊采妮」先啦
-----
係真唔係呀,我屌
人地向西有個楊采妮
你又有一個?唔L係呀
無錯,本文想講嘅呢個女主角
真係有7,8分似楊采呢
而且,我屌,我果個年代楊采妮真係好鬼Hit架
「這些年,那些年」處男初夜始於一夜(02)
查實有無規定甜故一定要好快入正題架?
如果無..咁我都講返下D故事背景先
-----------------------------------------------------入正題-------------------------------------------------------
當年過到台灣嘅時候
莫講話唔流行上網
就連手機都唔係人人可以出架
所以3個月返一次香港嘅我
得閒幫d熟客帶返一兩部大哥大
又或者幫佢地去MK買返D汽車貼紙
賺到嘅錢已經夠幾個月「生活費」
你無睇錯我亦都無打錯
當年一部香港帶過去無鎖機嘅大哥大電話
轉手可以賺成萬蚊台幣
汽車貼紙賺得仲誇張
基本上係可以賺到接近五至十倍嘅利潤
仲記得果陣一賺咗錢就儲起佢
目的都係想買返架烈火戰羊
如是者大概半年左右
就已經夠錢買返部戰車順便考車牌
(其實考車牌唔貴,不過都叫做自己賺自己洗,唔駛靠老豆)
仲記得初初老豆都反對,
覺得危險,不過台灣無返部電單車真係勁唔方便
再加上應承咗老豆如果俾我買車我就答應重返校園
(呢點都應該要多謝老豆咁用心良苦,如果唔係都無可能同靚女MISS有過一段情)
又講遠咗,
為怕大家轉台,
都係時候講返呢次甜故嘅女主角楊采妮啦
其實我同楊采妮嘅相識過程都幾老土架
我諗好多香港男仔過到台灣應該都有做過呢樣野
聰明嘅你..估到未呢...
答案就係「問路」
「錢吻笑姐供車斬腰枕央取呀」
-----
睇得明上面果句野打嘜嘅師兄師姐
將來小弟有機會出書一定第一個幫你簽名
哈哈
「這些年,那些年」處男初夜始於一夜(03)
尋晚停刊一日
唔好意思
今晚唔花咁多口水講其他野
就直接講返楊采妮啦
-----------------------------------------------------入正題-------------------------------------------------------
尤記得遇到楊采妮果朝早上
我一支公咁走咗去台北車站
打算搵附近嘅一架公車去新學校交入學申請
果陣都仲未流行上網
好多資訊都係靠你靠我靠查書先至得知
就係咁,果日就出事啦
因為搵咗好肯耐,
都搵唔到果個公車站呀
去咗台灣幾個月嘅我
雖然不至於完全唔認得路
之旦係要搵d未見過嘅野
又真係有d難度囉
就好似處男下海咁
俾你開咗燈有時都未必搵到個洞啦,
就算俾你好彩搵到,又未必入到呢?
嗯...又扯遠咗添..唔好意思
回想返當日
我剩係知果朝30幾度
太陽真是他媽的大
我著曬成套同我年紀一d都唔相襯嘅西裝皮鞋
頓時之間覺得自己係台北市最L七嘅七頭皮呀
(可能有人問點解突然會有呢種感覺)
頂,果個年代台灣人著衫真係好七架
不過當十個台灣佬有九個都著到好七嘅時候
我反而覺得著得異常正式嘅我先係七頭囉
就係咁,又熱又大汗又搵唔到公車嘅我
只好投石問路啦
當年台灣真係好奇怪
你去問路,D台佬係唔會點SO你
相反如果你係問台妹的話,
哇..咁就不得了..
分分鐘你以為自己係台灣當紅港星毒榴明添
事關果陣時嘅台灣妹對港仔係十分之有興趣架
當我嘗試行近班學生妹度
打算睇下有無人可以教下我坐車之際
奇妙嘅故事就發生啦
我:「筆姣耳屎呀,鵝屎虫上抗來呀,錢問腰取拉名公鑽滴供切腰沈摸取呀?」
正解(不好意思呀,我是從香港來呀,請問要去黎明工專的公車站要怎樣去呀)
甲妹妹:「你口音好怪喔,你是香港人喔?」
(我係香港人又點呀,關妳L事咩)
乙妹妹:「你怎麼會來台灣,來旅遊嗎?」
(妳又估下我會唔會係嚟遊巴士河點知迷路呢?)
丙妹妹:「你好像港星譚校長呀」
(妳out唔out d呀,我偶像係劉錫明呀)
丁妹妹:「^$&*^$&@$*@$&$^」
(我已經唔想理佢啦)
老老實實,
四個台妹個樣都勁豬西
完全令人提唔起勁
再加上其實我係嚟問路,
唔係嚟溝女架
正當我有d忟忟地嘅時候
突然係耳邊傳來一把屬於成熟女性嘅聲線
呢個時候我眼前果四隻異獸竟然異口同聲講咗聲:「教官早」
當我回頭望過去嘅時候
竟然發現呢把聲係來自一位年約30
身穿一身綠色軍服嘅美女
而佢果副憂鬱嘅眼神,
再加上雪白嘅皮膚
不其然令我諗起楊采妮
之不過
呢位楊采妮教官嘅上圍
就絕對跑贏真采妮幾條街啦
就係咁,
我就轉移咗問路對象,
而唔知係個天益我呀定係玩我?
佢竟然就係我申請入學果間學校嘅教官
世事往往就係咁奇妙啦
就係咁,我就同四件豬西仲有楊采妮一齊上咗公車啦
-----
楊采妮本姓黃
其他數字嘅野
靠大概印象報一報俾大家聽先
楊采妮當年33歲
身高160咗右
體重50kg
三圍34c-26-36
有一個拍拖多年嘅男友,
男友有家底但只係一個普通富家子,
不愁三餐但為人無大志
當年係台灣生活嘅香港人
好多都認同一句說話
就係香港人嘅思想俾台灣人進步十年
呢句說話講得真係一d都無錯
如果唔係,
又點會俾一個18歲嘅死港仔有機可乖同佢發展咗一段超友誼關係呢
明晚待續
[ 本帖最後由 iamwriters 於 2012-7-3 02:35 AM 編輯 ]
