同一齊住, 逼住要聽人搞嘢聲... 好嘔心好辛苦!
我同我男朋友一齊住, 仲有同佢兩個親人一齊住, 係佢哋屋企。佢其中一個親人都有女朋友, 仲有時上來, 有時過夜, 一齊沖涼, 睇戲食飯搞野咁, 好正常, 一定會有, 男女朋友呀。
問題係尼間屋啲牆係好薄, 仲要係上面唔係密封, 聲係隔唔到囉...
我成日都要逼住聽到佢哋搞嘢啲聲 (又唔係好大聲, 不過唔係一兩聲就冇咁), 我覺得好嘔心!
我同佢女朋友唔熟, 不過我睇得出姖係個好女仔, 姖對我都 nice, 但點解會落系嗰個親人手上嫁?!! 其實我可以對姖好好同姖做 friend, 但如果姖男朋友係嗰個人, 我唔想 friend...
Anyways... 都唔關我事, 或者個親人真係對個女仔好, 但個女仔永遠唔會知佢平時系屋企對我哋有幾 9 ... 又自私, 好懶, 冇自己利益既野佢係唔會理的, 乜都擺明唔理, 屋企有乜壞成日結果都係等到我男朋友整, 屋企用既嘢又成日唔幫手買, 成日同個女朋友沖涼但又唔幫手買沐浴露 (唔係女朋友都要我哋照顧埋呀?), 成屋人係得佢冇幫過手洗廁所同打掃, 仲有佢好多好多好小家既嘢費事講...
不過尼喥係人哋屋企, 我出聲我自己都覺得自己黑人憎, 仲有出聲咪仲搞到自己更加冇好日子過, 仲要日日見嫁大佬...
我同我男朋友講過, 但佢話冇辦法, 屋企冇錢裝修, 唔想搬出去因為我哋儲緊錢俾首期, 佢又唔想我自己搬出去因為想我成日可以系佢身邊... 情願尼兩三年死忍期望早日可以搬走有我哋二人世界有好日子過, 我哋都會為屋企既嘢哎大交 (唔止係尼單女仔叫聲既嘢, 仲有其他日常好多問題), 但我男朋友有次問我一句, 「為咗我, 忍尼啲嘢忍多兩年, 值唔值得?」值得... 只要你系我身邊仲係愛我仲想同我一齊, 乜嘢困難都值得忍... 我係咁軟弱, 我可以為咗我男朋友, 幾辛苦都想系埋一齊...
而且我同我男朋友都係一齊住, 都會搞嫁, 我仲住埋系喥添... 但我自問有人時會死忍唔出聲... 都唔想被人聽到啦, 泄低哂... 但我覺得個女仔可能忍唔到掛, 咁我都明白, 但我唔係因為個女仔叫而覺得嘔心, 我係女仔聽到女仔叫又點? 我係因為姖俾個 "dog dog" 搞緊, 系正我哋隔離房... 我先覺得搞心! 而且以佢個人既性格, 佢會叫佢女朋友「哎啦唔緊要嫁, 佢哋 (即係我同我男朋友...) 唔會理的, 哎咪哎囉... 關佢哋乜事」, 我覺得佢會好自豪以為自己好勁可以令到個女仔哎, 但我好想話佢知, 佢真係一個自私怪! 佢外表係好老土嗰啲... 著衫好 seven... 仲係冇自知之明的, 佢屋企啲嘢都搞唔掂, 學人搞女仔!
最睇唔過眼既係, 我男朋友個親人, 當佢女朋友在埸時, 個人係完全唔同哂, 即刻扮哂好仔,特登講嘢懶有風講啲笑話以為自己好好笑, 但係一啲唔好笑既冷笑話! 仲擺款出來好似以為自己好 man 好有料咁, 真係好想打佢... 我憎佢既程喥係就算冇見到佢, 但知道系我附近, 我都想即刻過去打佢! 但我為咗我男朋友, 乜都要逼住忍... 又唔可以同佢講, 真係好辛苦, 人都癲! 平時帶住「面具」扮 friend 同我男朋友啲親人傾吓計笑吓咁, 但其實我只係為咗我男朋友先忍住。
Sorry 寫咁多... 但其實係咪尼啲只係小事? 其實我 EQ 都唔係好高, 但唔通要忍到咁既情況先係 EQ 正常嗎? 我真係好痛苦... 我成日幻想當個親人同佢女朋友系喥時, 一次過爆哂佢啲黑人憎嘢出來, 我覺得佢女朋友應該要知, 姖知道之後先再諗清楚, 我女仔一定會幫返女仔, 但咁做咪更加令到我男朋友幫佢哋啦... 自己攞尼衰...
