前言
小弟響呢度玩左好鬼耐，不過因為最熟既FD 都愈來愈少上黎，所以轉左做 CD-ROM 一段時間。
其實以前一直都有朋友叫我響度出 POST 分享一下，不過一直冇時間打。
依家的起心肝打第一篇，如果反應好就出埋其他。
數落都可以打十幾個故事，至於有冇心機打晒真係要睇有冇觀眾喇。
希望各位多多支持啦！
特意開左新AC出POST。估到我係邊個既唔好出聲呀！:smile_o06:
特別歡迎各位入黎呃水吹!!:smile_o12:
覺得好的話請花幾秒鐘接下面的"推薦"支持一下:smile_o12:
=====================================================================
後語
29.08.11
呢幾排又忙又病，所以一直都冇精神時間update
希望各位見諒
另外多謝幾位pm問候我既朋友，衷心感激
再補充一下，呢個post發生時間已經幾年之前
但係我一樣都係咁慢熱
14.09.11
寂寞的男人
逃避現實,逃到記憶
尋找慰藉,尋到夢境
***************************************************************************************************************************************
~ Romancing Sa.Ga 1.1 ~
有時侯，我們成為別人記憶中特別難以忘懷的一部份而不自知。
有時侯，別人成為你生命中獨特而重要的個一片段而他不自知。
問題是，如果你可以讓他知道他在你心中佔有如何特別位置，你又會讓他知道嗎？
包包係一個剛升讀中五既女仔，我地響另一個討論區認識。佢個性爽朗，乜都可以好開心咁同人傾一餐。相比起其他自我保護或者吊高黎賣既女網友，佢顯得特別耀眼。我同佢響網傾左一排，對佢有一定好感，相信她對我亦觀感亦很不錯。
雖然我們都有對方電話，但我們絕大部份時間都只在網上傾，直至年尾一日有人搞年宵網聚，當日旁晚突然收到包包SMS，佢問我夜晚有冇節目，有版友約佢去維園年宵，想我陪佢一齊去。其實我當時孤家寡人，都好奇想見佢，所以立即應應承。
那次係我同包包第一次見面。佢真人比相靚。短直髮剛到肩，中等身形，眼大大，打扮同佢爽朗既性格好相襯。一件厚外套，令佢睇起黎真係有D包。成團四女一男，響地鐡等齊人就立即出發，一行人於十點左右到維園。
冇諗到最後竟然得我一個男仔出黎，正所謂三個女人一個墟，一路之上另外三個女仔已經都有講有笑自成一角。一陣，我們已行到場中央，人愈來愈多，我同包包被人潮包圍漸漸和另外三個女仔愈行愈遠。
包包輕輕拉住我的衣袖：「好迫，好多人！」
我：「依家仲未到最多人，一陣12點倒數會仲多人。」
包：「哎呀，俾人撞到。」
我即刻轉頭睇下佢，見佢神情尷尬咁話冇事，心諗唔知佢係咪俾人掂到重要部位，不過佢又怕羞唔夠膽講。我冇再問落去：「不如妳疊住我膀頭行啦，等我撞開D人，咪冇人撞到妳。」「嗯…都好！」我感覺到佢對手輕輕咁扶住我行。行了一會，佢突然問我想唔想食野，我還未回答，佢雙手瞬速從肩膀上鑽入我衣領中：「請你食凍柑！」我回頭舉起雙手：「禮尚往來！」佢即刻大笑閃開。
維園年宵氣氛好好，佢好似個細路女咁情緒好高漲，「左邊呀！呢個公仔好得意呀！」「喂！你睇下果邊！你睇下果邊！」由於四圍環境太嘈，佢好多時要挨個頭埋我耳仔邊講野我先聽得清楚。當我想同佢講野時候會拍下佢搭住我膀頭隻手，佢就挨埋黎聽我講野。
唔知係因為迫，定係我地咁快就已經熟絡左，佢今次挨得好近。除左佢把聲之外，佢身上既體溫連同香味都傳左過黎。一陣淡淡香水味，再加上皂液香味，令我即時心猿意馬呆左一呆，佢講既野我冇留心聽……我輕輕拍她扶著我肩膀的手，不經意將手搭在她手上，她手沒有縮避，頭挨得更近。那時候我仍是單身，同佢一齊行果陣有種近似情侶既甜蜜感覺。
「你頭先講咩？我聽唔到！」包包大聲一問令我回過神，答：「妳D強生牛奶沐浴露好香！」「哈…你好勁呀！咁都聞到。」
難得我地咁近距離傾計，我下意識好清楚咁望清楚佢個樣，原來佢對眼好水汪汪好靚。「我仲發現妳對眼好靚喎。」「多謝晒，低我請你食凍柑！仲要唔要呀？」我隻手原本已經按住佢隻手，聽到之即刻捉實佢，「多謝喇，等我幫妳整暖返佢先啦。」「你對手又幾暖啵，唔好乘機抽水呀。」我輕輕捉住佢兩隻手，結果放響我繼續行左一陣。
我地響維園成晚都迫一齊，感情進展(!?)一日千里。直到凌晨一點，我同包包最後響出口會合埋另外個三個女仔。我同眾網友(包包!?)既首次網聚就咁結束。
~ Romancing Sa.Ga 1.2 ~ 情愫
~ Romancing Sa.Ga 1.3 ~ 引誘
~ Romancing Sa.Ga 1.4 ~ 反引誘
~ Romancing Sa.Ga 1.5 ~ 失措
~ Romancing Sa.Ga 1.6 ~ 共嗚
~ Romancing Sa.Ga 1.7 ~ 高漲
[
本帖最後由 SOULKING 於 2011-9-14 12:37 AM 編輯 ]
