舊同學
早前舊同學嘅聚會見返一個女同學,早幾年已經飲咗佢餐結婚酒,之後嘅聚都係見過佢兩三次,因為好多時唔係我唔得閒就係佢唔得閒,而佢,亦係我中學時期暗戀過嘅一個女生,雖然而家大家都三十幾歲,但係佢都無咩點走樣,身材當然俾學生時代勁啦...
果日嘅聚會當中,佢主動問我攞咗msn,之後我地都有喺msn傾計,後來約咗出來飲野,飲咗兩三次野之後(因為佢老公成日要飛去第度做野,所以可以夜晚飲野),飲咗幾次野之後,佢知我同條女分開咗幾個月,佢有次飲飲下同我講佢老公同個秘書有野,仲成個身挨落我度,問我而家對佢仲有無幻想(其實當年佢都知我中意佢),果下我同佢講"你醉喇",但係佢就話係咪連我都唔再要佢,佢係我耳邊細細聲講"我老公半年無掂過我喇,我今晚俾你吖,我想要呀",聽完佢呢句我就上晒腦啦,就係咁,果晚同佢去咗九龍塘...
入到房,我地輪流沖涼,可能有d唔好意思無一齊沖,我沖先,之後見佢圍住浴巾出來,對野有34c,不過可能沖完涼,無咗化妝,個樣有少少憔悴,唔係醜樣果種,反而有d我見尤憐嘅feel,我地坐咗係床度,呢刻反而唔知做咩好,大家都無主動,仲有d避開大家嘅視線,我問咗句"你係咪唔想喇,如果係我地走啦",我唔係扮好人,只係果刻真係好老尷,但係佢反而叫我攬住佢,咁我咪攬住佢囉,佢話好耐無俾人攬過喇",講完呢句佢就喊咗出來,結果果晚我地咩都無做,我只係攬住咗佢成晚,第朝因為係星期日,十點起身退房走,之後食咗個唔知係早餐定午餐,佢話對唔住,因為佢未預備好...
果朝大家都好似唔想分手咁,行咗好耐街,連公園都行埋,佢突問我如果佢離開佢老公我會唔會同佢開始,我一時唔知點答,因為如果我話會我怕自己負唔起呢個責任,我靜咗,佢笑咗一笑就話想返屋企...
我地而家都仲有msn同有時會通電話,我發覺我真係重新愛上咗佢,但係唔知點去應付呢段關係...
