尖太荃至上下沙專線仍有優惠
荃灣,太子,尖沙咀<->上下沙 巴士專線
票價$30
每天07:00-20:30服務
30分鐘一班
途經濱海大道,深圳灣口岸,后海灣幹線,屯門公路
不經大欖隧道
上下沙 去荃灣 1個鐘零10分鐘
上下沙 去太子 1個鐘零30分鐘到
上下沙 去尖沙咀 1個鐘零50分鐘
自從文錦渡封關之後, 同「文巴」爭生意嘅「華通」尖太荃 ─ 文錦渡 線正式摺埋, 冇咗廿蚊直達呢支歌唱, 但同站頭則開咗條到上下沙線, 三十皮其實好抵, 先兩日經過太子站頭, 仍然貼上即日回程免費, 即係每程十五蚊, 如果你係去上下沙玩過夜, 當然冇咗回程優惠, 但係都平通街, 假如你響太子搭車上黃崗要三十五蚊, 加上五元轉乘中巴, 就要四十元, 上下沙站頭, 就係麥記附近個亭仔, 即係搭中巴去黃崗個售票處, 有人話, 上下沙而家冇嘢玩, 我嘅諗法就係, 如果響大陸覺得冇嘢玩嘅人, 通常因為自己銀兩不足, 所以覺得乜都唔啱自己玩, 係大陸有錢, 那有邊度冇嘢, 包括上下沙在內, 唔熟路, 我可以充當導遊, 夜夜笙歌都仲得, 當然, 大前題要帶夠銀兩,亦有人話, 好似車程長咗D, 我通常在太子出發, 經深圳灣口岸過關, 然後轉乘免費中巴到終點, 其實唔需要個半鐘, 如果同樣響太子坐車到黃崗再轉中巴去上下沙, 有時個半鐘都未到, 又有人話, 邊處有咁平, 係咪吹水, 同樣情況, 當初「華通」響文錦渡開廿蚊條線都有好多人唔信, 包括我自己在內, 每次都係搭火車到上水站, 山長水遠到下面廿蚊「文巴」, 真係賺死佢, 唔駛廿分鐘就到站,
講咁多嘢, 唔係同佢做宣傳, 我只係一個普通乘客, 只是每次看見一些貼, 好意介紹大家未知悉嘅平嘢, 仲俾人冷嘲熱諷, 有平嘢就認為有問題, 有蠱惑, 搵笨實, 我相信去得呢D區域嘅朋友如我, 都不是有錢人, 省得幾蚊就幾蚊, 如果有錢嘅朋友, 駛乜去埋呢D地方, 包架飛機番大陸都得啦, 食餐飯都過萬, 搵條女過夜, 閒閒地都俾夠一皮, 但我哋唔係, 就算駛多十元八塊, 都係我哋自己的血汗錢, 但我們都需要娛樂, 但係精打細算是必須的, 而不是「孤寒」, 這是做人精明一點而已, 我唯一同意的是, 呢條線嘅人流確實唔多, 否則唔會做到現在仲有回程優惠, 有可能隨時摺埋都唔定, 祝 大家心想事成, 財運亨通.
