(轉) 砵蘭揼骨記
有次同個FRIEND行開旺角，佢無啦啦話我知有檔邪骨聽講幾好係砵蘭，要我陪佢去試下，我心諗事旦啦，橫掂得閒，去揼返粒零鐘都OK既，又睇下砵蘭D骨場係咩水準
上到去除衫準備沖涼，有個出黎招呼我地既靚仔就一路金魚佬咁眼咁望實我除，好似點咗穴咁，足足由我除衫開始望到我除剩條低褲，我終於忍無可忍，彈佢一句：「你望夠未呀？你想望到D咩？」跟住佢先至眼神呆濟、粒聲唔出好似條喪屍咁轉身行開！
跟住入去沖涼啦，沖咗都冇三十秒，突然間有一個類似係老細既中坑，竟然帶住兩個裝修佬入黎睇裝修，一陣又話要拆牆，一陣又話要起返面鏡，總之九唔答八，長編大論～～
我見佢地都係齋TALKING就冇理佢繼續沖，跟手有其中一個裝修佬，唔知係邊度潛咗個電鑽出黎，咁不突止，仲真係鑽起上黎.，搞到沙塵滾滾，轟轟轟轟鬼殺咁糟，鑽鑽下仲鑽到黎我果格，個老細好唔好意思叫我去後面果格再沖過。
我開始有D火想發老脾，但係又覺得好搞笑，再加上個老細又SORRY 前SORRY後鬼咁好笑容，仲走去後面果格開埋水比我過去，咁就真係發唔出，忍咗佢算～
去後面果格諗住那那聲沖埋佢算數，點知係我搽緊皂都未沖水，個裝修佬又鑽到埋黎，叫我再過多格沖！跟住過老細又好敏捷咁彈過黎，笑容滿面兼起勢講SORRY咁幫我過隔離果格開水，叫我忍耐忍耐，我實在忍無可忍咁同佢講：「呀老細下嘛，你呢度得六格沖涼我就試燃咗三格，我個Friend都入咗去揼緊啦，我就涼都未沖完？你到底想點呀？」
個老細就係咁得個SORRY，我見佢都冇第二句，咪惟有那那聲行過一格沖埋D皂囉！！點知條裝修佬會唔會又鑽過黎架～～
終於平安無事沖埋個涼入去揼骨。一開房門，莫講話條女個樣，裡面真係黑到到底有冇人我都睇唔倒！！！淨係靠門外少少微弱既燈光射入去，見到有一個細小既人影係黑暗既角落頭慢慢咁行緊出黎，你地試諗下果陣時果個FEEL係幾咁迷離、幾咁詭異～～
就正當裡面條囡慢慢飄緊過黎，外面D微弱燈光就黎要照到佢個頭之際，出面帶我入房條靚仔好似驚間房有核反應堆洩漏咁，竟然好快手咁失驚無神就砰埋咗度門，四周圍當堂又黑返晒！
大佬呀，真係有幾趕都好啦，你起碼都比我睇到張床係邊先砰門呀?黑蚊蚊我點埋去張床度呀？？？
唉～～我都唔知條靚仔急乜野，頂，我黎揼骨者，又唔係黎賣核武，使唔使咁詭秘呀！？但係條女好好野喎，一字咁就行埋黎幫我除低件衫同帶我埋床，直頭好似帶咗夜視鏡咁，呢下真係唔到你唔服，但係佢就一句野都唔講，咁我見妳咁冷漠，我咪又唔講野囉，我又唔係黎溝你！
嘩，我一上床灘好佢就自動波咁擒咗上我背脊開始揼，揼得唔夠幾下，越黎越唔對路，都唔知佢係我背脊搞乜，又唔到位又冇力又冇勁，淨係騎住係我背脊好公式化咁起勢係咁搖，完全冇第二招，我都唔知佢搖乜野，佢又唔問野又唔講野喎，嘩！大佬，人造人呀？！而且仲完全冇乜想停既蹟象！
我終於都忍唔住要同佢開口講第一句說話：「姐姐呀！唔該可唔可以大力D按， 唔好淨係得個搖字呀？」
佢就用好冷漠聲音答：「唔…大力D…唔好搖……唔～～」
妖佢啊！唔講由自可，一講仲仆街，力，就由有少少到完全冇哂，但係搖就搖得仲行過之前，搞到我好似坐住隻大飛著緊草返大陸咁，搖到我爭D想嘔～～
但我心諗，黎得呢D場都唔好咁多要求啦，再加上見佢又真係搖得鬼咁起勁；唉，我又見D氣氛咁沉寂，仲靜過停屍間，不如撩下佢講下佢溝通下啦，或者佢唔揼得但係傾得呢！以下就係我同佢既對答：（註：全部內容一字不減）
我：「姐姐你點稱呼呀？
囡：「17號」
我：「17號？…大鐵人呀？」
囡：「唔係，係17號」
我：「咁你有冇其他名呀？」
囡：「得17號咋」
我：「你冇其他名既咩？」
囡：「冇呀」
我：「咁你D Friend點叫你架？」
囡：「17囉」
我：「咁你個英文名呢？」
囡：「SEVENTEEN 囉」
我：「…………………呢個名邊個幫你改架？」
囡：「11號囉」
我：「邊個11…號呀?」
囡：「未返」
我真係忍唔住爆咗句出黎：「屌…………………………」
講到呢度，我已經真係再冇乜野想同佢講，亦都冇乜“可以”再同佢講，誰不知條囡竟然夠膽死好意思撩返我講野……………….
囡：「咦？咁先生你點稱呼呀？」
我：「………………28」
囡：「28？」
我：「唔…28」
囡：「乜野廿八呀？」
我：「鐵人28」
囡：「乜野鐵人28呀？」
我：「我咪鐵人28囉」
囡：「……………………都唔知你講乜…」
我：「鐵人28囉」
囡：「………………」
講到呢度，我諗條女自己都覺得冇癮，所以佢完全收晒聲，繼續好沉默咁係我後面搖落去；時光飛逝，都唔知佢搖咗幾耐，佢突然間伏落我耳仔邊輕聲問我：「你呢……想要BODY定全套呀？」
見佢一邊問就一邊己經擒緊落黎，好似想去準備定D乜咁，我心諗黎得呢D場，又冇理由齋揼咁寡掛，我慢慢岳高頭向住佢半發晦氣咁話：「唔好勞煩妳啦呀…呀大鐵人，我要 BODY得啦！」
條囡話：「要 BODY呀？OK啦！」
我就順勢咁話：「梗係啦～呀17號～～，我入咗黎咁耐連妳個樣都未見過呀，身材又唔知，做BODY穩陣D…」
條囡見我講到咁，就淨係“哦”咗一聲就冇出聲，就係呢個時候，突然失驚無神火光一閃，條女竟然點著咗個火機企係我面前，嚇咗我一跳，試問我又點估到，係咁既環境下條女會無啦啦玩火機～～
我即刻口震震咁問佢：「妳做咩呀？」
(待續 .....)
