|
等待驗證會員
|
1#
大 中
小
簡
繁
發表於 2009-10-23 只看該作者
久違了的心跳眼神
結婚10年了 從來都唔係好夠膽直望女性既我 今日竟然係巴士上跟個陌生女性對望
令我產生了久違的心跳感覺:smile_o05:
個女仔我估大約23-4歲 長頭髮 樣貌ok 貼身T恤同牛仔褲 身裁好突出下
上巴士後下層只剩餘最後一個坐位就係巴士最後排左手邊貼住窗的倒頭位
而個女仔就一樣坐係最後排但係右手邊貼住窗最角的頭向前位 即我們的位置是斜對角
由於係長途車關係 搭車途中我都係照平常習慣睇下報紙, 而其從他乘客多數養神或訓覺
我途中一路看報紙沒有什麼事發生 直至坐係果個女仔隔離既人落車 我剛望過去才留意倒
佢, 佢雙手抱住胸前睡著 姿勢都幾吸引 那我只偷望幾眼又再看回我的報紙 再過幾個站之後
後排中間位置的人己落晒車 形成每邊後排只有兩個人打對面坐, 由於少人關係那我就打斜
身坐面向那個女仔, 當我打斜坐後果個女仔突然醒左, 佢見到我望住佢 佢都定眼望左我 我當
時個心突然跳得好快因為我唔習慣同女仔對望, 然後我好快已經唔敢抬起頭再望佢 因為我
怕佢以為我偷規佢 我諗佢見到我唔敢望佢 佢又再訓過 直至過多幾個站佢都一路訓緊
我仍然係一路看報紙一路偷偷望佢, 再過一段車程後佢醒左因為我估佢要落車 到差唔多埋
站果時我鼓起勇氣定眼望住佢, 心諗佢都落車望多幾下都好 但我估唔到呢個時候佢又
突然定眼咁望番實我 我地差唔多對望左成半分鍾.
我望住佢既眼神 佢個咀好似對我微笑想同我講野咁‧同一時間係呢半分鍾入面我個腦好亂,
唔知對佢笑好丫, 點頭打招呼好丫, 定唔知應該做咩好. 但始終驚到眼定定乜都冇做到.
半分鍾後佢起身落車喇 一切都回復番平靜. 我繼續我既車程 但我個心仍然跳得好勵害
唔知下次再遇到佢時會點呢
第一次出post無SEX野 希望唔好插我啦, 我只係想講下久違了突然心跳既感覺, 原來好正
因為自己結左婚我估唔會有咩下文. 不過最開心一樣野係估唔到原來自己仲有少少魅力都
仲可以吸引到異性肯望下我.
如果呢件事發生係10年前 我一定唔會放過呢個機會既
|
