打印

天天醜

收藏 | 訂閱

33 3.2k

查篤撐

等待驗證會員

查篤撐

1^# 大中小簡繁發表於 2009-7-5 只看該作者

天天醜

七月二日晚從皇崗口岸坐小巴到天天醜諗住按個老正然後瞓過夜。一點鐘沖完涼出到休息大厅叫服務員安排技師TOZ兩點鐘上鐘，服務員話技師還有20分鐘下鐘，我話按完腳差唔多啦。服務員話如果又有人點佢點算，我話係我點先架，佢一定做我個柯打先啦。真係唔知佢UP乜九嘢。按完腳過咗好耐都冇人來，便走去服務台問，佢哋話TOZ上緊鐘還有80分鐘。我即小九佢哋，佢哋話可能客人加鐘啊，我話加鐘都係加一個鐘45分，點解會還有80分鐘，仲冇人通知我，等我係咁等，今次已經係第二次。上次你還可以講話服務員新嚟唔識嘢，但今次我係同部長講都係咁。我最後搵佢哋個部長嚟係咁小佢，佢話要了解一吓下次唔會再係咁，咁我求祈搵另一個技師算啦，點知條河南妹一邊按一邊恰眼瞓真吹漲。

天天醜我都幫襯咗好耐，亦有買佢哋嘅會員卡。間嘢都算係大場，雖然裝修唔算豪華，但都唔錯。個度嘅技師好多都做咗幾年，大部份係唔靚嘅多，不過老正冇乜所謂啦，反為按腳或採耳的女仔平均水準仲靚D。

早排龍崗舞王卡啦OK大火，佢哋停咗幾個月順便做點裝修，拆咗幾間按摩房做逃生走廊，然後收加一小費，即係變相加價。今天90分鐘泰式108加一就係120。佢哋以前係通知部長或服務員入房，然後技師過一陣才進來，現在改為先在按腳大厅坐等技師來找你。

我以前幫襯開羅湖有而，只要你一旦點了技師，這個技師便不可以再接柯打，要完成了你的柯打才能再輪牌。有技師曾經對我說，都唔知邊個咁大整蠱打咗電話嚟又唔出現等我成晚等佢，又唔可以做第二個客。我話你一定得罪咗人。

有次我從電腦點技師，之後便一直等等了二十分鐘，然後有位男部長對我說對不起你起你剛才所點的技師放長假。我覺得奇怪為甚麼放長假的技師還放上電腦？為甚麼要過了二十分鐘才告訴我？今天七月五日下午四時十五分我按完腳按腳技師和穿黑衣的技師都已經和我安排了技師按泰式，等咗都成七八分鐘我再走到服務台說要安排技師按泰式，當時女部長還親身走來問我是否按中式？我說泰式，不久一個肥肥矮矮的技師引領我到房間去，她問我按甚麼式，我說泰式，佢話對不起我給你換一個技師吧，因為我是做中式的，我還沒上泰式牌。Oh my god！到底天天醜係唔係做生意架？

講番天天醜佢哋嘅管理可以話每況愈下，愈來愈差。晚上在羅湖口岸要搵佢哋啲咨客都好困難，唔知蛇咗去邊，就算搵到等車都要35分鐘。門口有時有有時冇咨客，有都係碌葛咁木口木面。除咗Locker仔全部識講白話外，大部份都係垃圾，服務台兩條友冇嘢做掛住打牙較傾偈。相信會員卡的儲值金額用完我唔會再幫襯。