star_platina

引用:

原帖由 柒七仔 於 16/8/2021 15:35 發表
師兄，有人好開心咁喎！

阿星巧開心😬

star_platina

收工前出下嘢先😬

[ 本帖最後由 star_platina 於 2021-8-16 17:03 編輯 ]

star_platina

收工出嘢……………第88話～

Abby LXXXVIII

麻油味Abby嘅表情話俾阿星知，佢期待阿星所講嘅並唔係咁樣，而阿星偏偏講出咗佢最唔期待聽到嘅嘢。阿星望住佢，佢又望住阿星，一時之間大家冇哂嘢講。係呀，呢啲講錯嘢嘅情況係會令到女士對你嘅印象大打折扣嘅，而且要再兜都並唔係咁容易。阿星知道，因為阿星根本由頭到尾都係想製造呢個時機，因為要製造反差，係要將情況拉到最差，先可以令到跟住落嚟講嘅說話變得令佢笑得燦爛。

喺麻油味Abby面色開始表現出失望，想開聲講阿星點解會咁講嘅時候，阿星再次開聲：「本來條裙都唔算太靚，你一着咗之後感覺唔同哂，阿星想像緊你冇着條裙嘅時候，佢會係點；完完全全好似阿星想像中一樣，只有你着，條裙先會靚，你唔着，條裙就冇喇。」明唔明阿星講緊乜？

麻油味Abby聽完之後有啲明，有啲唔明，阿星趁佢仲諗緊嘅時候就拍拍阿星坐緊果張梳化，示意佢坐番低，其實佢唔坐低“烏”低身哄住阿星係仲好嘅，有34D又有事業睇，不過睇得多俾人話阿星鹹濕就唔好啦，呢啲嘢都係見好就收。麻油味Abby再次坐低望住阿星，就好似阿星係一舊外星生物咁，然後佢再次開聲同阿星講：「你真係好怪，我爸爸話你唔係咁容易了解，依家我開始明白佢係咩意思。」阿星笑笑，咁容易俾你睇得穿就唔係阿星啦。

都成六點幾，今晚去邊度食飯，可以開估未？麻油味Abby望下錶，然後話：「我哋行得啦，你車埋我一齊去啦。」咩？唔係呢度高級餐廳食咩？咁去邊度食？麻油味Abby一路講一路笑：「去我屋企食呀，我爸爸媽媽喺屋企等緊你。」唔係啩？

正所謂：

答案並非己所慾
櫻花容顏顯失望
四目交投默無語
高手過招伯仲間
英雄再問用餐處
原來拜會總裁府

金翅中伏大件樹鳥
（待續）😬

[ 本帖最後由 star_platina 於 2021-8-16 18:46 編輯 ]

boar36

星爺，寫好了 又來鳥  ...... 金翅中伏鳥！！

答案並非己所慾
櫻花容顏顯失望
四目交投默無語
高手過招伯仲間
英雄再問用餐處
原來拜會總裁府

star_platina

引用:

原帖由 boar36 於 16/8/2021 18:28 發表
星爺，寫好了 又來鳥  ...... 金翅中伏鳥！！

答案並非己所慾
櫻花容顏顯失望
四目交投默無語
高手過招伯仲間
英雄再問用餐處
原來拜會總裁府

哈哈，阿星差啲睇到總統府添😬

柒七仔

師兄唔好拎兩梳蕉去見外父，外母呀🤣

star_platina

引用:

原帖由 柒七仔 於 16/8/2021 18:54 發表
師兄唔好拎兩梳蕉去見外父，外母呀🤣

阿星帶條蕉去😬

star_platina

早晨呀各位，又係星期二，又到最新嘅第89話～

Abby LXXXIX

阿星感覺到今餐飲將會令到阿星非常之難落台，不過呢個將會係一陣間嘅事，呢個時候，阿星只係揸緊車，任由麻油味Abby帶阿星去佢屋企。途中阿星一路喺度諗，走鬼呢個念頭不斷喺阿星個好似豆豉咁細粒嘅腦入面飄過，直覺話俾阿星知，今次呢餐飯食得好麻煩，而且阿星要花好多心機去應付。當然，要花心機並不表示阿星應付唔嚟，而係比起平時嘅情況麻煩啫。通常阿星嘅直覺都好準確，潛意識嘅嘢，只要你花時間同佢溝通，而佢又肯同你溝通，你會有好多意想不到嘅得著。不過大前提係，你要學識點樣同潛意識溝通，透過同潛意識對話，你將會知道好多你平時冇留意到嘅事情。

與潛意識對話係阿星嘅其中一個強項，內容非常之悶蛋，因為潛意識只係活動於腦內，外面係睇唔到任何嘅動靜，而且現代社會嘅人大都唔會花太多時間去照顧自己嘅心靈健康；莫講話心靈健康啦，身體健康都因為工作忙碌，生活緊張，食無定時等等嘅因素搞到麻麻煩煩，頭暈身慶嘅有，胃痛便秘嘅又有，失眠渴睡嘅都有，身體都顧唔掂，心靈就更加冇心情去照顧啦。不過其實大家又有冇諗過，照顧完心靈健康，身體自然會開始健康啲嘅呢？

麻油味Abby住喺大型購物中心附近嘅崩沙區度。崩沙區，係一個有錢人住嘅地區，平均每間阿星揸車經過嘅獨立屋嘅停車位度都起碼有一部名車，有啲甚至有兩部或以上。星期六夜晚或者啲人唔多出街食飯，差唔多家家戶戶都泊哂車，有啲屋連門口都泊咗幾架名貴房車或者跑車喺度。

喺進入呢個住宅區之前，係要經過閘口，話俾保安知你係嚟拜訪邊個，留低電話號碼，駕駛執照同埋要俾人影番張大頭相嘅。阿星自問唔得靚仔，都好少影相，你知啦，阿星係賣才華嘅實力派嚟嘛，邊得嚟影相會靚仔嘅呢？正喺個印巴籍保安抄完阿星牌，攞埋駕照，準備同阿影靚相嘅時候，麻油味Abby開聲同個保安講：「佢係我朋友嚟，唔使影啦。」個保安叔叔一望到麻油味Abby，即刻俾手敬禮，交番張駕照俾阿星，然後擰轉頭叫人打開閘放阿星地入去。麻油味Abby將佢嫩滑嘅手掌放上阿星揸住波棍嘅手度，望住阿星話：「住呢度好好嫁，保安又嚴密，啲人又有禮貌，層次都唔同咗嫁。」

正所謂：

英雄突發第六感
潛意思緒皆起伏
櫻花家住富人區
保安嚴密水不漏
連番手續如敵臨
伊人為君免繁複

金翅睇嚟麻Q繁鳥
（待續）😬

[ 本帖最後由 star_platina 於 2021-8-17 09:33 編輯 ]

boar36

早晨 星爺，寫好了 又來鳥  ...... 金翅麻Q繁鳥！！     

英雄突發第六感
潛意思緒皆起伏
櫻花家住富人區
保安嚴密水不漏
連番手續如敵臨
伊人為君免繁複

柒七仔

師兄果餐飯係咪都食得幾辛苦呀，哈哈！