小弟今日都幾忙所以就簡單介紹小弟心水，希望巴打可以落注前有個參考！
阿士東維拉 對 查爾頓
呢場波睇返開盤冇乜問題，但係睇返亞洲盤就好多行家都認為阿士東維拉佢只可以小勝，所以好多行家都係開半球一球，諗住贏波輸半個盤，睇返阿士東維拉5場聯賽有4場都贏盤，只有一場作客輸盤，2場主場都贏盤，睇返2隊近況，主隊的確唔錯，反而客隊聯賽表現麻麻，今次作客情況都唔多好，睇返有主場之利阿士東維拉近5場保持不敗，綜合好多資料，數據等等，呢場投注阿士東維拉主勝值搏比起讓球會更好，因為要贏2球先贏到全個盤，所以主勝1.73都唔錯！97％
韋根 對 屈福特
呢場波2隊都係咁上下，無論近績，狀態，入球失球數字，都不分上下，睇返2隊最近4場對賽都係打和，所以從表面上看來估計再一場和波都唔出奇，但細心有留意到呢場波開飛主隊明顯地比較受追捧，反映到外國大多數睇好韋根可以贏波返來，所以小弟留意呢場波倍率走勢，發現到中午時間除左客隊有小量支持者外，之後大部份時間不斷有大量支持者落飛，雖然倍率熱上加熱，但係到而家呢一刻都仲有水位，小弟覺得主勝值搏率仲存在，所以主隊韋根要贏應該冇難度！96％
巴黎聖日耳門 對 南錫
介紹呢場波只得一個原因，就係由於外圍因素，小弟睇返，近績2隊都差唔多，但係從狀態睇，主隊明顯地有回勇即像，睇返最近幾2場波入5球，反而客隊最近幾場波只能入一球，從數字上客隊雖然聯賽排第3，但今次面對主場一向唔錯既巴黎聖日耳門，今次作客都幾難搞，所以初盤就反映到巴黎聖日耳門要贏波唔難，但小弟今晚睇左外國消息後，發現多間公司明顯地都有同一樣共通點，就係普遍認為主隊可以贏3球以上，因為外國好多主隊波膽3比0，4比0，4比1，5比0等等，呢幾個盤口波膽特別受追捧，小弟就從呢度入手，唔難發現到呢場波除左主勝受熱，其餘較多人投注就係波膽，係咪咁簡易當然賽後先知，但如果咁睇，巴打可能會問，亞洲盤讓半球一球係唔係好值搏，其實係好值搏，大家唔好以為讓到半球一球高水就怕左，因為行家開盤除左睇好多野外，最重要就係要開一個有利益既盤口，所以小弟今晚就推介巴打買讓球盤，因為綜合左以上數據，外國消息等，小弟覺得主隊讓半球一球好值搏！96％
雷恩 對 聖伊天
介紹呢場波都係因為外國消息，如果唔係外國消息，小弟一定會好似上次咁推介聖伊天，小弟講過呢隊波作客仲好過主場，因為唔贏都會守和你，係一隊和波王，但係今晚小弟睇到果邊有出擊之意，睇返初盤果陣，開飛大多數集中係和呢個盤口並唔出奇，因為多數法國波開飛都係咁上下，再睇返盤路，2隊係中午時間都各有支持者，反映到就係佢地對呢2隊有信心會贏返來，所以貝弟集中睇住個倍率走勢，係接近夜晚時間，主隊雷恩明顯地有較多飛落，亦都有大户出擊，所以小弟今晚真係要割愛，唔介紹自己搵食波，反而推介巴打主隊雷恩，睇返最近狀態其實都唔差，所以今晚小弟綜合左好多野，最後覺得主勝機會值搏率更高，巴打們不防可以考慮下！98％
貝迪斯 對 皇家馬德里
睇返呢場最近2隊有明顯既分別，主隊貝迪斯雖然有主場之利，但係其狀態認真麻麻，反觀作客皇家馬德里近態唔錯，有慢慢回勇之勢，睇返開飛初盤，大多數公司都偏向睇好皇家馬德里係唔出奇，最出奇就係因為佢地熱唔晒，睇返今日倍率走勢，細心睇得到中午時間主隊有大量支持者，所以皇家馬德里有回飛現象，咁係咪代表會輸緊呢?小弟就唔係咁睇，因為小弟發現到，呢場波雖然作客，大家都知呢隊係海鮮波，所以小弟覺得冇咁大影響，睇返2隊最近對賽成績，主隊係未贏過客隊，由此可見，皇家馬德里打高半班唔出奇，再睇返盤路，主客和3個盤，好明顯就睇得到好平均，3樣都有機會開出，但係睇返由今晚7點半到客隊又開始慢慢落飛，反映到就係中午小弟話主隊落飛，只係假象，小弟睇係因為水位好先會有大量支持者，保守估計，並不是大户出擊，而家皇家馬德里不斷地落飛，反映到好多人食指動，所以贏既機會大大提高，客勝仲有2點幾倍，值搏率好高！96％
以上就係小弟今晚最有信心幾場推介，希望巴打可以落注前有個參考，雖然倍率係比較熱，好多巴打都識買，但係小弟都覺得值搏率係最高，所以希望比到巴打信心！小弟今晚都好多波要跟，都未必上到來，除非有突發事件或者有大户落飛，小弟一定會趕上來講聲比巴打知道，至於較早前的帖，小弟諗要忙完先可以回覆巴打，唔好意思！祝大家好運！BYEBYE！:005:
[ 本帖最後由 扮西晒野 於 2006-9-23 08:52 PM 編輯 ]
