每年農曆新年, 都會想起2000年後某一個農曆初三嘅晚上......
當時已經變做用msn嘅年代, 一個網友叫man(普通都不得了),一直我哋用msn或電話聯絡好一陣子! 但因佢工作關係, 極度難就時間見面!
由於當年農曆初三晚有屋企飯局係尖咀, 所以成個晏晝都無所事事, 又係上網...係msn嘅contact list唔見太多人online, 但man就永遠都online嘅......
講咗一輪恭賀說話後, 得知佢新年溜溜都要開工, 都覺得辛苦! 不過佢當佢知我係尖咀有晚飯局, 佢主動提意見過面! 我當然無問題啦!事關新年悶悶地, 啱時間就到冇所謂! 不過佢提醒我佢係揸電單車, 所以個晚我冇著裙出去......