幾個月後我轉咗新工,新工司喺中環,自己亦住港島,好少去尖沙咀,自然亦冇去間夜總會.終於有次同舊老细仲有班同事敍舊落咗去,埋單後喺走廊Jenny問我做乜咁耐冇嚟?我就話佢知轉咗工,大家寒喧幾句後佢話返去做嘢(其實個場靜個鬼),臨走時Jenny話好卦住我.一個媽媽生同好多客都會講呢D嘢,但Jenny語氣好眞心,咪以為我諗多,因為我見佢手上面帶住我送俾佢條手鏈.
嗰晚係我最後一次見Jenny.幾個月後我同舊老細又落咗去,其實我係想再見吓Jenny.點知舊老細開咗另一組媽媽生,嗰時我先知Jenny已經冇做,聽佢講呢度老細已經决定做埋呢幾個月就摺埋呢個場,而Jenny因為做過銀行,其中一個老細就叫Jenny去咗名下間財務公司做(唔係大耳窿,係有牌嘅合法財務公司).Jenny都算做返老本行,咁我都替佢開心.間夜總會Last晚,我同舊老細都有去,仲跳到打樣,我希望Jenny都會落嚟,結果都係冇.望住呢個自己留下唔少腳毛嘅地方,最值得回憶嘅,就只有Jenny.其實如果要揾Jenny,只要問舊老細一定有辦法,但我冇咁做,劃上句號應該係最好决定.
我同過無數女人上床,而Jenny同我只係開過2次房,總共做過5次,但絕對係值得令我一世記住.計落Jenny依家係50出頭,其實我喺Facebook用佢眞名Search揾到佢.係個樣老咗少少冇乜點變,一様的短髪,套用以現今潮語,絕對係一名[美魔女].佢Facebook寫係Single,應該離咗婚,Current Location係英國某城市,佢終於返咗去最鐘意嘅英國.喺可以睇到嘅相中,有Jenny同一對年青男女影嘅大學畢業相,佢張Profile Picture一手托住下爬,手上面帶仲住我送俾佢條手鏈.睇嚟佢同我一樣,心入面都仲有對方喺度.唔知Jenny有冇喺Facebook揾過我呢?
不過我至今都冇Add到Jenny,我覺得把呢段回憶留在雙方心中還是最好,換轉你哋又會唔會一樣咁做?我同Jenny嘅故事就完喺呢度,多謝大家支持同回應,下次得閒再同大家講故仔,Bye.
FIN
