（四） 同月同日慶生辰,同月同日心已碎
之後我已經半個月都無見佢上線啦..果時我好掛住佢,又打唔到電話比佢,於是我就搵返之前中秋果個朋友同埋佢女朋友出來傾計釣魚,佢叫阿強,我見佢女朋友去左買野飲行開左既時候同佢講左我同小倩既事之後佢好驚訝甘望住我,之後佢話: 唔好放D心思0係小倩度啦,大把好女仔,大把靚女啦,何必要揀佢呀?
我: 唔知呀,可能我真係鐘意左佢
強: 人地做乜你知唔知伽??鐘意佢??唔好玩啦
我: 我唔知呀,你知道呀??
強望住我2秒左右: 我都唔知呀,總之我覺得佢唔係好女仔,搵過第二件啦
我: 我覺得你知道D野既..係你唔講唧
強: 大家係朋友,你都知我係咩人,我唔想睇住你衰..
跟住強個女朋友返來了,兩個都停左口,我都無追問,反正我都已經估到8成了,果陣時既我只係諗緊點樣幫小倩,我唔想一個好女仔就甘就一世...
11月尾了,我知佢月尾都會上網,只係之前兩次都係28號佢放假,但今日係25號,唔知佢仲上唔上網呢...我果日成日無出街,為既只係等佢上網,由24號晚放工等到25號下午完全都係無上線...我好灰,究竟佢做咩野呢...我好掛住佢,即使我會諗緊佢可能0係度陪緊第二個男人都好,我都好想見到佢,0係佢身上我搵到港女好多無既野,無論外貌身型體貼與遷就,我所認識的港女無人能及...(可能係我女性緣性差啦,唔好鬧我呀,我都覺得有D香港女仔幾好伽,只係我未遇上唧)
晚上十點,阿媽煮左飯我都無食,成0日係間房度訓覺睇書,等緊就只係QQ既門聲(因為我只係加左佢一個)10點半...我真係太累了,去左沖涼,沖完涼入返房見到佢個圖係彩色的,小倩上線啦,我果陣時好開心好開心,我即刻同佢say hi
我: 小倩,好久不見了,最近去那裡呀??好久都沒有見過你了??
十分鐘後....
我: 小倩,你干嘛呀?不記得我了嗎?
再過五分鐘左右....佢終於應我了....
小倩: 不好意思,剛剛在吃飯,所以遲了回你
我: 小倩,我想找你出去!!!
小倩: 你知道我要上班都沒空的,怎麼跟你出去???
我: 沒關係的,我有很多話想要對你說,你可以出來嗎? 我明天請假也可以的
小倩: 那不可以,我不能夠讓你為了我不去上班的,要不然這樣,農曆11月初2是我19歲生日,那天是12月13號星期一來的,你會過來嗎?
我興奮得彈起身甘制: 好呀好呀!!!我一定過去的 ^^
我...想了一會: 我也是農曆11月初2生日的,好巧喔,我們是同月同日生的 ^^
小倩: 丫??真的假的??那我們那天可以一起過生日呀,你也可以叫你的朋友一起過來玩呀
可是我想...兩個人出去嘛....可是那時她說什麼我也得答應她了
我: 好呀,那我約朋友囉!!!
小倩: 嗯,那我給我深圳的電話給你,到時候你找我吧
我: 嗯,一定!!!(終於拿到她的電話啦,好爽!!)
我約了兩個男仔去...當中包括阿強,另一個叫小明(佢叫阿明...我D朋友都叫開佢做小明...唔係作出來的)我同阿強講左話唔好比小倩知你去,等佢驚喜下都好cc,而阿強亦話OK,唔知點解佢好似無咩心機甘既..我估佢可能同佢女朋友鬧交啦,所以無問佢
那天我地去左布吉NEWAY唱K,因為我淨係識得去果間,而且新開的,好乾淨(正經場所來的,無小姐既)
晚上6點,又係果間士多,我一見到小倩,佢好好笑容,粉紅色的長袖冷衫迷你百摺群布鞋...又係得一個字可以形容..索....
但小倩一見到阿強同小明既時候....我見到佢即刻無晒笑容....我望一望阿強,佢望左去第二邊食緊煙...跟住小倩好快甘變開心返又笑了!我覺得佢地好奇怪,果時我諗應該係阿強知道佢既職業,小倩怕佢講左比我知,所以佢嚇左一跳...其實唔講我都知啦,不過我當時真係一D都唔介意,覺得每個人都有過去,只要唔提,大家就咩事都無。
因我都有同小倩講過有兩個朋友會到,所以小倩就帶多左兩個女仔出來,一個叫晶晶,一個叫阿霞,(其實呢2個女仔都有嚇左一跳...但我都覺得係同一個問題,所以就無再去諗了!
之後我地就一齊去左搭中巴,果時佢地3個女仔坐埋一齊我地3個男仔坐埋一齊(其實我好想同小倩坐..)不過我地一行6人上左中巴之後大家都有講有笑,無之前甘彊了,我都安心左好多...15分鐘車程...話甘快就到,去左小肥羊食野,8點左右再直上唱K...
寫到呢到我開始累了...亦開始心好痛....之後既事我唔知點講好,訓左一覺先寫吧...其實睇左呢4篇,大家應該都覺得我好傻仔,只因我果時見識好少,亦覺得其實無咩野好多唔開心既事發生..可能會覺得無咩野睇...但下集就係結局了...沒齒難忘的生日,我到依家都仲好記得
唔怕講埋預告,我亦得到佢既肉體,但係...最傷心最傷痛的...就是那一夜過後的一個真相........
[ 本帖最後由 小風兒 於 2006-9-9 03:25 AM 編輯 ]
