第三集: 糾纏
上集講到我在東門茂業門口等小盈,等佢期間我諗小盈應該長的不錯、身高有165cm左右、皮膚白晰、樣貌娟好.冇幾耐小盈打電話黎話到左,並說自己著黃色背心,我立即上下左右前前後後慢慢scan一次,突然樓梯下一個黃衫少女向我揮手,嗌左聲:「你係咪阿簡呀?」
以下呢一幕,我一世人都會記得…..
我向樓梯下一望,一個帶太陽眼鏡、highlight金髮、著黃背心的少女,正笑笑口面向我.我先形容一下小盈的身裁樣貌:五呎二吋高、皮膚白晰但不光滑、身形算頗肥果隻,完全同我當初的期望大相徑庭.我果刻深深明白不聽師兄們的教誨的後果: 見面前不先視頻=尋死!我有熟讀 discuss寶典“QQ攻略”,對該文睇過數十次,可謂倒背如流,但忘記左寶典中最重要的要訣: 見QQ女前一定要視頻睇辦.當時我知道,中招了!
「我係阿簡…你好」俾你點左相啦,仲有得走咩?
「等左好耐啦?」小盈笑說.
「唔係.去食野先好嘛?」我雖然好失望,但仍強顏歡笑地說.
「好呀」小盈說.
我當時心諗,既然都花左幾十蚊黎深圳,冇理由一見即走掛,而且咁樣好衰仔好hurt人啫.算啦,好好醜醜食埋餐飯先算啦.
小盈帶左我去近西華宮果間西部牛扒城食野.西部牛扒城和東門茂業百貨門口,對於我有特別的意義,因為我在這兩個地方有很多回憶,發生過好多事,不過唔係同小盈,而係同現在的女友.
我同QQ妹初次見面,第一站一定係搵餐廳食野.小盈係咁、小雪係咁、我現任女友係咁,其他QQ妹全部都係咁.我覺得先坐得食野,第一可以舒緩一下彼此緊張的情緒,第二在餐廳中面對面望能清楚對方的樣子,而且在交談中既可彼此了解多些,亦能大概知道她對自己究竟有好感定反感,以決定下一步點走.
在餐廳內的過程冇乜特別,都係例牌果幾句,不過從小盈對我說話的回應中,我覺得佢起碼對我唔反感先.小弟自知其貌不揚,不過小盈對我唔反感我一啲都唔出奇,當時我對於小盈對我的反應,老實講,失望多過開心.
跟住我地去左隔離的康X足浴店洗腳.在洗腳期間,我借故挨下小盈身體,佢冇抗拒縮開,果時我知道,只要我落多d藥,要帶佢上房係唔難嘅.
足浴完落樓後,小盈笑說:「宜家去邊度玩呀?」
我呢個時候正盤算緊究竟返香港定繼續落小盈藥呢?如果返去,今日冒死偷走出黎加埋d車錢咪蝕晒?唔返去帶小盈上房,但小盈真係not my cup of tea噃.猶豫左一陣,都係繼續落去啦,正所謂 “有食唔食,罪大惡極” 嘛.我知道呢句係借口黎啫,自己咸濕就咸濕啦.
「不如我地搵間酒店先啦,天氣咁熱」我說.
「我和你?」小盈有點愕然.
「唔好咩?你唔係怕曬咩?」我說.
「咁太快啦掛?唔係咁方便嘅,你今晚不回去了嗎?」小盈有點靦腆,我知道她不想跟我上房.
我當時有d惱怒,加上又心急,竟說: 「我今晚唔想返架,咁辛苦過到黎.不過你想我返我咪返囉」
「唔係呀…..」小盈拉一拉我的衫尾.估唔到我呢一招以退為進,可以成功帶到佢上房.
「不過你唔可以搞我架喎」小盈有點擔心的說.
「好…..」我說.我心諗,你真係天真啦,上到房你認為會冇事發生咩?
下集預告: 猶豫
[ 本帖最後由 簡東拿 於 2006-5-26 11:15 PM 編輯 ]
