扮西晒野

引用:

原帖由 zero1981 於 2006-9-23 12:07 AM 發表


西野兄..我記得你今年是25歲...與我同年...
我13歲看足球的時候...什麼是賭博都未知....我只是記得當年巴治奧..在94世界盃決賽射12碼的一飛衝天....
之後到我17..8歲時看的法國 vs巴西...那一次巴西輸0:3.. ...

係現今呢個職業足球咁發達既世界，相信真真正正既足球已經唔多，因為好多都係職業化，始終都有人為因素，所以賭波同賭馬其實已經冇乜分別！:005:

扮西晒野

引用:

原帖由 lawrence725 於 2006-9-23 12:07 AM 發表
西野兄還記得小弟嗎@@?
曾跟你在msn傾左幾句....
明天要返工...不能看到巴打的心水了.....
呢期lose好多....又跟唔到巴打推介既心水.....有冇係初盤睇到邊隊較可靠@@????

記得，暫時都有睇好幾隊，不過未深入研究，要等進一步睇多D資料先會覺得邊場波比較好！:005:

扮西晒野

引用:

原帖由 wayne_800i 於 2006-9-23 12:17 AM 發表
扮西晒野 兄
多謝你今晚提供心水
我買了＄５００弗賴堡
不管輸贏我仍然支持你
因為你的分析很好

多謝巴打能夠接受小弟犯的錯還支持我，小弟真係好安慰！:005:

扮西晒野

引用:

原帖由 ededlulu 於 2006-9-23 12:25 AM 發表
西野兄~~想問下你跟開咁多條線~
有邊條線你係覺得最好賭而你又係最有信心架呢? :014:

多謝你的分析&研究;)

小弟覺得最容易搵錢應該係西甲，因為初初入行師傅教睇盤都係主要睇西甲，睇左足足3個月，所以西甲係幾有信心，同埋西甲一向倍率好，最好賭就應該係英超和法甲，好多時候睇盤就會咁覺到邊隊機會贏高D，雖然小弟睇西甲盤好好，但係西甲因為變數多，所以比起英超，法甲就冇咁容易賭！:005:

扮西晒野

引用:

原帖由 254663 於 2006-9-23 12:31 AM 發表


專登打成2:2..踢意大利出局<:::: 依個我都好深該...真係假9得........

假波係存在，所以見怪不怪！:005:

扮西晒野

引用:

原帖由 1234567wing 於 2006-9-23 12:45 AM 發表
我想問做你們這一行,要有什麼條件加入的?

加入條件好難定律，因為每間公司都有唔同基制，最基本就係要對足球有認識，知道乜野叫賭波，例如盤路係乜野，知道乜野叫水位，計數要快，要有頭腦，對數字敏感等等，以上所講當然有D可以後天補救，所以好多時候請人果陣，睇岩有幾個得既都會接受訓練，睇下佢有冇咁既材料先決定請唔請，因為做呢行工作睇落好似好容易，其實都幾複雜，如果冇返咁上下真係幾難係呢行立足！:005:

扮西晒野

引用:

原帖由 火之浩二 於 2006-9-23 12:53 AM 發表
西兄!我近期睇你o既分析&推介 .... 一個字 勁 ! ( 事後先睇到你o既post中6埸 ; 但已經開晒波  買唔到 ...  實在令我太心傷 )
如果我早3年前遇到你o既post ~~~ 我就適可而止 ; 唔駛輸到 ...仆 x 啦:010:
3 ...

適可而止係賭錢最大既重點，因為唔識收放自如，好多時候就係輸錢既開始，懂得忍手亦都係一個學問，所以巴打要認真學下，至於巴打說要跟小弟學野，小弟都仍在學習中，所以有咩唔明都可以問小弟，能解答的小弟盡量幫巴打！:005:

扮西晒野

引用:

原帖由 tch742 於 2006-9-23 12:53 AM 發表
西野兄真係厲害,貼士又準,記性又好,明天靠晒您啦~~

小弟不是提供必中的貼士，只是個人意見心水推介，只可以比巴打落注前有個參考，巴打說要靠小弟就唔好，小弟都會有出錯的一天，參考完覺得岩就跟下都沒問題！:005:

扮西晒野

引用:

原帖由 黃家公子 於 2006-9-23 01:12 AM 發表
西兄~~不如妳每次有心水分析的話都開新post ar~咁會easy d 找~可以嗎??唔該晒~:007:

之前都有幾個巴打講過呢個問題，而家係試驗緊係標題到提醒巴打係第幾頁，如果都仲係唔方便，小弟就真係會發新帖！:005:

扮西晒野

引用:

原帖由 Oo天oO 於 2006-9-23 02:27 AM 發表
利物浦  對 熱刺
漢堡 對 雲達不來梅
史特加 對 法蘭克福
米杜士堡 對 布力般流浪
列斯聯 對 伯明翰
盧頓 對 西布朗

呢幾場可唔可以指教下=__=!!

巴打想小弟比下意見，有4場波小弟冇跟開，不過都可以簡單講下另外2場，利物浦 對 熱刺，呢場其實唔難睇，主隊最近有回勇現象，相反客隊已經不是上年的熱刺，今次再來作客，要贏應該比較難D，呢場初盤睇落都冇乜野，幾合理，所以應該一場幾正路既球賽，至於米杜士堡 對 布力般流浪呢場比較複雜，因為小弟睇返初盤果陣都幾唔合理，因為主隊明顯有好重既飛，相反客隊係過份冷落，所以小弟暫時只能說呢場唔係咁簡單，要慢慢深入研究先得！:005: