對上講到佢終於出聲講"你塊面紅左喎.... 我鐘意你呀"(POST#410)
對於一路當佢係小朋友, 但又有少少瞹眛既我地, 突然聽到佢講呢句, 我真係唔識得比反應, 只係仍然維持住雙手放係中間, 想隔開小小大家既距離。佢見我無反應, 雙手愈收愈窄, 由放係牆上面做支撐點, 慢慢移近我, 但我完全留意唔到, 直至佢雙手放左係我腰度, 我先意識到大家既距離愈黎愈近, 什至乎舉起既雙手已經完全失效, 因為而家既我係完全緊靠後牆, 而佢整個人既重量幾乎已經壓左落我度, 我同佢已經心口貼心口... 只係中間多左我對手:smile_o05:
呢個姿態令到我更加唔知可以點, 心跳得愈黎愈快, 自己都feel 到喉嚨有d 乾, 好似出唔到聲咁:smile_27:
由於佢高我5-10cm 左右, 貼到咁近已經可以鍚落黎, 所以我唯有將個頭擰向另一邊, 以為咁樣會無事, 可惜我太天真, 小朋友真係唔可以睇小...:smile_13:
佢竟然貼近我耳仔細細聲問我點, 由佢呼出黎既熱氣, 整到我整個人酥酥麻麻, 痕痕的, 再加上佢壓低左既聲音有d 沙啞, 我已經完全小鹿亂撞
可能有人好奇話點解咁易, 我應該都唔細丫, 點解好似做戲咁
我諗係因為... 佢之前我只係拍過一次拖, 個時同對方都係初戀, 咩都唔識, 一齊左3 年都只係拖下手仔, 攬下錫下, 就算做既時候.. 都係只好正宗既男上女下.. 其實個時未體會過咩係高潮.. 什至乎同對方調情同前戲等等... :smile_13: 所以當時A 君既行為我真係招架唔到:smile_42:
佢見我無反應, 索性伸個頭埋黎想錫我, 我擰去第2 邊, 佢又轉過黎, 我再擰去第2 邊, 佢又跟住轉過黎... 變左好似小朋友玩遊戲咁, 氣氛即刻輕鬆返少少:smile_o13:
佢見我終於肯同佢面對面, 佢就將我地既距離拉到最少, 望住我問"你唔鐘意我咩?"
見到佢呢個樣, 雖然無諗過同佢一齊, 亦都無諗過會發展成咁, 但係同佢一齊時係開心既, 我輕輕合合咀, 濕濕咀唇, 仍然有少少沙啞咁講"唔....係........", 而佢係我仲拖長個"係" 字尾音講既時候, 就錫左埋黎:smile_o09:就係咁, 一齊左:smile_o05:
由於我同佢都係港島區返工, 但我住新界, 佢住港島, 有一晚放工睇完戲已經好夜, 其實都唔想山長水遠坐車返屋企, 之後幾個鐘又要起身返工 :smile_o03: 或者佢都有諗緊其他野...:smile_o05:因為我諗緊既時候佢就話都咁夜, 可以去佢度訓:smile_o10:, 我就當然話好啦:smile_o13:
(諗返起, 個時去人地度過夜好簡單, 因為個時唔會化妝, 簡簡單單有條毛巾牙擦就可以:smile_o06:但係而家... 又係落妝又要化返妝...:smile_o02
雖然話好, 但去到佢門口前先開始緊張, 打開門入去, 仲要一個人都無:smile_o04:
原來因為佢父母都係通宵返工既, 而另外佢只有一個好細個幾歲大既妹妹, 返工時間會由鄰居幫手照顧。咁經驗尚少既我怕怕羞羞咁周圍行行企企:smile_o05:佢就去左開著部電腦, 跟住叫我過去坐, 我望過去, 電腦前面得一張電腦椅, 附近又無其他櫈仔, 佢應該估到我諗咩, 就笑住拍下佢大脾, 同我講"坐呢度咪得囉":smile_40:
我第一次咁樣坐人大脾, 其實個心一路淨係識諗我會唔會好重
坐低左又唔敢郁, 驚整到佢:smile_27:成個人完全石化左:smile_39:
我諗佢應該feel 到
就環抱我條腰, 攬向佢, 而佢就變左我椅背
當時既我除左返工之外, 好少用電腦, 望住佢click 黎click 去就問佢話平時會做咩, 有咩玩咁, 佢答我話都係check email, 打下機同去d 討論區度睇下有咩睇, 無去過討論區既我好奇問佢討論區有咩野睇, 佢就笑笑口話好多野睇, 要睇下我想睇咩野, 當時既我當然"下" 左啦:smile_14: 不過見佢開緊IE, 就無出聲, 睇下佢開咩野, 而結果, 就係佢帶我第一次黎HK dicuss......:smile_o06:
