引用:
原帖由 任天糖 於 2009-7-29 01:04 PM 發表 
29/7
熱刺 2.15:098:
上兩場熱身賽分別只錄得1和1負, 但實質比賽水準同表現都唔差, 今次面對較弱既韋斯咸而經過上兩仗洗底之後, 竟可換黎2.15賠可觀分頭, 今次唔上車下場邊得黎2賠 :096:
AC米蘭+1 1.8:023:
A ...
樓主今晚兩場心水我都打對台.
熱刺上場比些路迪打破五年友賽不敗紀錄,
隊中多名氣球員, 但上場踢落中場無組織, 前後場無連接,
戴倫賓特多浪射, 柏夫真高已經掛牌出售, 將由新加盟高治取代.
反而羅比堅尼同迪科爾交到貨, 但中場幾個就好唔掂.
連膿踢法比人睇通條路, 封邊線落底就可以廢佢武功.
領隊又唔鍾意最有前途嘅賓特利, 場場坐冷板, 仲傳佢會回歸布力般.
呢啲都仲未算, 致命傷係後防主將京治受傷, 成條防線得占邦達一個頂住,
上場已經包左好多次位, 但一人之力始終頂唔住,
暑期熱刺買左兩件錫菲聯後衛, 暫時就未有貨交到.
今場面對由蘇拿帶領嘅韋斯咸, 人腳上無大變, 只係走左西班牙老將查斯坦,
但由國米借左智利中場占美利斯, 增加中場創造力.
今晚場波平手盤, 我就會揀韋斯咸.
熱刺實在太不濟, 英超開鑼頭幾場捧佢對家都無錯.
另一場拜仁對AC, 呢場最好捧大波.
AC今季賣左卡卡, 碧咸又回歸銀河, 影響已經好大,
不過都唔夠換領隊咁大鑊, 新任領隊李安納度踢波就掂, 教波就無料到.
呢位巴西名將以前踢AC, 退休後幫AC做球探, 卡卡柏圖都係佢搵,
上年轉做AC行政層, 而家臨時拉伕做領隊, 情況同紐卡素舒利亞一樣.
成隊波唔習慣無左卡卡, 仲要成隊平均年齡差唔多三張, 正牌老人兵團.
拜仁雖然走左盧斯奧同普波斯基, 但係加左五件好野, 俄羅斯中場舒查克, 克羅地亞中場奧歷同德國射手高美斯都有級數, 今年佢地鋒力強勁, 長期捧大搵到食.
