等待驗證會員
|
791#
大 中
小
簡
繁
發表於 2010-1-28 只看該作者
我今日第20日喇~
由做手術個日day 0計起,估唔到咁就三個星期,
而家我傷口已經埋哂口,除左底部傷口曾經意外甩焦外
重有少少流血,基本上跑都可以,
皮膚都重係未完全回復彈性,不過至少無爆過線,
我真係比較唔到傳統好唔到得過激光(或相反)
但係至少我唔覺得兩者康復時間有相差,
都係要大概一個月.....
而且都一樣要休養....
期間細微既野,就真係對比唔到,
我講下自己少少經驗參考下啦
我係做激光既,
首先,術後其實無太痛既時候,
止痛藥實在食左都怕浪費.
當然,龜頭敏感真係要忍喇
第二,護理傷口唔算困難,
但係使用既野就有d 講究,
我認真到搵左我曾經做過護士既家姐問,
發覺生理鹽水個類都ok,
不過無咩藥性,
所以我家姐俾左一隻藥水名叫unisept
呢隻野唔算難買,藥房應該有,
萬寧、屈臣氏幾大幾會有,
用呢隻洗傷口,確實比用鹽水洗快好左
第三,我一直搵緊滴水不沾沖涼既方法,
但試過好多方法,都係唔得,
可能我太白痴既關係....
無論如何,
我認為開頭一星期都係抺身好,
之後可以搵一個有用既方法包好傷口沖,
至少唔好濕太太勁.....
我無絕對唔濕既方法,呢方面要參詳其他人既資料喇
我試過最唔濕既方法,係用一隻叫opsite 既膠布.....
第四,禁慾戒口係絕對必須既,
禁慾方面,請善用般若波羅密多心經
http://students.washington.edu/ccgau/document/buddha/canon.html
講笑,其實最主要係唔好亂諗野,
諗太多野對傷口愈合無好處....
另外一方面既慾係外出既慾望...
雖然行下未必唔好,但郁太多真係容易出血個類...
如果真係要走動,咁都真係要盡量小心
戒口方面,真係
鴨鵝牛熱氣油膩等等等等既野都唔好食...
換句話講,清淡.
第五,都係最後一點,
就係唔好擔心,保持開心....
我曾經都唔開心,但係咁樣係唔會幫到任何野
有事既可以同人講下,
但係心境唔開朗,真係會影響到埋口既情況,
只要小心護理,
就一定會好番,
試諗下,只係包皮手術,
點會太大件事呢?
祝各位做左手術既早日康復,
未做/唔需要做既身體健康!
|