有次同朋友晌香格里拉過D, 一路行一路傾, 突然見一13/14歲細路跟著個friend後面有所行動 (我地都係咩背囊), 細路即時眼定定扮若無其事, 過幾秒就行去馬路邊扮等車。本來亦有衝動想埋去抽佢 (見他只係5呎左右, 100磅), 突然又有條粉腸在我身邊行過, 還勁啤我一眼便走過, 我再望望附近, 亦見有兩三人在左右望望下, 敵友難分。為自身安全,便急步離開。
另有一次, 亦在相同位置,下大雨,在等雨停, 突聽到附近有港人大叫,同一個新疆仔爭執,一手推開個新疆仔。初時還唔知乜事,只見個新疆仔重惡過鬼,衝埋個港人度先郁手,港人亦有同伴三四人,大叫搶野,跟住用遮狂打條發哂癲既新疆扒手,然後又見扒手亦有一二同伴幫手,變成四五人圍摳,後來有保安仔及港人加入,扒手同伴便即時失踪,留下新疆仔被數人按在地上。不久咁Q有公安車經過,鬧左新疆仔幾句,便帶他走了。
睇來除非人多,若要抽D扒仔,便要第一時間郁手,第一時間即走。:smile_43: