繼續update，上次一講到長洲大家就overreact啦,曳曳豬啊你地，我又點會同個識咗幾日嘅男仔亂咁搞呢？不過長洲之旅的確係令我地close咗嘅原因。
傾咗幾晚就自以為好了解佢好安全嘅我好安心咁比佢帶咗去長洲，喺船上講咗好多我以前嘅事，包括比一個ex打仲差d比佢搞嘅經歷，又包括比人跟比人摸嘅往事。大概係咁，佢開始知道我其實對男性印象好差，對性更加係十分害怕。雖然佢無話咩，但係我見到佢其實想幫我離開陰影，令我開心翻。講講吓，㗎船就停低咗而我地亦到達目的地。
我其實只係去過兩次long j，今次係第三次。行喺大街有好多野食，需知道我係唔食街邊野同我係勁潔癖嘅，所以一開始都有d抗拒。不過佢隊到埋嚟又唔好意思唔要咁最後就佢一啖我一啖食晒。呢個時候佢喺背囊攞咗包消毒紙巾出嚟幫我抹手，佢同我講"知你怕污糟㗎啦傻妹，而家有我唔洗驚啦"嗰吓真係窩心咗，就係咁佢就一直無放心，借d依拖住咗我。
一路行到上山，我地坐咗喺觀境台望住個海天南地北咩都傾，我亦仿佛已經放低咗對佢嘅介心比佢越坐越埋，玩玩下就比佢攬住咗條腰。嗰吓其實我都有d驚，所以輕輕推開咗佢，比佢撘住膊頭就算。可能佢都知快得濟所以小咗身體接觸，之後地食咗d野我地就手拖手上翻船lu。佢隻手雖然喺我膊頭，不過都有日掃到d唔應該掂嘅地方，其實係咪個個男仔都一定要嘅呢...？真係唔明
就係咁佢攬住我撘翻船出去，我亦喺佢手臂中瞓得好腍，失眠失咗幾個月，終於放鬆到。
翻到屋企後，我發現我已經停唔到，一路諗住佢。唔係話咩不過始終都會同之前嗰個有小小比較，諗諗吓又喊住喺樓梯瞓著咗
