七不思議食女事件 Vol. 21
上回講到，我送牧子上Raymond阿爺屋企，等佢有地方暫住。
一坐低，牧子又將耳鬢既頭髮圈去耳背，開一枝係七仔買既酒，再一次記述佢既身世。
牧子既身世，有一忽我聽過，有一忽我未聽過。佢老豆爛賭，爭人周身債，所以，中學年代佢已經出黎M記兼職，之後年紀漸長，Sales、酒樓知客、Neway侍應同雪糕妹，咩都做過。牧子生得好靚，講野既時候，大眼睛好似寶石閃閃亮亮，論五官外貌身材，佢甚麼都不缺，唯一或缺既，只係佢唔識投胎，遇著個仆街老豆，令佢既身世充滿悲劇味道。由於出賣勞力既工，搵既錢實在太少，為左生活，佢不得不出賣青春。
好老土既故事。我唔知究竟佢係博我可憐佢定係點，定係天下所有雞都會咁樣同d客講，我望住佢長長既眼睫毛，唯有佢講咩，我就信咩。
「咁你有無男朋友？」
「曾經有過。」
「點解分手既？」
「你有無聽過『明知故犯』？入面有答案。」
「嗯，我有，但係而家呢？」
「我做呢一行，配有男朋友咩？我唔想人地睇我唔起。」
「出黎做野，俾老闆屌完，仲要笑笑口逆來順受，大家都係俾人屌，性質一樣，只係程度唔同姐。潮流怒漢議員話所有女人都係雞，我就話所有人都係雞，無分別。D人問，究竟有蛋先定係有雞先，我建議佢地應該睇舊約聖經《創世紀》，上帝係整左人先，之後人為左生活，自願變左雞。所以我話呢，係有雞先既。」
牧子嫣然一笑，我識佢咁耐，第一次見佢笑得咁開心。
「係呢，你都鐘意睇白先勇？我最鐘意《芝加哥之死》。」牧子問我。
跟住，牧子就挨左落我膊頭，用佢既適中既雙峰壓住我上臂，係我耳邊喃喃咁講：「陳納邦，香港人，二十三歲，文學士，二零一四年六月一日香港大學畢業...」
我鍚一鍚佢額頭，笑住咁講左句：「屌，講呢D！」
驟然間，牧子向後微微一縮，似乎被我輕浮既舉動所驚。但係，佢好快又回歸平靜，口含一啖酒，一野轟左落黎。
佢轟我既時候，我感覺到啤酒逐毫升逐毫升咁傳上落我喉嚨，同時都回想起，我同佢當日入左酒店房，佢第一句冷冰冰同我講過既說話。
「鍚，係留番俾男朋友既。」
「鍚，係留番俾男朋友既。」
「鍚，係留番俾男朋友既。」
………..
眼前呢個女仔，已經為我傾心。我心裡浮起一絲既狂喜，然後好自然咁，一入伙，就係Raymond死鬼阿爺張安樂椅到，搖下搖下，UN下UN下，同牧子扑左一次野。可能係訓練有素既關係，牧子既騎乘功夫非常到家，控制節奏，一上一落，都徐疾有致；如果佢投胎係意大利，同埋係男兒身既話，一定係指揮若定既中場大師派路。
今次同佢搞野，我先知道咩係女朋友FEEL。佢無公式化咁鳩叫同催我快D射，反而佢控球在腳，時而長傳、時而短傳，都搞到通通透透；我俾佢禁住黎砌，只好擺出摩連奴鐵筒陣，抵抗佢雷雨般既急攻。最後，我始終都忍唔住，戴套又中出左佢一次。
扑完野之後，佢坐係我大脾嬌聲喘喘，之後再鍚左我塊面一啖，無即刻走去沖涼，我就知道，今次扑牧子既，係Marvin，係陳納邦，唔係俾得起千六蚊既麥可。
砌完牧子之後，我諗住係牛仔褲袋摷番隻錶黎帶既時候，牧子忽然間大聲鬧我：「喂，陳納邦，你當我係咩？」
我拎隻錶出黎，笑住咁將佢戴係手：「女朋友囉，你唔係以為我拎千六蚊出黎呀嘛？我無錢，你知架。」
「妖，你好鬼衰架。」牧子將佢個頭貼住我兩舊胸肌，好似得到左全世界咁。
讀者朋友曾經PM我，問我有咩溝女秘技，我諗起我溝牧子既過程，可能我對牧子真心地好，所以佢呢隻係風雨中飄浮既小木筏，見到避風港，自自然然埋岸。當然，樣係好重要，樣子一般，只能做好人，係好難做到情人。
就係咁，我好似清朝D皇帝一樣，係熱河設左避暑山莊，得閒就上去牧子到過夜同埋拍拍拍。牧子越俾我砌得多，就越馴服於我，由初相識時既有事鍾無豔，變左隨傳隨到既女友。
究竟牧子有無繼續接客，我唔理得咁多，畢竟我喜歡既，係個感覺，而呢樣野，同佢既職業係無關。如果我因為佢係一個私鐘妹而睇佢唔起，我覺得我自己同膚淺港女一樣覺得醫生、律師同飛機師就濕鳩晒，完全無分別。身為一個浪子，係呢一方面，我的確係十分超脫。再者，我受港大西化教育，我知道尼采甚至認為，每個女人心中都係一個妓女；有骨氣既牧子，餐餐都同我AA制，我有時覺得，哥D視洗男人錢為理所當然既女人，比起牧子，更加似係妓女。
有一日，我手機狂震，原來係「HKU Wolfpack」呢個Group又震，就係呢一個冷震，種下左牧子既不幸，種下左萬惡既禍根….
(未完待續)
