其實冇咩好爭扎，我一早決定要透過呢次旅行解決我同啊J十年之癢。
我好清楚我地彼此o既條件都適合對方，更重要o既係，我確定左佢可以進入我o既生命入面，只差我要佢都有呢種確定。佢去開旅行，所有野都幾乎係佢plan，由於早機，天都未光，我就揸車去佢屋企接佢入機場，再係機場食個靚早餐。其實我一直想借呢次旅行搵機會表白，點知係候機室，啊J先開口…
啊J：你知唔知點解我叫你同我去旅行？
我：因為你愛我囉
啊J：我未試過同一個男仔去旅行
我：咁你以前D ex呢？
啊J：未o家，之前去旅行，一係就成班女仔，一係就同家人
我：咁點解揀中要我呢？
沉默左幾秒……
啊J：點解你大學時候唔追我？
我：……我好花心，我好驚會傷害到你
啊J：咁宜家呢？
我：我都仲係好花心，我都好驚會傷害到你。其實……見返你之後，改變左我既生活，之前出國既時候，我真係忘記左你，見返你，我覺得大學D感覺返返o黎。知到你俾你個ex傷害過，我好想保護你。上2個禮拜你係我屋企過夜之後有一晚我同另一個sp做，但做完後，我只係想起你，我知道我真係愛你。其實有D後悔當年讀大學冇追你，但又會覺得如果當年追到你，今日我地就未必一齊去旅行。
再沉默半分鐘……
啊J：見返你個晚之後，我諗左好耐。以前讀大學，我唔開心因為你鍾意啊珊(啊珊已經係前傳出現左，請睇返)，我一直唔敢確定你仲有冇鍾意啊珊，我好驚……所以一直淨係同你做SP，其實我好enjoy同你一齊，就算搞完野之後，你總是攬住我，我就覺得好幸福……其實我好開心見返你，知道你冇女友，我仲開心，好想搵返以前個種幸福。
候機室已經排哂隊準備登機，啊J有少少眼濕濕……我起身，拖住啊J隻手，去排隊，企係隊伍中間，將啊J一抱入懷，係佢耳仔講：「乖，做我o既女人，十年前，我唔確定我愛你，十年後，我確定」啊J笑了……我繼續講：「我知你注定要係我生命入面」
坐低係飛機，我十指緊扣啊J，繼續訴說心事
我：我冇估到今日會同你一齊
啊J：我夠係咯…
我：啊J，以前我諗我同你享受性多過愛。唔知點解，見返你之後，我覺得我地應該要係埋一齊。
啊J：你知唔知我鍾意左你10年喇？
我look大隻眼，咀角微笑
啊J：個時ocamp已經鍾意你，但唔識點同你講(原來一直以來啊J收藏左一張ocamp時我同佢影o既相，宜家對我地o黎講都好珍貴)
我：所以個晚就搵碗糖水色誘我？(唔知講咩o既請睇返第1輯第1個post)
啊J：痴線啦。我知你對我有意思o家，個時你成日都眼瞇瞇咁望我……
我：有意思搞你…
啊J：之後又知你鍾意啊珊，咪算囉……冇住hall之後，其實我都想放棄，但係你又成日搵我搞野，拖下拖下，你又出左國。我係facebook先知你去左台灣，我完全冇諗過會見返你。所以我真係好開心，我唔知應該由我主動，定係等你講。無論如何，我好想返返以前year 1好似一齊生活咁樣。
我好明白啊J所講「year1好似一齊生活咁樣」係指咩，當時每晚都可以係煮飯仔、睇無線劇、食下糖水咁o既生活下渡過，完全似係一齊生活，雖然呢d活動都有成層floor-mate一齊，但我同啊J o既特殊關係，感覺總有D唔同。
我唔知我係延續10年前對啊J似愛非愛o既情，定當作係新o既感情去面對，10年了，我承認10前我真係對啊J係性多於愛，純粹因為佢真係好靚。咁多年o既SP關係，我對佢係越來越多愛。不過，經過我出國，一切又好似完結哂咁。重遇之後o既感覺真係好奇妙，好曖昧。我之前講過，我呢30年人生，係標準o既「金榜題名」，讀完博士，順順利利係大學有書教，我真係覺得自己好幸運，當然讀書工作上o既幸運，係自己夠努力，今日同啊J一切，美夢成真，就真係夠好彩！
我就係咁拖住啊J隻手，飛往屬於我地o既天空……
後記：呢輯唔講係泰國o既性事啦，都係咁啦，不過必須承認，感覺上好唔同以前，宜家o既感覺係好愛，好愛，全程大家都係笑哂咁做，唔係以前為左性欲或者咸濕。
送俾大家：我同啊
J共同擁有
o既夕陽
