巴打想小弟分析下今晚馬會受注3場德乙，小弟係未分析之前，先講下，今晚真係不宜投注的一晚，盡可能真係小注玩下就算！因為今晚真係好亂局，詳細情況慢慢看吧！
布倫斯維克 對 卡斯魯厄
呢場波一開盤就已經有古怪，可以話係一個鬼盤，因為睇左好多間公司都係同一時間地睇好主隊有機會贏，所以初盤既時候就好明顯地比較熱，睇返2隊最近賽績，主隊真係差得很，反而客隊連贏4場，係度想講除左主隊偏熱外，其實相對地客對係偏冷，因為呢隊波係冇分主客場，巴打要記住，呢點好重要，所以一開飛個盤係比較冷，唔係因為佢作客，一隊近期咁好成績仲要係德乙頭幾名，又冇分主客場點解都要開到咁冷，除左係鬼盤外，小弟都睇到一樣野，就係場波係中午時間明顯地主隊有大量支持，雖然最後客隊飛都落好多，但係呢D係我地行家叫做搵食盤，先開一個錯，等收夠貨之後再慢慢轉回正常，睇返客隊有一段時間大量落飛，其實唔代表主隊回飛，因為同時間主隊都係大量落飛，由此可以睇得出一樣野，就係好多人覺得呢場波唔係主就客贏，所以要係一場咁怪既球場應該不賭為妙，避得就避，但要如果要選擇一隊來投注，小弟真係建議小注怡情，因為小弟將所有資料，盤路，外國消息，整理過一次非必要下注既時候，小弟真係建議小小地買主勝搏下，因為值搏率比起和客，甚至乎亞洲盤更扺買，但忍到手就最好啦！
費雷堡 對 格雷特霍夫
呢場波係德乙3場最正常一場，因為呢場好簡單，到而家呢一刻為止，暫時未見有大户係呢度搵食，睇返2隊，真係海軍水兵，從投注角度黎講，呢D可以話係唔駛理因為主客和都有機會開出，但係今晚小弟睇到一樣野，就係主隊明顯地比客隊好，第一當然係主場威力，加上近績，第二點就係作客果隊波，除非搵食果陣特別醒神，呢隊可以話係客家雞，例牌打低半班波，佢呢隊波就真係打一個主場，所以小弟睇返好多野覺得呢場冇大户係呢場郁手，又睇返咁多數據，主勝有1.85係好值搏，小弟仲嫌佢偏冷，因為正常呢隊波倍率應該介乎1.7-1.8既然仲有水位，點解唔投注呢?當然贏唔贏係後話，但係值搏率已經係返度！
凱沙羅頓 對 科布倫斯
呢場波，唔駛分析咁多，只可以講賭小一場輸小一場，呢場大家可以飛得，睇落好多巴打以為好正常，從盤路睇又好似冇乜野，但係小弟可以話你知，呢場波已經有大量大户睇準黎搵食，細心睇返，呢場波初盤既時候水位已經麻麻地，都冇乜，明顯地大家認為最正路賽果，但係當個水位熱得黎仲要落飛又代表乜?其實呢D係大户一種手法，佢係咁入貨搞到個倍率好亂局，因而影響到其他盤既水位，其實咁樣好危險，由中午時間，主隊明顯地再落飛，已經熱，再熱上加熱，突然之間，會睇得出，主隊回飛回得好急，其實小弟講過得2個可能性，一係大户，一係散户，呢場波好明顯就係大户引至，小弟睇返外國盤口，再睇埋消息，好多人睇實呢場波出擊，所以真係好亂，因為幾條線大户係度搵食，唔到最後都未知邊D係真料，小弟就真係係度建議巴打唔好玩呢場喇，留返D錢明天再來過啦！
睇到呢度我諗巴打們應該係落注前都有個參考，小弟只可以講多幾句，今晚真係立立亂，玩唔係唔好玩，小注玩下就算，加上今日五，好快又到星期六，大把波慢慢揀，細細地玩完休息完，明天先黎個真真正正戰鬥都唔錯！祝大家好運！:005:
[ 本帖最後由 扮西晒野 於 2006-9-22 10:36 PM 編輯 ]
