好內都無上來。。。
台灣既野，我遲啲再post啦～
經過左今次，完左老公一個願望，
老公好似都真係幾滿足。亦都無再提起會吾會有下次之類。。
星期日，去左游車河，中間做左2轉順風車。。。
可能見我係女司機，多數上車既都係女仔多。
第一轉佢地都無話特別要去邊度，
甘問佢地係荃灣落車有無問題，佢地無，
甘就荃灣落完我再游多一轉車河
第二轉，有一對情侶？應該係，坐我尾排，
中排坐左3個女仔。。
甘大家三吾識七，只係做個順水人情做下司機，
大家deadair都好正常。
我副駕位，我無比人坐。。
過橋個陣，突然間個男仔話不如佢比橋錢當車錢，
我話吾使，
之後有個女仔話甘夾返油錢比你呀～
我仲笑左出來，話我部車食電吾使入油嫁。
大家先有返少少笑容氣氛。。
最後我見都好夜。
我話你地講去邊我就車你地去邊啦。
驚我係鬼既吾報屋企，話係邊區落都得，我無所謂。
最尾3個女仔都係元朗，一對情侶就係沙田落左車。。
然後我就返屋企嚕。。。
返到屋企，我係度諗。。
我其實無咩點參與，只係少少事，我可以幫到既做既，
我都想幫，
而家既香港，同安定繁榮4個字完全扯不上。。
我係台灣，我仲同kate講，
好彩你過左來台灣。
我吾表明立場，我亦都吾係中立。。
我只係覺得對事不對人。。
咩野事情都有吾岩個一邊。。
我都係想事情可以有個解決，
香港可以變得更好。
