知輸俠

首先, 我想講 :

我冇上黎留言, 唔係嬲, (雖然真係有少少忙) 亦冇資格嬲 ... :smile_45:

幾年前, 我o係香討勸 d netfd 時, 就俾人話我呢 d 冇見過面o既 net fd, 冇資格嘈, 冇資格批評佢同 d real fd o既關係 ....
自此之後, 我就好明白我只係一個虛擬, 冇軀殼, o係網絡內飄浮o既電波, 同網友 chat 得幾咁入心, 說到尾都只係一埋冇實體o既文字/思想 ~ :smile_39:

* * * *

初頭, 我唔開心, 唔o係呢度留言, 唔係因為嬲與唔嬲, 而係失望 ...
點解一 d 其實咁簡單易明o既事情攪到咁複雜, 攪到諗黎諗去都解釋唔到 ?
所以就覺得好無奈, 都唔知仲可以講 d 咩好 ~
因為覺得成件事已經清楚晒啦 ~ 都冇咩好講掛 ...

後尾, 睇見 hate 妹妳好灑脫咁又重新上路, 用新o既資料黎再分析, 再理性地提出妳o既睇法 ... 我又何必咁感性呢 ?
(hate 妹妳真係一個好正o既網上討論對手 :smile_o12:  .... 不過呢 ...:smile_13: )

* * * *

好勒, 當我諗住再留言時 ..... 死勒 ~ 究竟我應該用咩身份, 咩立場, 咩態度黎留言好呢 ?

講真, 點解我會上黎討論區呢 ?
咪就係因為我老婆將我果 d 佢以前欣賞o既特質, 變成討厭我o既因素 ~
關係越來越唔好, 感情高速地走下坡 ...
況且, 佢又唔肯/唔想同我做, 每次都攪到我迫佢, 慘過叫雞咁 ...
再加上我懷疑佢有外遇, 而我就極之討厭佢有外遇, 就連佢俾人望到走光, 我都好介意 ...
(唔講咁多我同我老婆 d 野住勒 ... )

既然我帶住咁o既立場上黎, 唔通仲要我o係度教人背夫偷食咩 ??
雖然我都唔係 d 咩正人君子 (其實都好衰格下), 亦唔係網友所命名果種"道德撚" ...
但, 唔好意思 ... 我就係會諗起我老婆點樣俾第二個男人攪 lor ~ 我個心真係有 d 痛 @@:')

講到咁樣, 大家都知我往後會點樣o係呢個 post 度俾意見啦 ~ 咁我o既意見仲點會中肯呢 ? 仲有咩意義呢 ?
(暫且唔講步妹妳同妳老公o既關係先 ... 都唔知講唔講得出黎 ...:smile_44: )

* * * *

結果, 我左諗右諗, 都唔知o係度講咩好 ~
又明知我一講, 就要交待好多野, 解釋好多野 ...
但, 我偏偏又有個壞習慣, 就係懶, 明知我要用好多時間黎出呢個留言, 就會逃避 ...
就會諗清諗楚要打 d 咩, 有 d 咩遲 d 先打, 要知道自己有幾長時間先留言 ....
(講真, 我呢個留言一路諗一路打都攪咗成兩粒幾鐘 ... 仲要有好多野未講添呀 ~:smile_51: )  

* * * *

唉 ~ 其實我一陣仲要早起身 ... 估唔到又攪到咁早添呀 ... :smile_27:
都係等下次先再講埋落去勒 ~ bye !! :smile_42:
   

hatemyselftoluv

引用:

原帖由 知輸俠 於 2011-3-12 04:35 AM 發表
首先, 我想講 :

我冇上黎留言, 唔係嬲, (雖然真係有少少忙) 亦冇資格嬲 ... :smile_45:

幾年前, 我o係香討勸 d netfd 時, 就俾人話我呢 d 冇見過面o既 net fd, 冇資格嘈, 冇資格批評佢同 d real fd o既關係 ...

俠兄你終於番黎喇!?
真係"等你等到我心痛"!
"後尾, 睇見 hate 妹妳好灑脫咁又重新上路, 用新o既資料黎再分析, 再理性地提出妳o既睇法 ... 我又何必咁感性呢 ?
(hate 妹妳真係一個好正o既網上討論對手 :smile_o12:  .... 不過呢 ...:smile_13: )"
我想知不過呢之後係咩野?:smile_13:
其實,我本身同步姐一樣,都係唔多玩forum,連pm都唔知係咩嗰種,
雖然我本身有個a/c,但係係開左兩年都冇玩嗰種,連上forum睇都好少!
都係受我之前個男朋友影響,先會呢大半年成日玩電腦上forum睇,
我之前考a-level,日日都唔玩電腦,覺得冇野好玩,就算開電腦都係上綱睇新聞咋
而我開呢個"hatemyselftoluv"既a/c,都係費時比我ex-sp知道我身份,因為我之前個a/c用真名開
步姐呢個post,係我唯一一個會用心比意見同留言既post,基本上我冇喺其他post留言,
因為當時同sp既關係令我對步姐既case感興趣,有少少感同身受;

不過,就算依家步姐解開左個迷底,我都冇嬲
至於點解,其實我冇深究,
冇錯,可能之前狡盡腦汁比既意見,全部都白費,
但,可能我明白步姐想逃避事實嗰種感覺!
其實我之前搵sp,除左為sex,也為逃避某D野,
所以我對步姐因為想逃避已婚事實而冇把某D關鍵野講出來,我可以諒解到

btw,就算你唔support步姐同個男同事,都唔代表你意見唔中肯;
相反,如果為步姐好,先要勸她唔好同男同事有D咩關係住,搞清楚同老公段關係

hatemyselftoluv

引用:

原帖由 賓琪步 於 2011-3-10 10:49 PM 發表


今日收到他兩個SMS, 一個係多謝我送他SMS, 第二個係我送了件生日蛋糕比佢. 佢多謝我, 仲話這個他唯一的生日蛋糕. 你估佢係咪感動呢? 男仔會不會感動??
我今日係有點心甜的感覺. 但不知可維持多久呢?

咁跟住點呢?仲有冇咩新進展?
你話我潑你冷水都係咁話ga喇,我既意見,大前題已經同妳講過,就係先處理同老公段關係先,男同事暫且放埋一邊
妳心甜,真係唔甜得幾耐ga!
我就當比你同到男同事一起,
也即係好難聽既背夫偷漢,
你同他都要左暪右暪,
穿左煲個後果又會點呢?
你老公會點?你又點向屋企人交代?
除非你好有信心,你老公知道左都唔會有咩發生,他根本唔在乎之類啦
為妳好,先勸妳處理左同老公既關係先,
你逃避,唔逃得幾耐,大吉利事講句,到你穿左煲嗰日,你咪又係要面對!?(assuming that妳同到男同事一起)
但你依家處理,可以把對所有人既傷害減到最低,
無論你同老公之間有咩問題,都唔係你去搵第三者既藉口(呢句野相信我們都聽過唔少次)
你唔滿意他,關係無法修補,問題無法解決,大不了離婚,清楚了斷,乾脆離開,結束關係,妳先有權去追求真正幸福
可能離婚對妳黎講好難做,我唔知道有咩click住你,也體會唔到你既壓力,
不過,可能妳十年後睇番會後悔,
有咩緊要得過自己既終生幸福?
especially你依家仲有絛件,只係結左一年,仲未有仔女,
當然我唔係從湧你離婚,
妳同老公既關係,選擇去留depends on咩,我個pm講過

我知道,可能我依家講咩妳未必聽得入耳,
我唔會覺得出奇,
因為換轉我係你,我好大可能都係同你一樣,
覺得同到男同事一起先算,
一D我唔想處理既野或者我解決唔到既問題我唔想也唔會去理住,
因為我深信當局者迷,
我之所以可以好理性,都係因為我係旁觀者,對你既target冇感情

btw,我之前reply左你個pm,唔知妳有冇check呢?

hatemyselftoluv

呀,係,最近我睇呀B facebbok寫D野,發覺他心入面仲有一個他仲未放底既女人,
而時間推測,呢個他未忘記既女人應該都係幾年前,
他們依家連朋友都唔係,
不過,唔知點解,我一D醋意都冇,
其實我最近覺得,呀B唔係我當初諗得咁膚淺自大自以為是,
至少,如果有人打開到他內心,他會同你有思想,心靋交流(呢句打完我覺得我講野好廢:smile_35: )
至於呀A個sms點樣表達他冇save我電話,等我pm你們

呢個禮拜又mid-term,又要test喇:')

賓琪步

好開心俠兄終於出現了.
其實琴晚兩點幾我見俠兄ONLINE, 但無留言. 我就係到等, 等等, 等到三點幾見俠兄OFFLINE 了, 但沒有留言給我, 坦白講, 我好唔開心, 好似無左個朋友咁.
俠兄, HATE 妹, 雖然我地素面謀面, 但我早已當你地係我朋友, 以前玩ICQ 都試過係咁, KEEP 住十年了, 沒有見面, 而家無玩ICQ, 但都KEEP 住FB & EMAIL, 感覺得親切. 你地兩個都成了我朋友了. 我不是想隱瞞你地, 我自己都騙埋自己, 我要不斷提醒自己時, 我才發覺自己已婚, 講落都好笑, 好似自己騙自己似的. 最近因為唔開心, 工作啦, 他啦... 等等, 又加上看了俠兄的留言, 我才突然醒起自己..., 所以向講出黎... 琴晚等唔到俠兄留言時, 我都自責, 為何不一早講, 或者唔講.. 唉!
今早起身未落床看到留言, 我真係開心得要. 其實你地的心血和分析係沒有白費的, 我每字每句都聽進心裡. 你地的分析對我很有用, 這幾天沒有你地留言, 我很失落, 有點不開心. ...
其實我也不是這的常客, 我每天都只看你地的留言. 這也成為我的心靈雞湯了. 俠兄, HATE妹, 我再一次向你地道歉. 是我不好.... 請諒! 這幾天我心裡很不舒服, 除了你們外, 就是後悔了, 後悔一年前的決定. 我就在一年前的今天向他宣佈我的婚訊, 當時他還怪我呢?
今年九月, 我和他表示了, 我和老公分開了的消息, 他表示他早知道結果.... 當時我倆好似親近了少少, 但沒有進展, 只是傾計,,,... 後來我才知道他當時有女朋友, 拍了兩個月拖就散了. ..
我和老公的事應該只差時間,就搞清了, 所以和單身沒有兩樣. 就是因為這樣, 我才常常以為自己單身... 哈哈, 係有點自欺欺人. 但的確如此.  所以才敢明戀佢...

俠兄, 你的分析是以男性角度出發, 對我很有用, 而HATE妹呢, 比我自己更了解我自己. 我成日當左HATE 妹係我大學同學, 俠兄就係師兄.... 死啦, 我成日角色混淆.... 會不會有思覺失調呢?

hatemyselftoluv

引用:

原帖由 賓琪步 於 2011-3-13 01:29 AM 發表
好開心俠兄終於出現了.
其實琴晚兩點幾我見俠兄ONLINE, 但無留言. 我就係到等, 等等, 等到三點幾見俠兄OFFLINE 了, 但沒有留言給我, 坦白講, 我好唔開心, 好似無左個朋友咁.
俠兄, HATE 妹, 雖然我地素面謀面, 但 ...

唉呀...點解你隔左一段日子先又再講D關鍵野出黎ga??:smile_27:
原來妳同老公已經搞緊...只係差手續...
咁根本唔成問題啦...
你大可以專心咁明戀暗戀妳個目標...
甚至同他一起都得...
等我仲以為妳係keep住有夫之婦既身份tim:smile_27:
好啦,咁我講下...
我覺得他應該有感動既..
因為妳話他只係得你一個送蛋糕比他ma~
同埋,等我整理歸納一下先,
其實個故仔係咪:
他本身都真係有鍾意你ga?
只不過你因為他冇表示而妳又鬥氣同男友結婚
他知道就放棄左
而依家你們大家都單身(妳只差手續我照count)
咁,你想試下有冇機會再續前緣?

賓琪步

引用:

原帖由 hatemyselftoluv 於 2011-3-13 10:51 AM 發表



唉呀...點解你隔左一段日子先又再講D關鍵野出黎ga??:smile_27:
原來妳同老公已經搞緊...只係差手續...
咁根本唔成問題啦...
你大可以專心咁明戀暗戀妳個目標...
甚至同他一起都得...
等我仲以為妳係keep ...

這段時間的確難過, 我個心每天都"啦住啦住" 痛. 連行街買衫都無心機, 話時話我年都無乜行街買衫了...
你前半段的分析應該係真的, 我估佢當初係對我有好感, 後來就... 我婚後佢初初都好OK, 日日等我放工, 都唔知咩原因就開始淡了.
我又避佢呢, 自半年前, 我同佢講野, 佢唔多睬我那一刻, 我就無再同佢講野了, 現在更加見到面我都避開佢. 可能我覺得佢係討厭我吧, 所以我才不讓他看見我, 不讓他討厭我, 我每天去洗手間要繞路行(他座位近PANTRY & 通往厠所出口), 每天也不入水, 之前一晚入好, 他行過扮看不到, 不抬頭等, 我不知自己是否做得對, 其實我很辛苦的. 就算做不成情侶, 做對朋友, 做同事也好吧, 點解要做到互不睬呢?
就快一年了, 其實男人會唔會不時唸起同佢玩過既女仔呢? 我好想知佢有無唸起下我同佢... 的情境, 我就有囉.
一年了, 我正在想以後應點等佢. 用咩態度對佢. 比著你, 你會怎樣的.

我給你的PM, 收到嗎? 我襟了很多次, 不知是否成功寄出. 確定下.

賓琪步

我今日終於將份生日禮物送左比佢了，第一次係食午飯前佢經過我位我叫停佢，我叫佢那一下我見佢微微一笑，其實有點似偷笑，說”等陣間先”跟住手指向門口，我意會到他要外出午飯。
跟住他返來時同事太多我們無講野。後來見佢單拖在我位前行來行去，但無叫我喎，係我叫停佢的。那一刻佢又偷笑，跟住由我前面行到我隔離。我將禮物遞比佢，佢偷笑一下說”多謝喎”。
無錯！係偷笑，我好想知點解係偷笑囉！我同佢講”好得意架，不過係無聊野”。佢笑下說”多謝喎！”。我唔知佢中唔中意。但可能幾開心。因我見係偷笑外係從心笑出黎咁。
其實我真係對佢好好。
今日3月14日都無收到佢回禮，唉！

hatemyselftoluv

引用:

原帖由 賓琪步 於 2011-3-14 06:53 PM 發表
我今日終於將份生日禮物送左比佢了，第一次係食午飯前佢經過我位我叫停佢，我叫佢那一下我見佢微微一笑，其實有點似偷笑，說”等陣間先”跟住手指向門口，我意會到他要外出午飯。
跟住他返來時同事太多我們無講野。 ...

我覺得你們幾好呀,起碼唔係不瞅不睬,
你兩日無上黎既??
我呢幾日精神好差,所以剩係睇冇留言;
你再主動多D,撩下他傾計,
不過,我自己送禮比人唔會expect回禮,
我明3月14你覺得特別日子,
但你們依家咩關係都未有住,
可能他唔想咁快同你再發展番呢

賓琪步

引用:

原帖由 hatemyselftoluv 於 2011-3-16 11:38 AM 發表


我覺得你們幾好呀,起碼唔係不瞅不睬,
你兩日無上黎既??
我呢幾日精神好差,所以剩係睇冇留言;
你再主動多D,撩下他傾計,
不過,我自己送禮比人唔會expect回禮,
我明3月14你覺得特別日子,
但你們依家咩關係都未 ...

其實我每天都有上來幾次, 查看你同俠兄有無留言給我, 每次都有點失望, 我想, 俠兄仍在生氣吧, 應該說他對我很失望吧. 我也覺得很失落, 收到到他的回應. 好似是激嬲一位好朋友似的, 但又不知怎樣修補. 怎算?

其實我地已有大半年無講野了, 真是不瞅不睬, 我見到佢我都會避開, 不望他, 也不主動和他說話.
前面講到, 最近我和坐在隔離的一位男同事很好傾, 今天午飯時, 我在那男同事位傾計, 傾得不知多開心.
後來他返來, 佢企在他位望住我 (我同他面對面, 男同事則背住他), 他望左我都有兩三分鐘, 好似等入位講野咁, 又拎住我送比佢那架車仔(佢個英文名的, 係THOMAS & FRIENDS 其中一架車), 我當時很不大方, 沒有望他, 就扮看不到.
他就在停頓位插入同我講野, 佢問我係咪真係有這個, 點搵到, (我比埋張單張佢), 佢又問我點解THOMAS 會有個FRIEND 同佢同名.... 等等, 佢笑住黎講, 其他人沒有出聲, 只是望住我地兩個傾計, 我地傾左一陣, 我就繼續同男同事傾計.... 此刻有點開心.

後來, 做做下野, 佢又走過黎借筆 (我坐影印機附近), 以前佢都成日黎借野, 但自從我地不瞅不睬之後, 他再沒有黎借野了, 係問我隔離位阿叔借. 所以今日我都覺得好突然. 真係估唔到...

究竟佢想點呢? 為何有如此大的轉變? 是因為我送了生日禮物給他嗎?
你覺得我應該點對佢呢? 同佢FRIEND 返? 繼續不理睬佢? 怎好呢?

俠兄, 我等緊你架, 你唔好唔理我啦!