見到呢個 post 幾有趣 , 講下自己經驗好了
以約過出來見面既經驗 , 10 個有 10 個都有落差的
只係差在落差多與少而已 , 無論外貌同性格都係
通常都會係網上傾左一段時間 , 先會有見面既衝動同想法
唔會話傾三幾日就會立即可以約出來
其實通常第一次互相見面既感覺 , 係好奇怪的
就算網上既時候去到點樣無所不談法
見面既第一個感覺 , 其實都會比較有 D 陌生感
始終由一個虛幻既世界走到一個真實既世界 , 就好似兩個人行近左一大步咁
然後有時可能會 deadair 一小段時間 , 先能夠開始到話題
女仔 , 通常面對男仔第一次見面 , 都係比較矜持 D
好少見到女仔第一次同自己見面就好似開籠雀咁
會有見過 , 但通常呢 D 都係有目的既比較多 , 因為佢地見得人太多 , 早習慣了
很多時候 , 第一次見完後 , 後面點維繫 , 又係一個好大既學問
如果兩個人不是互相對對方有好感 , 通常就愈來愈少會搵對方了
好感唔一定係情人果種好感 , 也可以係友情果種好感
個人就因為比較笨拙 , 唔識 P 圖 , 也唔喜歡影相
基本比得對方相既 , 都係真人相 , 所以一般女仔如果能同自己去到見面果步
聽佢地講返其實相同真人基本一樣 , 肯定可以一眼認出來的
不過性格嘛 , 就好睇人了
有人話我網上比較傾得 , 但真人會變得沉默左 , 其實感覺同自己性格都有關
又有人話網上同真人都係一樣
真係每次既經歷同感覺都唔一樣 , 因為每次見面 , 對方同自己都有唔同既話題同開端
有時咁 arm 傾得來 , 感覺又會好 D
但大體來說就係 , 要好 smooth 咁由網友走到現實既朋友 , 也是不容易既一步 , 緣份吧
