今期遮打盃單打獨鬥無肉食, 其餘場次"立立亂", 兄弟們小心連場勁爆冷:071:
提供冷門兩匹:
第六場:{2}號新勝利:
此駒谷戰實成熱門, 但轉戰沙田竟成廿幾倍冷門馬, 有啲意外, 其實隻馬季初150場次跑沙田千四得亞軍, 只輸俾"富貴玲瓏", 其後"富貴玲瓏"再出已得到兩贏三位既成績, 證明該場(150場次)係輸俾一隻實力幾超既馬, 換言之, "新勝利"跑沙田並無問題, 上兩場跑得差, "586場次"因谷草排大外檔, 上仗重試"頭罩"失敗, 今次即除掉, 明日排好檔出閘守好位, 應穩位望贏, 咁冷搏得過:097:
第十一場:{7}馬威力
呢隻馬真係又愛又恨, 季初為我贏過唔少錢, 但偏偏要喺追數嗰場(262場次), 小弟大大力重注佢位置時跑個第四:044: :030: , 當場幾乎"吐血"咁際...:023: :043: , 之後馬房可能都覺得佢需要休息一下, 上仗見佢小休復出又跑得幾好, 季尾體力好重要, 另類小休馬有體力上既優勢, 況且馬匹本身今季大熟大勇, 呢場馬房另一明星馬"旺國手'擔飛但用牌仔, 有啲驚牌仔搞唔掂"旺國手", 因為隻馬都幾難騎, 前幾仗見戴勝又推又打先"撻"得着隻馬, 今次湯智傑無戴勝既功力, 因此, 同馬房"馬威力"用熟手騎師賴仔, 但聲東擊西之局, "馬威力"估計到時都有十倍左右, 真係好肥美:071: