慢嘗君

星期六晚, 第 11 集: 哭泣的遊戲

sherwoodhk

期待中，很喜歡你的故事

慢嘗君

引用:

原帖由 sherwoodhk 於 2017-7-8 06:57 AM 發表
期待中，很喜歡你的故事

多謝支持

慢嘗君

11. 哭泣的遊戲

話說我 (Celestine Leung) 同 David 終於發生咗關係，經過徹夜纏綿我地靈慾一致，點知朝早準備再度交歡時，Katy 突然返嚟撞破我地...

「就係咁囉，Sylvia，你話點算?」

「咁你地又離譜啲嘅，嚮個女仔面前搞野，應該返入房嘛。」

「咪講咗唔想見到張結婚相囉。」

「咁都係第一次先要避啫，第二三次無所謂啦... 都唔知個女仔會唔會有陰影添?」

「唔會啩?」

「你試下換轉係自己? 一返入屋見到自己爹地唔著衫攬住個女人嚮度啜，你點諗?」

「唉...」

「不過依家最重要係個爹地點處理，同埋你當時唔好走吖嘛，既然你話個女仔本來都喜歡你，你應該留低幫手氹啦。」

「你唔知啦 Sylvia，當時佢喊得好激動，我變咗衰人咁，唔走點得喎?」

「咁個爹地揾番你未?」

「未呀，仲未有電話，可能仲氹緊啩。」

「嗯，個爹地會唔會借個女唔接受你做籍口，乘機飛你，趙完鬆?」

「唔會，我唔信佢係咁嘅人。」

「不過就算係都無所謂啦，至少你地開心咗成晚，好過我同 Derek 咁若即若離。」

唉，佢一提馬公子我就頭痛...

「我都唔知佢仲當唔當我係女朋友?」

女朋友? 你幾時做咗女朋友?

「明明又成日陪我，又帶我去見佢啲 friend，點解仲唔搞我?」

人地係 gay 點搞你呢?

「唔通佢係 gay?」

Bingo!

「唔會! 佢一定唔係 gay，gay 佬感覺唔係咁。」

Oops...

「唔通... 一直只係我表錯情?」

咪係囉!

「諗番，佢好似好小同其他人提起我嘅，好似講你仲多過講我...」

做乜燒埋我果疊?

「Sylvia，唔好講馬公子好唔好? 講番先我啦，我依家點算...」

Sylvia 係好謹慎嘅人，不過都幾負面，佢分析我同 David 已經玩完。

直到深夜，終於接到 David 電話...

「David，點呀? Katy 點呀?」

「佢依家瞓咗，不過我唔敢講太耐，佢唔畀我搵你架。」

「佢係咪好憎我?」

「佢... 唔... 咁...」

「我都估到嘅，不過有冇連慮埋你?」

「Celestine，唔好咁講啦，我都有責任架。」

「咁我係咪暫時唔可以見 Katy? 我好想親自向佢道歉，同佢解釋清楚。」

「我諗要佢過咗啖氣先，放心啦，我會努力令佢接受你嘅。」

突然我個心好暖。

「而且好消息係 Katy 外婆，即係我外母，都唔反對我地一齊。」

「真係? Thanks god!」

「佢冇明示，不過佢話我呢一年好似老咗好多，但最近又回復生氣，如果因為感情有寄託咁係好事喎。」

「太好喇! Thanks so much!」

「Celestine，唔講咁耐喇，我怕 Katy 會突然扎醒，我依家守緊行為，打唔到畀你，聽晚夜啲或者星期一再搵你。」

「OK, I love you, David.」

我啲擔心好似突然消失晒，我預感將會同 David 有美滿將來...

同 David 同 Katy 組織一個溫暖幸福嘅家。

不過有啲手尾要解決，星期一 Patrick 趁冇人拖我埋一邊猛道歉...

「Celestine，對唔住，對唔住，對唔住，果日女友班機突然取消咗，我都係返到屋企先知，佢捉住我狂呻，我冇辦法走開通知你，有冇搞到你好尷尬? 對唔住，對唔住，對唔住...」

「That's alright.」

其實都係多得佢我先可以同 David 一齊，我應該多謝番佢。

「你唔嬲就好，Celestine，咁我地下次幾時補番? 不如後晚?」

「唔喇，Patrick，上次係最後一次，冇下次。」

「點得架? 明明話做埋最後一次噃。」

「咁你放棄咗就冇架啦。」

呢個人真係野蠻!

「唔得，Celestine，你一定...」

「許 sir，Miss Leung，你地傾緊咩?」

「校長!」

馬太竟然突然出現...

「冇，我地傾閒偈啫。」

「咁啱喇，許 sir，我想同你傾傾你果班果個陳俊...」

Great! 馬太駛開咗 Patrick，我甩難了。

以後同佢冇任何瓜葛，我可以專心做 David 嘅女人喇。

夜晚十點幾，我嚮屋企附近糖水舖門口等，終於見到 David...

「David!」

我即刻攬住佢，如果唔係附近多人，我一定會錫佢。

「我好掛你，David，Katy 點呀?」

David 都攬住我，仲嚮我額頭錫咗一啖...

「仲係咁，佢要我放工即刻去外婆度陪佢，唔畀我有機會見你，仲要我開住屋企個 ip cam，畀佢隨時睇到我喎。」

Katy 梗係驚我偷偷地上佢屋企。

「唉，個 ip cam 係佢 BB 時畀我嚮公司睇佢嘅，點知依家被佢攞嚟監視番我，好似坐監咁。

David 表情好趣怪，我忍唔住錫佢一啖。

「咁你就乖乖地，唔好隨便帶女人返屋企喇。」

「我嘅女人只有你一個，Celestine。」

跟住又再錫我...

「有兩個先啱，仲有 Katy!」

如是者，我地每晚等 Katy 瞓咗就拍夜拖，有時四維行，有時食霄夜，但咁搞法我會愈嚟愈肥。

不過為咗見 David，在所不惜!

有一晚，我地去咗好遠食野，David 聽同事講呢度啲打冷好好食。

其實我以前就係住呢頭，不過自從同展文分咗手已經冇嚟過...

唔知點解，我好唔想返嚟，心入面好似好怕會撞見展文。

其實我驚咩? 唔係應該展文怕我先啱咩? 我冇欠佢，但佢欠我一句道歉!

話雖如此，如果依家撞到展文，我都唔知點面對佢...

或者我未準備好，先咁想逃避，一直唔敢返嚟。

如果唔係陪 David，我諗我唔會再踏進呢區。

「嗯? Celestine　係咪唔啱食? 你冇晒表情嘅?」

「唔係，不過有啲飽喇。」

「咁我地走啦。」

離開舖頭，David 拖住我行咗兩條街，我仍然心不在然...

「Celestine　你係咪唔舒服? 不如我送你返去先?」

「好吖好吖! 走喇!」

我恨不得快啲離開，點知就嚮呢個時候見到前面冇幾遠，有個女仔坐嚮輪椅上...

佢雖然面色倉白，不過我仍然認得，佢係雅文，係展文個細妹。

既然佢係雅文，嚮後面推住佢嘅...

果然...

就係展文!


<未完待續，不日連載>

[ 本帖最後由 慢嘗君 於 2017-7-8 10:32 PM 編輯 ]

慢嘗君

戀情仍有阻滯，突然撞番前度，如果你係 Celestine，你會?
a. 攬住 David 示威
b. 閃

sherwoodhk

跟David一同大方去打招呼

慢嘗君

Celestine 嘅前度, 展文, 第一集已經提起佢, 差唔多集集都有佢個名, 我一直諗點樣交代佢地嘅過去...

今晚, 第 12 集: 孽緣

慢嘗君

12. 孽緣

話說我 (Celestine Leung) 同 David 由於 Katy 阻礙只可以拍夜拖，有一晚同佢食完霄夜，我見到展文推住佢細妹雅文，嚮面前行緊過嚟...

我隻手有啲震，捉實 David。

我個心有啲震，另一隻手捉住 David 手臂。

雅文一如以往，身體虛弱，雙眼空洞，神情呆滯，佢應該仲未好返。

展文嚮後面，呢個距離，佢應該見到我，佢一定見到，佢會點?

我又應該點回應? 應該點做? 應該點?

「嗯? Celestine 咩事?」

David 嚮我耳邊細細聲講野，不過我聽唔到。

到喇，展文嚮面前喇，佢雙眼望向我，佢認得我，佢知道係我。

佢一直望住我，直到嚮我身邊經過。

我想嗌佢，不過嘴巴唔受我控制，除咗意識，全身都向我 say no。

展文以前對我做過嘅野，講過嘅說話，帶嚟嘅傷害，本來已經埋藏晒，依家被佢眼神一一掘番出嚟。

佢一直向前行，我擰轉身，佢冇回頭一直行，好快消失嚮人群之中。

David 一直問我，直到我個心定落嚟先識答佢...

「頭先果個，係展文。」

我曾經同 David 提過以前男朋友叫展文，不過其他野冇同 David 講過。

David 攬住我，望住我...

想 kiss? 想宣示主權?

不過佢冇錫埋嚟，只係望住我，反而我有啲閃縮，望左望右，唔敢一直望住佢。

但 David 繼續唔出聲，堅定地望住我，終於我擺脫混亂嘅思緒，回望番佢。

我地就咁攬住互望，唔理途人奇異目光，過咗超過五分鐘，心入面嘅景象已經變番 David。

「David，你究竟想望到幾時?」

「嘻嘻，返去咯。」

到屋企樓下，我終於忍唔住...

「David，你想唔想知我以前同展文啲野?」

「唔想。」

好驚訝!

「Celestine，以前發生過咩唔重要，最重要係依家嘅你，同我地嘅將來。」

「我地嘅將來?」

我即刻攬住 David，以前展文都對我講過好多動聽嘅說話，講過好多將來會點，將來會點，但最後都係空話。

「David，你會唔會呃我?」

David 嚮我啲頭髮上錫一啖。

「唔會，Celestine，我唔會呃你，我曾經深愛 Edith，但個天帶走咗佢，不過個天帶又你畀我，我依家最愛係你，我會好好珍惜你，無論你係點我都咁愛你。」

「你任個天擺佈? 咁如果個天又帶另一個女人畀你呢?」

「吓? 呀... 咁... 我唔係咁意思... 我...」

哈哈! 好可愛!

「傻佬，我講笑咋!」

但突然個心又想起展文...

「David，你可唔可以同我上去，陪多我一陣?」

「可以，不過方唔方便? 你同屋主...」

「唔怕，Josephine 又出咗差，呢次係例外，只此一次。」

於是我帶佢上樓。

我屋企好細，直接拖 David 入房。

間房好窄，我推開床上面啲衫，瞓上床，褪埋一邊，David 瞓埋上嚟，攬住我。

「Sorry David，我張床好細。」

「點細都細唔過我張梳化啩?」

David 又錫咗我額頭一啖，然後伸手去我背脊，鬆開個 bra。

我幫佢拉低褲鏈，解開皮帶，釋放佢果度出嚟。

佢果度已經硬晒，我輕輕握住下半部，為佢按摩...

「David，你係咪想要?」

「唔係。」

佢拉高我隻手環抱佢...

「Celestine，果啲只係生理反應，我知你依家唔係想要 sex，你最需要有人可以停留嚮你心入面，我希望可以成為你心入面果個人。」

「David, you read my mind!」

我將塊面埋嚮 David 懷中。

David 溫柔地抱住我，嚮我背脊輕輕拍，好似氹 BB 瞓覺咁。

原來佢解開我個 bra 係想我放鬆，真係體貼!

我嚮佢輕柔安撫之下，安心入睡。

不過見番展文呢個事實冇變，潛意識驅使我記起展文，逼我面對佢，終於，我嚮夢入面見到佢...

展文，點解你唔出聲?

展文，你去咗邊? 雅文個男朋友強姦咗我，佢趁我醉咗強姦我，我要報警，我要告佢...

展文，佢講大話，我冇引誘佢，你要相信我...

展文，點解你唔係企嚮我果邊?

展文，我有咗 BB，個 BB 係你嘅，你信我，個 BB 真係你嘅...

展文，點解你唔出聲?

Celestine，雅文自殺，雖然救得番，不過對外界冇晒反應，我唔可以唔理佢...

展文，咁我呢? 我點呀? 我地個 BB 點呀?

Celestine，果個係你嘅 BB，你想點就點...

展文，個 BB 你都有份架，你信我，個 BB 真係你架...

Celestine，咁嘅情況我點相信? 總之我地到此為止...

展文，你話過同我永遠嚮一齊嘅，你話永遠愛我嘅，永遠保護我嘅，點解反口?

展文，點解你唔出聲?

展文，展文，展文...

「Celestine，你點呀?」

擘大眼，我見到 David...

「Celestine，冇野嘛? 你發開口夢。」

「我講過咩?」

「你好激動。」

「咁我講咗咩?」

「係咩唔重要，最重要係我永遠嚮你身邊，知唔知? 無論發生咩事我都唔會離開你，知唔知?」

跟住佢啜去我啲眼淚，又嚮額頭同頭髮上錫咗幾啖。

我感受到佢嘅愛意，我感覺到佢嘅呵護，但心入面始終有啲保留。

跟住我又瞓番，但瞓得唔好，好易扎醒，每次醒咗 David 就會錫番我，呵我入睡，直到下一次扎醒...

終於，接近朝早 6 點 David 先走，始終佢要返工，唔可以一直被我依賴落去。

但返到學校，另一個惡夢又嚟，就係 Patrick。

佢成日借故提住差一次，欠一次，咪走數...

好煩! 呢個男人認真無賴，好後悔當初搭上佢，佢曾經畀過好多興奮回憶我，不過依家只剩番嫌惡，見到佢後面憎佢前面。

「Miss Leung，Miss Leung...」

唉...

「Miss Leung，找數未呀?」

「許 sir，你唔好再煩我好唔好? 咪講咗一千次囉，我地冇拖冇欠，冇下一次。」

「點可以話完就完架? 你知唔知我幾掛住你? 我下面幾需要你?」

「我話之你下面生蟲，有需要就搵你女友。」

「我女友點比得上你呢? 佢好多野都唔肯做，而且你都好需要我格，記唔記得我地每次幾火辣?」

「我唔記得，我只知道你再纏住我就發火!」

「不如我幫你記番吖，我條脷會令你企唔穩...」

又想拖我入 store room 搞?

我已經係 David 嘅女人，點都唔會畀你。

我出力 fing 開佢隻手，舉手想摑佢一巴...

「你再係咁我唔同你客氣!」

跟住轉身走...

「Celestine，冇咗我，你一定會後悔架...」

我識著你已經好後悔喇!

好彩就快學期尾，唔使對多佢幾耐。

不過依家最重要係快啲同學校續約，終於，馬太叫我放學後見佢...

「校長。」

「Miss Leung，講坐... 你嚮學校都好幾年喇，我留意到好多同學都幾喜歡你，你營造到愉快嘅學習氣氛，呢方面學校係非常欣賞。」

Yeah! 咁續約應該冇問題啦?

「你教果幾班成績都唔錯，其中有幾個同學入學時英文比較差，但依家已經有顯注進步，所以你做得好好。」

Great! 咁新 contract 人工加幾多?

「我相信你都明白學校好著重學生成績，不過我地亦唔會忽視同學嘅操行...」

唔?

「呢方面我地除咗要留意同糾正佢地嘅行為，學校更需要老師可以身教。」

Oh?

「其實作為校長，我唔適合介入老師之間嘅私生活...」

點解馬太突然咁講? 我有啲擔心。

「好似 Miss Leung 你同許 sir 啲野我都唔想過問...」

果然馬太知道我同 Patrick...

「但係如果太過份... 不如你自己睇。」

佢遞部 iPad 畀我，上面有張相，相入面有個女仔冇著衫趴跪嚮地下，前面同後面都有冇著褲嘅男人用果度對住佢...

個女仔耷低頭，長髮遮住大半邊面...

不過我一眼就認得出...

因為個女主角...

就係我!


<未完待續，不定期連載>

[ 本帖最後由 慢嘗君 於 2017-7-12 11:51 PM 編輯 ]

慢嘗君

Celestine 夠鐘找數，如果你係 Celestine，你會?
a. 死口否認
b. Yes, it's me. What's up?

sherwoodhk

會認，老實交待。ABC唔受人威脅