親愛的....今日終於來臨啦.....一個月之前同你一齊既時候你就好肯定甘講明....到今日當你返老家之後..就係我地斷絕聯絡既日子...我一直以為我有機會可以改變你呢個甘既想法..就呢個話題吵過好幾次...最後你竟然同我講...你下次返黎需要既唔係愛情...因為愛情會影響你既工作......你要既..而係..錢...
我完全唔明白..點解你又可以同你D客人聯絡...又唔可以同我聯絡..我唔可以做你既客人架咩!??! ....你竟然講得出口話..你唔打算再係呢個場度做...而係..可能轉做其他..更搵錢既工作....我當時比既反應就係不如我地一齊我養你啦..........而你竟然唔比我甘做..仲叫我大家留個美好既回憶算啦..朋友都一直話我..唔好甘蠢....妳不過係貪我既錢.....放長相眼睇下佢幾時叫你買禮物丫......點解..點解你無甘做....你甘做我會覺得呢個係一買一賣...一個交易...總讓我可以好過D丫....我試過係你返工之前偷偷放錢係你銀包.....你發覺到...唔單止鬧我..仲扔番D錢比我......令我覺得好內疚....朋友又同我講呢D就係放長線釣大魚既手法啦.....但係個時你只係剩返兩日就走啦...仲放乜長線呢!?
呢個星期同你一齊去左好多好多地方...玩得好開心亦都影左好多相....想曬番D出黎比你留念...竟然只係叫我保存好...我保存黎有咩用丫?!?!?..直到琴晚你提議去返我地第一次食飯既地方食飯....就好似覺得係最後晚餐甘...成餐飯都食得好慢好慢..食左好耐時間..食到人地閂門你都唔捨得走.....既然你甘留戀甘認真..又何必一定要分開呢!?點解唔肯講多D你既事我知丫...每次問親你..你都唔係扮傻就扮訓覺..就連你坐飛機去邊個機場..都唔可以同我講丫...你仲要我一生一世記住你..但係你唔比我同你聯絡...試問又邊有甘既可能呢?!?!?
今朝一早無理你既反對..照樣送左你去機場....等你寄晒行李...我都已經遲晒大到....但係總係唔捨得走...仲想同你食多個早餐先走..怕你肚餓...飛機上面既野又唔岩你食.....點知你只係一直叫我快D走去返工...當時我走左出去...食左支煙...準備上車既時候你又做咩打電話比我呢...死蠢既我以為你係唔捨得我......當我返返去搵番你既時候...見到你個樣好似好蕉急甘只係一直拉我走.....最後你衝口而出講左一句" 你快Ｄ走啦..一陣有人黎啦......" 呢一刻我先明白..原來...你打電話比我原來係想確認我上左車未..而唔係唔捨得...哈哈.....我亦都係呢一刻深深感受心痛既感覺...連88都無講就走左去.....之後一直收到你既電話...我唔知你係想再三確認我上左車未..定係有咩想解釋...不過O個一刻我真係唔想聽....亦都無心情聽...更加唔想知O個個"他"係邊個.........如果你要呃我...點解唔呃得完美D呢..就只係差個一分鐘.........不過我都好多謝你比我既呢段回憶.........祝你一路順風..好好保重.!
